newsics.com/ನ್ಯೂಸಿಕ್ಸ್
ಮೆಣಸಿನಕಾಯಿ ಪ್ರಿಯರೇ, ನಿಮಗೊಂದು ಸಿಹಿಸುದ್ದಿ. ಏನು, ಅಷ್ಟು ಖಾರ ತಿಂತಿಯಲ್ಲ ಎಂದು ನಿಮ್ಮನ್ನು ಮೂದಲಿಸುವವರಿಗೆ ನೀವಿನ್ನು ಸರಿಯಾಗಿ ಜಾಡಿಸಬಹುದು. ಇತ್ತೀಚಿನ ಅಧ್ಯಯನದ ಪ್ರಕಾರ, ಮೆಣಸಿನ ಕಾಯಿಯನ್ನು ಆಯಸ್ಸನ್ನು ವೃದ್ಧಿಸುತ್ತದೆ ಎಂದು ಹೇಳಿದೆ.
https://youtube.com/shorts/eOoYZp9a9F0?si=CP6V90gKWCTFTFCS
ಮೆಣಸಿನಕಾಯಿಯನ್ನು ನಿಯಮಿತವಾಗಿ ಸೇವಿಸುವವರಲ್ಲಿ ಹೃದ್ರೋಗ ಮತ್ತು ಕ್ಯಾನ್ಸರ್ನಂತಹ ಮಾರಕ ಕಾಯಿಲೆಗಳಿಂದ ಮರಣ ಹೊಂದುವ ಸಾಧ್ಯತೆ ಗಮನಾರ್ಹವಾಗಿ ಕಡಿಮೆ ಇರುತ್ತದೆ ಎಂದು ಇತ್ತೀಚಿನ ಜಾಗತಿಕ ಸಂಶೋಧನೆಯೊಂದು ತಿಳಿಸಿದೆ.
ಮೆಣಸಿನಕಾಯಿಯಲ್ಲಿರುವ ‘ಕ್ಯಾಪ್ಸೈಸಿನ್’ ಎಂಬ ಅಂಶವು ಅದಕ್ಕೆ ಖಾರವನ್ನು ನೀಡುತ್ತದೆ. ಇದು ಕೇವಲ ನಾಲಿಗೆಗೆ ಉರಿ ನೀಡುವುದಲ್ಲದೆ, ದೇಹದಲ್ಲಿ ಉರಿಯೂತ ವಿರೋಧಿ ಮತ್ತು ಉತ್ಕರ್ಷಣ ನಿರೋಧಕ ಆಗಿ ಕೆಲಸ ಮಾಡುತ್ತದೆ.
ಅಮೆರಿಕನ್ ಹಾರ್ಟ್ ಅಸೋಸಿಯೇಷನ್ ನಡೆಸಿದ ಬೃಹತ್ ಅಧ್ಯಯನದಲ್ಲಿ ಸುಮಾರು 5.7 ಲಕ್ಷ ಜನರ ಆರೋಗ್ಯದ ದತ್ತಾಂಶಗಳನ್ನು ವಿಶ್ಲೇಷಿಸಲಾಗಿದೆ. ಮೆಣಸಿನಕಾಯಿ ತಿನ್ನುವವರನ್ನು ಅದನ್ನು ಸೇವಿಸದವರಿಗೆ ಹೋಲಿಸಿದಾಗ ಕಂಡುಬಂದ ಫಲಿತಾಂಶ ಹೀಗಿದೆ:
ಹೃದ್ರೋಗದಿಂದ ಸಾವು ಸಂಭವಿಸುವ ಸಾಧ್ಯತೆ ಶೇ. 26 ರಷ್ಟು ಕಡಿಮೆ.
ಕ್ಯಾನ್ಸರ್ನಿಂದ ಸಾವು ಸಂಭವಿಸುವ ಸಾಧ್ಯತೆ ಶೇ. 23 ರಷ್ಟು ಕಡಿಮೆ.
ಯಾವುದೇ ಕಾರಣದಿಂದ ಉಂಟಾಗುವ ಸಾವಿನ ಅಪಾಯ ಶೇ. 25 ರಷ್ಟು ಕಡಿಮೆ.
ಮೆಣಸಿನಕಾಯಿ ಸೇವನೆಯು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿಯಂತ್ರಿಸಲು ಮತ್ತು ಸ್ಥೂಲಕಾಯವನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.
ಇಟಲಿ ಮತ್ತು ಚೀನಾದಲ್ಲಿ ನಡೆದ ಪ್ರತ್ಯೇಕ ಅಧ್ಯಯನಗಳಲ್ಲೂ ಇದೇ ರೀತಿಯ ಫಲಿತಾಂಶಗಳು ಬಂದಿವೆ. ವಾರದಲ್ಲಿ ಕನಿಷ್ಠ ನಾಲ್ಕು ಬಾರಿ ಮೆಣಸಿನಕಾಯಿ ಬಳಸುವವರಲ್ಲಿ ಆರೋಗ್ಯ ಸಮಸ್ಯೆಗಳು ಕಡಿಮೆ ಎಂದು ವರದಿ ಹೇಳಿದೆ.
