newsics. com
ಮೆಲ್ಬೋರ್ನ್: 4 ವರ್ಷಗಳ ಬಳಿಕ ಆಸ್ಟೇಲಿಯಾದಿಂದ ಭಾರತಕ್ಕೆ ಆಗಮಿಸುತ್ತಿದ್ದ 24 ವರ್ಷದ ಯುವತಿಯೊಬ್ಬಳು ವಿಮಾನದಲ್ಲೇ ಪ್ರಾಣಬಿಟ್ಟ ಆಘಾತಕಾರಿ ಘಟನೆ ಮೆಲ್ಬೋರ್ನ್ ಕ್ವಾಂಟಸ್ ವಿಮಾನದಲ್ಲಿ ನಡೆದಿದೆ.
ಜೂನ್ 20 ರಂದು ಘಟನೆ ನಡೆದಿದ್ದು, ಮೃತ ಯುವತಿ ಮನ್ಪ್ರೀತ್ ಕೌರ್ ಭಾರತ ಮೂಲದವರಾಗಿದ್ದು ತಮ್ಮ ಕುಟುಂಬವನ್ನು ಭೇಟಿ ಮಾಡುವುದಕ್ಕಾಗಿ ನಾಲ್ಕು ವರ್ಷಗಳ ನಂತರ ಭಾರತಕ್ಕೆ ಆಗಮಿಸುತ್ತಿದ್ದ ವೇಳೆ ಹೀಗೆ ಹಠಾತ್ ಸಾವು ಸಂಭವಿಸಿದೆ.
ಟುಲ್ಲಾಮೇರಿನ್ ವಿಮಾನ ನಿಲ್ದಾಣದಲ್ಲಿ ವಿಮಾನವೇರಿದ ಸ್ವಲ್ಪ ಹೊತ್ತಿನಲ್ಲೇ ಮನ್ಪ್ರೀತ್ ಕೌರ್ ಅವರಿಗೆ ವೈದ್ಯಕೀಯ ಸಮಸ್ಯೆ ಕಾಣಿಸಿಕೊಂಡಿದೆ. ಅವರ ಸ್ನೇಹಿತರೊಬ್ಬರು ಹೇಳುವ ಪ್ರಕಾರ, 24 ವರ್ಷದ ಈ ವಿದ್ಯಾರ್ಥಿನಿಗೆ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ನಂತರ ಅನಾರೋಗ್ಯ ಕಾಡಿದೆ. 4 ವರ್ಷಗಳ ನಂತರ ತಮ್ಮೂರು ಹಾಗೂ ತಮ್ಮವರನ್ನು ಕಾಣುವ ತವಕದಲ್ಲಿದ್ದ ಅವರು ಭಾರತದ ದೆಹಲಿಗೆ ಹೊರಟು ನಿಂತಿದ್ದ ವಿಮಾನವೇರುವ ವೇಳೆ ಯಾವುದೇ ತೊಂದರೆ ಇಲ್ಲದೇ ವಿಮಾನ ಹತ್ತುವಲ್ಲಿ ಯಶಸ್ವಿಯಾಗಿದ್ದರು. ಆದರೆ ವಿಧಿಯಾಟ ಬೇರೆಯೇ ಇತ್ತು. ವಿಮಾನವೇರಿದ ಸ್ವಲ್ಪ ಹೊತ್ತಿನಲ್ಲೇ ಅವರು ಬದುಕಿಗೆ ಗುಡ್ ಬೈ ಹೇಳಿದ್ದಾರೆ.
ವಿಮಾನದಲ್ಲಿ ಕುಳಿತ ನಂತರ ಸೀಟ್ ಬೆಲ್ಸ್ ಹಾಕುವ ವೇಳೆ ವಿಮಾನದೊಳಗೆಯೇ ಕೌರ್ ನೆಲಕ್ಕೆ ಕುಸಿದು ಅಲ್ಲೇ ಹಠಾತ್ ಸಾವು ಕಂಡಿದ್ದಾರೆ. ಆಕೆ ವಿಮಾನವೇರಿದ ನಂತರ ಸೀಟ್ ಬೆಲ್ಸ್ ಹಾಕಲು ಕಷ್ಟಪಡುತ್ತಿದ್ದಳು. ಅದಾಗಿ ಸೆಕೆಂಡ್ಗಳಲ್ಲಿ ವಿಮಾನ ಇನ್ನೇನು ಟೇಕಾಫ್ ಆಗಬೇಕು ಅನ್ನುವಷ್ಟರಲ್ಲಿ ಆಕೆ ತಮ್ಮ ಸೀಟಿನ ಮುಂದೆಯೇ ಕುಸಿದು ಬಿದ್ದು ಅಲ್ಲೇ ಸಾವನ್ನಪ್ಪಿದಳು ಎಂದು ಆಕೆಯ ಸ್ನೇಹಿತ ಗುರುದೀಪ್ ಗ್ರೇವಾಲ್ ತಿಳಿಸಿದ್ದಾರೆ.
ಕೂಡಲೇ ವಿಮಾನದ ಸಿಬ್ಬಂದಿ ಹಾಗೂ ತುರ್ತು ಸೇವಾ ವಿಭಾಗವೂ ಆಕೆಯ ವೈದ್ಯಕೀಯ ಸಹಾಯಕ್ಕೆ ಧಾವಿಸಿತ್ತು. ಆದರೆ ಆಕೆ ಅಷ್ಟರಲ್ಲಿ ಸಾವನ್ನಪ್ಪಿದ್ದಾಳೆ. ಪಡೆದು ಕುಟುಂಬಕ್ಕೆ ನೀಡಲು ಮುಂದಾಗಿದ್ದಾರೆ.
ಹತ್ರಾಸ್ ಕಾಲ್ತುಳಿತ: ಮೃತರ ಸಂಖ್ಯೆ 116ಕ್ಕೇರಿಕೆ, ಹೆಣಗಳ ರಾಶಿ ನೋಡಿ ಹೃದಯಾಘಾತದಿಂದ ಪೊಲೀಸ್ ಸಾವು
