newsics.com
ಹಿಂದೂ ಸಂಪ್ರದಾಯದಲ್ಲಿ ವಿವಾಹ ವ್ಯವಸ್ಥೆ ಬಹಳ ಮುಖ್ಯವಾದ ಪಾತ್ರ ವಹಿಸುತ್ತದೆ. ಆದರೆ ಇಲ್ಲೊಂದು ಊರಲ್ಲಿ ವಿಚಿತ್ರವಾಗಿ ಮದುವೆ ಮಾಡುವ ಸಂಪ್ರದಾಯ ಇದೆ.
ಇಂಡೋನೇಷ್ಯಾದ ಗೊರೊಂಟಾಲೊ ಪರ್ವತದಲ್ಲಿ ಆಳವಾದ ಮತ್ತು ದಟ್ಟವಾದ ಕಾಡುಗಳಲ್ಲಿ ವಾಸಿಸುವ ಪೊಲಾಹಿ ಬುಡಕಟ್ಟು ಜನಾಂಗವು ಪ್ರಪಂಚದಾದ್ಯಂತದ ಸಂಶೋಧಕರಿಗೆ ಅರ್ಥವಾಗದ ಒಗಟಾಗಿ ಉಳಿದಿದೆ.
ಪೋಲಾಹಿ ಎಂಬ ಬುಡಕಟ್ಟು ಜನಾಂಗದಲ್ಲಿನ ದೈಹಿಕ ಸಂಬಂಧದ ಆಚರಣೆಯೇ ವಿಚಿತ್ರವಾದುದು. ಇಲ್ಲಿ ಒಡಹುಟ್ಟಿದವರು, ತಾಯಿ -ಮಗ ಮತ್ತು ತಂದೆ- ಮಗಳು ದೈಹಿಕ ಸಂಬಂಧ ನಡೆಸೋದು ಸಾಮಾನ್ಯ. ಅಂದರೆ ಈ ಜನರು ರಕ್ತಸಂಬಂಧಿಗಳನ್ನು ಸಹ ಮದುವೆಯಾಗುವ ಸಂಪ್ರದಾಯವನ್ನು ಹೊಂದಿದ್ದಾರೆ. ಡಚ್ ವಸಾಹತುಶಾಹಿ ಯುಗದಿಂದಲೂ ಅವರ ನಡುವಿನ ಈ ವಿವಾಹ ವ್ಯವಸ್ಥೆ ನಡೆಯುತ್ತಿದೆ. ಇದನ್ನು ಅಸಾಮಾನ್ಯ ಅಥವಾ ವಿಚಿತ್ರವೆಂದು ಪರಿಗಣಿಸಲಾಗಿದ್ದರೂ, ಈ ಸಂಸ್ಕೃತಿ ಇಂದಿಗೂ ಅಸ್ತಿತ್ವದಲ್ಲಿದೆ.
ಪೋಲಾಹಿ ಬುಡಕಟ್ಟು ಜನಾಂಗದಲ್ಲಿ ಈ ಸಂಪ್ರದಾಯದ ಬಗ್ಗೆ ದೀರ್ಘಕಾಲದಿಂದ ಸಂಶೋಧನೆ ನಡೆಯುತ್ತಿದೆ. ಈ ಅಧ್ಯಯನಗಳ ಫಲಿತಾಂಶಗಳ ಪ್ರಕಾರ ಪೋಲಾಹಿ ಬುಡಕಟ್ಟಿನವರಿಗೆ ಸಾಕಷ್ಟು ತಿಳುವಳಿಕೆ ಮತ್ತು ಜ್ಞಾನದ ಕೊರತೆಯಿದೆ ಎಂದು ತೋರಿಸುತ್ತದೆ. ಅಲ್ಲದೇ ಮತ್ತೊಂದು ಮಾನವ ಗುಂಪಿನೊಂದಿಗೆ ಹೇಗೆ ಸಂಪರ್ಕ ಸಾಧಿಸಬೇಕೆಂದು ಅವರಿಗೆ ತಿಳಿದಿಲ್ಲ. ಆದ್ದರಿಂದ, ಅವರು ತಮ್ಮ ನಡುವೆ ಸಂತಾನೋತ್ಪತ್ತಿ ಮಾಡುತ್ತಾರೆ ಅನ್ನೋದನ್ನು ಕಂಡು ಹಿಡಿದಿದ್ದಾರೆ.
ಅನೇಕ ಅಧ್ಯಯನಗಳು ಮತ್ತು ಸಂಶೋಧನೆಗಳ ಹೊರತಾಗಿಯೂ, ಪೊಲಾಹಿ ಬುಡಕಟ್ಟಿನ ಈ ಸಂಪ್ರದಾಯದಿಂದ ಹುಟ್ಟಿದ ಮಕ್ಕಳ ಬಗ್ಗೆ ಅಚ್ಚರಿಯ ಫಲಿತಾಂಶ ಬಂದಿದೆ. ಅದೇನೆಂದರೆ ಪೊಲಾಹಿ ಬುಡಕಟ್ಟಿನ ಅನೈತಿಕ ಸಂಬಂಧ ವಿವಾಹಗಳಿಂದ ಜನಿಸಿದ ಮಕ್ಕಳು ಇತರ ಮಾನವ ಗುಂಪುಗಳಿಗಿಂತ ಫಿಟ್ ಆಗಿರುವುದು ಕಂಡುಬಂದಿದೆ. ಇದು ಏಕೆ ಸಂಭವಿಸುತ್ತದೆ ಎಂದು ಕಂಡುಹಿಡಿಯಲು ಸಂಶೋಧಕರು ಇನ್ನೂ ವಿಫಲರಾಗಿದ್ದಾರೆ.
