newsics.com/ನ್ಯೂಸಿಕ್ಸ್
ಹಳೆಯ ಪ್ಯಾಂಟ್ ಒಂದರ ಜೇಬಿನಲ್ಲಿ ಮರೆತುಹೋಗಿದ್ದ ಲಾಟರಿ ಟಿಕೆಟ್ ಕೇವಲ ಕೆಲವೇ ದಿನಗಳಲ್ಲಿ ಅವಧಿ ಮುಗಿಯುವ ಮುನ್ನ ಸಿಕ್ಕಿದ್ದು, ಆ ವ್ಯಕ್ತಿ ರಾತ್ರೋರಾತ್ರಿ ಕೋಟ್ಯಧಿಪತಿಯಾದ ಘಟನೆ ಅಮೆರಿಕದಲ್ಲಿ ನಡೆದಿದೆ.
ಆ ವ್ಯಕ್ತಿ ಗೆದ್ದ ಒಟ್ಟು ಮೊತ್ತ ಬರೋಬ್ಬರಿ 5.9 ಮಿಲಿಯನ್ ಡಾಲರ್, ಅಂದರೆ ಭಾರತೀಯ ಕರೆನ್ಸಿಯಲ್ಲಿ ಸುಮಾರು 57.11 ಕೋಟಿ ರೂಪಾಯಿಗಳು.
ಪೀಪಲ್ ಮ್ಯಾಗಜೀನ್ ವರದಿ ಪ್ರಕಾರ , ನ್ಯೂಜೆರ್ಸಿಯ ಆ ವ್ಯಕ್ತಿ ಕಳೆದ ವರ್ಷ ಮೇ ತಿಂಗಳಲ್ಲಿ ತಾವು ನಿಯಮಿತವಾಗಿ ಭೇಟಿ ನೀಡುತ್ತಿದ್ದ ಗ್ಯಾಸ್ ಸ್ಟೇಷನ್ನಿಂದ ಪಿಕ್-6 ಲಾಟರಿ ಟಿಕೆಟ್ ಖರೀದಿಸಿದ್ದರು. ನಂತರ ತಮ್ಮ ಹಳೆಯ ಪ್ಯಾಂಟಿನ ಜೇಬಿನಲ್ಲಿಟ್ಟು ಸಂಪೂರ್ಣವಾಗಿ ಮರೆತುಬಿಟ್ಟಿದ್ದರು.
ಕಳೆದ ತಿಂಗಳು, ಲಾಟರಿ ಅಧಿಕಾರಿಗಳು ಲಾಟರಿ ಹೊಡೆದ ಟಿಕೆಟ್ ಹಕ್ಕು ಪಡೆಯದೆ ಉಳಿದಿದೆ ಮತ್ತು ಶೀಘ್ರದಲ್ಲೇ ಅವಧಿ ಮುಗಿಯುತ್ತದೆ ಎಂದು ಸಾರ್ವಜನಿಕ ಪ್ರಕಟಣೆ ಹೊರಡಿಸಿದರು. ಆ ವ್ಯಕ್ತಿ ಟಿಕೆಟ್ನ್ನು ಪೆಟ್ರೋಲ್ ಬಂಕ್ನಲ್ಲಿ ಪಡೆದುಕೊಂಡಿದ್ದರಿಂದ ಆ ಪ್ರಕಟಣೆ ಅವರ ಗಮನ ಸೆಳೆಯಿತು.
ಕುತೂಹಲದಿಂದ ಅವರು ನಿಲ್ದಾಣಕ್ಕೆ ಹೋಗಿ ಅಲ್ಲಿನ ಉದ್ಯೋಗಿಗಳೊಂದಿಗೆ ಮಾತನಾಡಿದಾಗ, ಕೇವಲ ಕೆಲವೇ ಕೆಲವು ನಿಯಮಿತ ಗ್ರಾಹಕರು ಪಿಕ್-6′ ಲಾಟರಿ ಆಟವನ್ನು ಆಡುವವರಾಗಿದ್ದರು ಎಂದು ಸಿಬ್ಬಂದಿ ತಿಳಿಸಿದದ್ದಾರೆ. ಆದಾಗ್ಯೂ, ಬಂಪರ್ ಬಹುಮಾನ ಗೆದ್ದವರು ಬೇರೆ ಯಾರೂ ಅಲ್ಲ, ತಮ್ಮ ನಿಲ್ದಾಣಕ್ಕೆ ಬರುವ ಆ ಕೆಲವು ಗ್ರಾಹಕರಲ್ಲಿ ಒಬ್ಬರೇ ಇರಬೇಕು ಎಂದು ಸೂಚನೆ ನೀಡಿದರು.
ನಂತರ ಆ ವ್ಯಕ್ತಿ ತನ್ನ ಮನೆಯನ್ನು ಹುಡುಕಲು ಪ್ರಾರಂಭಿಸಿದನು, ಡ್ರಾಯರ್ಗಳು, ಕಪಾಟುಗಳು ಮತ್ತು ಶೇಖರಣಾ ಸ್ಥಳಗಳನ್ನು ಎಲ್ಲವನ್ನು ಪರಿಶೀಲಿಸಿದರು. ಆದಾಗ್ಯೂ, ಅಂತಿಮವಾಗಿ ಅವರು ತಮ್ಮ ಹಳೆಯ ಬಟ್ಟೆಗಳನ್ನು ಪರಿಶೀಲನೆ ನಡೆಸಿದರು. ಆಗ ಹಳೆಯ ಪ್ಯಾಂಟ್ನ ಜೇಬಿನಲ್ಲಿ ಅಡಗಿಸಿಟ್ಟಿದ್ದ ಸುಕ್ಕುಗಟ್ಟಿದ ಲಾಟರಿ ಟಿಕೆಟ್ನ್ನು ಕಂಡುಕೊಂಡನು.
ಸಂಖ್ಯೆಗಳನ್ನು ಪರಿಶೀಲಿಸಿದ ನಂತರ, ಅವರು $5.9 ಮಿಲಿಯನ್ (ಸರಿಸುಮಾರು ರೂ. 57.11 ಕೋಟಿ) ಮೌಲ್ಯದ ವಿಜೇತ ಟಿಕೆಟ್ ಅನ್ನು ಹೊಂದಿದ್ದಾರೆಂದು ಅರಿತುಕೊಂಡು, ತಕ್ಷಣವೇ ಲಾಟರಿ ಪ್ರಧಾನ ಕಚೇರಿಗೆ ಧಾವಿಸಿ ಅವಧಿ ಮುಗಿಯುವ ಕೇವಲ ಎಂಟು ದಿನಗಳ ಮೊದಲು ಬಹುಮಾನವನ್ನು ಪಡೆದರು.
ನಂತರ ಲಾಟರಿ ಅಧಿಕಾರಿಗಳು ಹಳೆಯ ಟಿಕೆಟ್ಗಳನ್ನು ನಿಯಮಿತವಾಗಿ ಪರಿಶೀಲಿಸುವಂತೆ ಜನರನ್ನು ಒತ್ತಾಯಿಸಿದರು. ವಿಜೇತರು ಅವುಗಳನ್ನು ಇಟ್ಟು ಮರೆಯುವುದರಿಂದ ಅನೇಕ ಬಹುಮಾನಗಳು ಸಿಗದೇ ಹೋಗುತ್ತವೆ ಎಂದು ಹೇಳಿದ್ದಾರೆ.
