https://youtube.com/shorts/RcxcteKkGZ8?si=yxDv0iURLfg799X9
newsics.com
ಗಂಡನ ಮನೆಗೆ ತೆರಳಿದ ಮೂರು ದಿನದಲ್ಲೇ ಯುವತಿ ನೇಣು ಬಿಗಿದು ಸಾವನ್ನಪ್ಪಿರುವ ಘಟನೆ ಬೆಳಗಾವಿ ಮೇಕಳಿ ಗ್ರಾಮದಲ್ಲಿ ನಡೆದಿದೆ
ಮಾಧ್ಯಮಗಳೊಂದಿಗೆ ಮಾತನಾಡಿದ ಯುವತಿ ತಾಯಿ, ಮದುವೆಯಾದ ದಿನದಿಂದ ಕಿರುಕುಳ ನೀಡುತ್ತಿದ್ದರು. ಮಗಳು ಕೆಲಸ ಮಾಡೋದಿಲ್ಲ, ಅದು ಮಾಡೋದಿಲ್ಲ ಇದು ಮಾಡೋದಿಲ್ಲ ಎಂದು ಕಿರುಕುಳ ಕೊಟ್ಟಿದ್ದರು. ನಾವು ಸಣ್ಣ ವಯಸ್ಸಿನ ಹುಡುಗಿ, ಕಲಿಯುತ್ತಾಳೆ ಅಂತ ಹೇಳಿದ್ದೇವು. ಇದಾದ ಬಳಿಕ ಮಗಳನ್ನು ನಮ್ಮ ಮನೆಗೆ ಕರೆದುಕೊಂಡು ಹೋಗಿದ್ದೆ. ಆದರೆ ಮೂರು ದಿನಗಳ ಹಿಂದೆ ಕಳುಹಿಸಿಕೊಡುವಂತೆ ಬಂದಿದ್ರು. ಆದರೆ ಈಗ ಹೆಣವಾಗಿದ್ದಾಳೆ. ಅವರೇ ಕೊಲೆ ಮಾಡಿ, ಈಗ ಆತ್ಮಹತ್ಯೆ ಅಂತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಇತ್ತೀಚೆಗೆ ಮದುವೆಯಾಗಿದ್ದ ಈಕೆ ಗಂಡನ ಮನೆಗೆ ಕಾಲಿಟ್ಟಿದ್ದಳು. ಆದರೆ ಅಷ್ಟೇ ಕಡಿಮೆ ಅವಧಿಯಲ್ಲಿ ಈ ರೀತಿಯ ಘಟನೆ ನಡೆದಿರುವುದು ಕುಟುಂಬಸ್ಥರಲ್ಲೂ, ಗ್ರಾಮಸ್ಥರಲ್ಲೂ ಆಘಾತ ಮೂಡಿಸಿದೆ. ಆತ್ಮಹತ್ಯೆಯೋ ಅಥವಾ ಬೇರೆ ಏನಾದರೂ ಕಾರಣವೋ ಎಂಬ ಅನುಮಾನ ಮೃತಳ ಪೋಷಕರು ವ್ಯಕ್ತಪಡಿಸಿದ್ದಾರೆ.
ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ನಿಜವಾದ ಕಾರಣ ತನಿಖೆ ನಂತರವೇ ಹೊರಬರಬೇಕಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
