newsics.com
ನವದೆಹಲಿ : ಫೂಡ್ ಡೆಲಿವರಿ ಸಂಸ್ಥೆ ಜೊಮಾಟೊ ತನ್ನ ಬಿಸಿನೆಸ್ಗಳನ್ನು ಹೆಚ್ಚಿಸುವುದರ ಜೊತೆಗೆ ಈಗ ಹೆಸರು ಬದಲಾವಣೆ ಕೂಡ ಮಾಡಿಕೊಂಡಿದೆ.
ಜೊಮಾಟೊದ ಕಾರ್ಪೊರೇಟ್ ಹೆಸರು ಎಟರ್ನಲ್ ಎಂದಾಗಿರಲಿದೆ. ಎಟರ್ನಲ್ ಲಿಮಿಟೆಡ್ ಕಂಪನಿಯ ಅಡಿಯಲ್ಲಿ ಜೊಮಾಟೊ, ಬ್ಲಿಂಕಿಟ್, ಹೈಪರ್ಪ್ಯೂರ್ ಮತ್ತು ಡಿಸ್ಟ್ರಿಕ್ಟ್ ಕಂಪನಿಗಳು ಬರಲಿವೆ. ಈ ನಾಲ್ಕು ಬಿಸಿನೆಸ್ಗಳಿಗೂ ಪ್ರತ್ಯೇಕ ಸಿಇಒಗಳಿದ್ದಾರೆ. ದೀಪಿಂದರ್ ಗೋಯಲ್ ಅವರು ಇಡೀ ಗ್ರೂಪ್ಗೆ ಸಿಇಒ ಆಗಿ ಮುಂದುವರಿಯಲಿದ್ದಾರೆ.
ಜೋ ಮಾಟೋ ಸಂಸ್ಥೆ ಮೂಲತಃ ಫೂಡ್ ಟೆಕ್ ಕಂಪನಿ. ನಂತರ ಅದರ ಕಾರ್ಯಕ್ಷೇತ್ರ ವಿಸ್ತರಿಸುತ್ತಾ ಬಂದಿದೆ. ಬ್ಲಿಂಕಿಟ್ ಎನ್ನುವ ಕ್ವಿಕ್ ಕಾಮರ್ಸ್ ಕಂಪನಿಯನ್ನು ಖರೀದಿಸಿತು. ಲಾಜಿಸ್ಟಿಕ್ಸ್ ಬಿಸಿನೆಸ್ ಹೊಂದಿದೆ. ಈ ಹಿನ್ನೆಲೆಯಲ್ಲಿ ಕಾರ್ಪೊರೇಟ್ ಕಂಪನಿಗೆ ಪ್ರತ್ಯೇಕ ಐಡೆಂಟಿಟಿ ಇರುವ ಅವಶ್ಯಕತೆ ಇತ್ತು. ಹೀಗಾಗಿ, ಎಟರ್ನಲ್ ಎಂದು ಹೆಸರು ಬದಲಾವಣೆ ಮಾಡಲಾಗಿದೆ.
ಜೊಮಾಟೊದ ಹೆಸರು ಬದಲಾವಣೆಯನ್ನು ಷೇರು ವಿನಿಮಯ ಕೇಂದ್ರಗಳ ಲಿಸ್ಟಿಂಗ್ನಲ್ಲಿ ಕಾಣಬಹುದು. ಜೊಮಾಟೊ ಬದಲು ಎಟರ್ನಲ್ ಹೆಸರನ್ನು ಕಾಣುತ್ತೀರಿ. ನಿಮ್ಮ ಊಟಕ್ಕೆ ಬುಕ್ ಮಾಡಲು ಬಳಸುವ ಜೊಮಾಟೊ ಆ್ಯಪ್ನ ಹೆಸರು ಮತ್ತು ಅದರ ಬ್ರ್ಯಾಂಡಿಂಗ್ ಹಾಗೆಯೇ ಇರುತ್ತದೆ.
