newsics.com | ನ್ಯೂಸಿಕ್ಸ್
ನಮ್ಮ ದಿನನಿತ್ಯದ ಊಟಕ್ಕೆ ಅನ್ನವೇ ಪ್ರಧಾನ. ಬೆಳಿಗ್ಗೆ, ಮಧ್ಯಾಹ್ನ, ರಾತ್ರಿ ಹೀಗೆ ಮೂರು ಹೊತ್ತೂ ಅನ್ನ ಉಣ್ಣುವವರೇ ಹೆಚ್ಚು. ಆದರೆ, ಇತ್ತೀಚಿನ ದಿನಗಳಲ್ಲಿ ಲಾಭಕೋರರು ಮಾರುಕಟ್ಟೆಗೆ ‘ಪ್ಲಾಸ್ಟಿಕ್ ಅಕ್ಕಿ’ಯನ್ನು ಕಲಬೆರಕೆ ಮಾಡಿ ಬಿಡುತ್ತಿದ್ದಾರೆ ಎಂಬ ಸುದ್ದಿ ಜನರಲ್ಲಿ ಭೀತಿ ಹುಟ್ಟಿಸಿದೆ. ಇಂತಹ ಕೃತಕ ಅಕ್ಕಿಯನ್ನು ತಿಂದರೆ ಜೀರ್ಣಕ್ರಿಯೆ ಕೆಡುವುದಲ್ಲದೆ, ಕ್ಯಾನ್ಸರ್ನಂತಹ ಅಪಾಯಕಾರಿ ಕಾಯಿಲೆಗಳು ಬರುವ ಸಾಧ್ಯತೆ ಇದೆ ಎಂದು ವೈದ್ಯರು ಎಚ್ಚರಿಸುತ್ತಾರೆ. ಹಾಗಾದರೆ, ನಾವು ಖರೀದಿಸಿದ ಅಕ್ಕಿ ಅಸಲಿಯೇ ಅಥವಾ ಪ್ಲಾಸ್ಟಿಕ್ನದ್ದೇ ಎಂದು ಸುಲಭವಾಗಿ ತಿಳಿಯುವುದು ಹೇಗೆ? ಅದಕ್ಕಾಗಿ ನಿಮ್ಮ ಅಡುಗೆ ಮನೆಯಲ್ಲೇ ಮಾಡಬಹುದಾದ 3 ಅತ್ಯಂತ ಸರಳ ಪರೀಕ್ಷೆಗಳು ಇಲ್ಲಿವೆ.
ಅಕ್ಕಿಯ ಅಸಲಿಯತ್ತು ತಿಳಿಯಲು 3 ಸುಲಭ ಟೆಸ್ಟ್ಗಳು
- ನೀರಿನ ಪರೀಕ್ಷೆ: ಒಂದು ಗ್ಲಾಸ್ ನೀರಿಗೆ ಒಂದು ಚಮಚ ಅಕ್ಕಿ ಹಾಕಿ ನೋಡಿ. ಅಸಲಿ ಅಕ್ಕಿ ತಕ್ಷಣ ನೀರೊಳಗೆ ಮುಳುಗುತ್ತದೆ. ಆದರೆ ಪ್ಲಾಸ್ಟಿಕ್ ಅಕ್ಕಿ ಮುಳುಗದೆ ನೀರಿನ ಮೇಲೆ ತೇಲುತ್ತದೆ.
- ಬೆಂಕಿಯ ಪರೀಕ್ಷೆ: ಸ್ವಲ್ಪ ಅಕ್ಕಿಯನ್ನು ತಗೊಂಡು ಬೆಂಕಿಯಲ್ಲಿ ಸುಟ್ಟು ನೋಡಿ. ಒಂದು ವೇಳೆ ಅಕ್ಕಿ ಸುಡುವಾಗ ಪ್ಲಾಸ್ಟಿಕ್ ಕರಗಿದ ವಾಸನೆ ಅಥವಾ ಕೆಟ್ಟ ಕೆಮಿಕಲ್ ವಾಸನೆ ಬಂದರೆ ಅದು ನಕಲಿ ಅಕ್ಕಿ.
- ಬಿಸಿ ಎಣ್ಣೆಯ ಪರೀಕ್ಷೆ: ಚೆನ್ನಾಗಿ ಕಾದ ಎಣ್ಣೆಗೆ ಸ್ವಲ್ಪ ಅಕ್ಕಿ ಹಾಕಿ. ಅದು ಪ್ಲಾಸ್ಟಿಕ್ ಅಕ್ಕಿಯಾಗಿದ್ದರೆ ಎಣ್ಣೆಯ ಶಾಖಕ್ಕೆ ಕರಗಿ ಮೇಲ್ಭಾಗದಲ್ಲಿ ಮುದ್ದೆಯಾಗುತ್ತದೆ. ಅಸಲಿ ಅಕ್ಕಿ ಕರಗುವುದಿಲ್ಲ.
ಅಕ್ಕಿಯ ಹೊರನೋಟ ನೋಡಿಯೇ ಅಸಲಿ-ನಕಲಿ ಕಂಡುಹಿಡಿಯುವುದು ಹೇಗೆ?
- ಬಣ್ಣ ಮತ್ತು ಹೊಳಪು: ಪ್ಲಾಸ್ಟಿಕ್ ಅಥವಾ ನಕಲಿ ಅಕ್ಕಿಯು ಅತಿಯಾದ ಹೊಳಪನ್ನು ಹೊಂದಿದ್ದು, ನೋಡಲು ತುಂಬಾ ಆಕರ್ಷಕ ಮತ್ತು ಪಳಪಳನೆ ಹೊಳೆಯುತ್ತಿರುತ್ತದೆ. ಆದರೆ ಅಸಲಿ ಅಕ್ಕಿಯು ಸಾಧಾರಣ ಹೊಳಪನ್ನು ಹೊಂದಿದ್ದು, ನೋಡಲು ಸ್ವಲ್ಪ ಮಸುಕಾಗಿ ಕಾಣಿಸುತ್ತದೆ.
- ಗಾತ್ರ ಮತ್ತು ಆಕಾರ: ನಕಲಿ ಅಕ್ಕಿಯ ಪ್ರತಿಯೊಂದು ಕಾಳು ಯಂತ್ರದಲ್ಲಿ ತಯಾರಾಗುವುದರಿಂದ ಒಂದೇ ಅಳತೆ ಮತ್ತು ನಿಖರವಾದ ಒಂದೇ ಆಕಾರದಲ್ಲಿರುತ್ತದೆ. ಆದರೆ ನೈಸರ್ಗಿಕವಾಗಿ ಬೆಳೆಯುವ ಅಸಲಿ ಅಕ್ಕಿಯ ಎಲ್ಲ ಕಾಳುಗಳು ಒಂದೇ ರೀತಿ ಇರುವುದಿಲ್ಲ, ಅವುಗಳಲ್ಲಿ ಕೆಲವು ಕಾಳುಗಳು ಮುರಿದಿರುವುದನ್ನು ನಾವು ಕಾಣಬಹುದು.
- ತೌಡು ಹಾಗೂ ಧೂಳಿನ ಅಂಶ: ನಕಲಿ ಅಕ್ಕಿಯ ಮೇಲೆ ಯಾವುದೇ ರೀತಿಯ ಧೂಳು ಅಥವಾ ತೌಡಿನ ಅಂಶ ಇರದೆ ಸಂಪೂರ್ಣವಾಗಿ ಕ್ಲೀನ್ ಆಗಿರುತ್ತದೆ. ಆದರೆ ನಾವು ದಿನನಿತ್ಯ ಬಳಸುವ ಅಸಲಿ ಅಕ್ಕಿಯ ಮೇಲೆ ಸ್ವಲ್ಪ ಮಟ್ಟಿನ ಧೂಳು ಅಥವಾ ನೈಸರ್ಗಿಕ ತೌಡಿನ ಅಂಶ ಇದ್ದೇ ಇರುತ್ತದೆ.
ಅಲ್ಲದೆ, ಅಸಲಿ ಅಕ್ಕಿಯನ್ನು ಬೇಯಿಸಿದಾಗ ಅದು ಚೆನ್ನಾಗಿ ಬೆಂದು ಮೃದುವಾಗುತ್ತದೆ. ಹಾಗೂ ಈ ಅಕ್ಕಿಯನ್ನು ಸ್ವಲ್ಪ ದಿನ ನೆನೆಸಿಟ್ಟರೆ ಮೊಳಕೆ ಒಡೆಯುತ್ತದೆ. ಆದರೆ ಪ್ಲಾಸ್ಟಿಕ್ ಅಕ್ಕಿಯನ್ನು ಎಷ್ಟು ಬೇಯಿಸಿದರೂ ಅದು ಸರಿಯಾಗಿ ಬೇಯಲ್ಲ ಮತ್ತು ಮುಟ್ಟಿದರೆ ರಬ್ಬರ್ನಂತೆ ಸಾಗುತ್ತದೆ. ಇದು ಎಂದಿಗೂ ಮೊಳಕೆ ಒಡೆಯುವುದಿಲ್ಲ.
Saved cub elephant ದಾರಿ ತಪ್ಪಿ ಬಂದು ಇಂಗು ಗುಂಡಿಗೆ ಬಿದ್ದ ಮರಿಯಾನೆ ಬಚಾವ್ ಮಾಡಿದ ತಾಯಿ!
