newsics.com
ನಮ್ಮ ದೇಹದಲ್ಲಿನ ಬಟ್ಟೆಯು ಆರೋಗ್ಯದ ಮೇಲೆ ಪ್ರಮುಖ ಪಾತ್ರ ವಹಿಸುವುದು ಎನ್ನುವುದು ಹೆಚ್ಚಿನವರಿಗೆ ತಿಳಿದಿಲ್ಲ. ಯಾಕೆಂದರೆ ನಾವು ತುಂಬಾ ಬಿಗಿಯಾಗಿರುವಂತಹ ಯಾವುದೇ ಬಟ್ಟೆಯನ್ನು ದೀರ್ಘ ಸಮಯದ ತನಕ ಧರಿಸಿದರೆ ಅದರಿಂದ ಹಲವಾರು ಆರೋಗ್ಯ ಸಮಸ್ಯೆಗಳು ಬರಬಹುದು. ಅದರಲ್ಲೂ ಮುಖ್ಯವಾಗಿ ಬಿಗಿ ಬಟ್ಟೆಯಿಂದಾಗಿ ರಕ್ತ ಸಂಚಾರದ ಮೇಲೆ ಪರಿಣಾಮ ಉಂಟಾಗಬಹುದು. ಹೀಗಾಗಿ ಯಾವಾಗಲೂ ಸ್ವಲ್ಪ ಸಡಿಲ ವಾಗಿರುವ ಬಟ್ಟೆ ಧರಿಸಿದರೆ ತುಂಬಾ ಒಳ್ಳೆಯದು. ಇಲ್ಲಿ ಮುಖ್ಯವಾಗಿ ಬಿಗಿ ಒಳ ಉಡುಪು ಧರಿಸಿದರೆ ಅದರಿಂದ ಕೂಡ ಸಮಸ್ಯೆಯಾಗುವುದು ಎಂದು ಸಂಶೋಧನೆಗಳು ಹೇಳಿವೆ
ತೊಡೆಸಂದಿನ ಪ್ರದೇಶದಲ್ಲಿ ತಾಪಮಾನವು ವೀರ್ಯದ ಗುಣಮಟ್ಟ ಮತ್ತು ಚಲನಶೀಲತೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಬಿಗಿಯಾಗಿ ಬೆಸ್ಟ್ ಧರಿಸುವುದರಿಂದ, ಆ ಭಾಗದಲ್ಲಿ ರಕ್ತದ ಹರಿವನ್ನು ನಿರ್ಬಂಧಿಸಬಹುದು. ಇದು ವೀರ್ಯ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ. ಇದರ ಕೆಳಭಾಗ ಮತ್ತು ಜನನಾಂಗದ ಪ್ರದೇಶದ ದೀರ್ಘಕಾಲದ ಸಂಕೋಚನವು ಉರಿಯೂತಕ್ಕೆ ಕಾರಣವಾಗಬಹುದು. ಇದು ಫಲವತ್ತತೆಯ ಮೇಲೆ ಪರಿಣಾಮ ಬೀರುತ್ತದೆ. ಇದರ ಜತೆಗೆ ಬಿಗಿಯಾದ ಬೆಲ್ಟ್ ಧರಿಸುವುದರಿಂದ ಕಾಲಾನಂತರದಲ್ಲಿ ಜೀರ್ಣಕಾರಿ ಸಮಸ್ಯೆಗಳಿಗೂ ಕಾರಣವಾಗಬಹುದು.
ಮಕ್ಕಳಾಗಬೇಕು ಎಂದು ಬಯಸುವ ಪುರುಷರು ಯಾವತ್ತಿಗೂ ಬಿಗಿಯಾದ ಒಳ ಉಡುಪನ್ನು ಧರಿಸಲೇ ಬಾರದು. ಬಿಗಿಯಾಗಿರುವಂತಹ ಒಳ ಉಡುಪು ಧರಿಸಿದರೆ ಆಗ ಖಂಡಿತವಾಗಿಯು ತಂದೆಯಾಗುವ ನಿಮ್ಮ ಕನಸಿಗೆ ತಣ್ಣೀರು ಬೀಳುವುದು. ಯಾಕೆಂದರೆ ಬಿಗಿ ಒಳ ಉಡುಪು ಧರಿಸಿದರೆ ಅದರಿಂದ ವೀರ್ಯದ ಚಲನೆ ಮೇಲೆ ತುಂಬಾ ಪರಿಣಾಮ ಬೀರುವುದು ಎಂದು ಇಂಗ್ಲೆಂಡಿನ ನ್ಯಾಶನಲ್ ಇನ್ ಸ್ಟಿಟ್ಯೂಟ್ ಫಾರ್ ಹೆಲ್ತ್ ಆ್ಯಂಡ್ ಕ್ಲಿನಿಕಲ್ ಎಕ್ಸಲೆನ್ಸಿ ನಡೆಸಿರುವಂತಹ ಅಧ್ಯಯನವು ಹೇಳಿದೆ.
ಬಿಗಿ ಒಳ ಉಡುಪು ಧರಿಸುವುದು ಆಲ್ಕೋಹಾಲ್ ಮತ್ತು ಧೂಮಪಾನದಷ್ಟೇ ಅಪಾಕಾರಿ ಆಗಿ ಪುರುಷರ ವೀರ್ಯದ ಚಲನೆ ಮೇಲೆ ಪರಿಣಾಮ ಬೀರುವುದು ಎಂದು ಹೇಳಿದೆ. ತೊಡೆಸಂಧುಗಳು ಬಿಗಿಯಾಗಿ ಹಿಡಿಯಲ್ಪಡುವ ಕಾರಣ ದಿಂದಾಗಿ ಅದು ವೀರ್ಯದ ಮಟ್ಟದ ಮೇಲೆ ಪರಿಣಾಮ ಬೀರುವುದು. ಬಿಗಿಯಾದ ಒಳ ಉಡುಪಿನಿಂದಾಗಿ ವೃಷಣದ ಸುತ್ತಲು ಉಷ್ಣತೆಯು ಹೆಚ್ಚಾಗುವುದು ಮತ್ತು ಇದರಿಂದಾಗಿ ವೀರ್ಯದ ಉತ್ಪತ್ತಿ ಮೇಲೆ ಪರಿಣಾಮವಾಗುವುದು. ವೀರ್ಯದ ಚಲನೆಯು ಹಲವಾರು ಅಂಶಗಳನ್ನು ಒಳಗೊಂಡಿದೆ. ಇದರಲ್ಲಿ ಮುಖ್ಯವಾಗಿ ದೇಹದ ಉಷ್ಣತೆಯು ಒಂದಾಗಿದೆ.
ಬಿಗಿಯಾದ ಒಳ ಉಡುಪು ಧರಿಸಿದರೆ ಆಗ ಹೊಟ್ಟೆಯ ಮೇಲಿನ ಮತ್ತು ಕೆಳಗಿನ ಭಾಗದಲ್ಲಿ ಕಿರಿಕಿರಿ ಉಂಟಾಗುವುದು. ತುಂಬಾ ಬಿಗಿಯಾಗಿದ್ದರೆ ಆಗ ಅದು ಹೊಟ್ಟೆಯ ಮೇಲೆ ಒತ್ತಡ ಹಾಕಬುದು ಮತ್ತು ಇದರಿಂದಾಗಿ ಆಮ್ಲೀಯ ಪ್ರತಿರೋಧವು ಕಾಣಿಸಿಕೊಂಡು ಎದೆಯುರಿ ಬರಬಹುದು ಎಂದು ಅವರು ತಿಳಿಸಿರುವರು. ಬಿಗಿಯಾದ ಒಳ ಉಡುಪಿನಿಂದಾಗಿ ತೊಡೆಯ ಮೇಲಿನ ಭಾಗದಲ್ಲಿ ರಕ್ತ ಸಂಚಾರ ಮೇಲೆ ಪರಿಣಾಮ ಬೀರುವುದು.
