ರಮ್ಯಾ ಮತ್ತೆ ಸಿನಿಮಾಗಳಲ್ಲಿ ನಟಿಸ್ತಾರಾ? ಬಾಲಿವುಡ್​ನ ಖ್ಯಾತ ನಿರ್ದೇಶಕನ ಭೇಟಿಯಾಗಿದ್ದೇಕೆ ಸ್ಯಾಂಡಲ್​ವುಡ್ ಕ್ವೀನ್?

https://youtube.com/shorts/AWyQA9JMFI4?si=6teca9JBs0VZQurx

newsics.com

ಸ್ಯಾಂಡಲ್‌ವುಡ್‌ ಕ್ವೀನ್‌ ನಟಿ ರಮ್ಯಾ ಕನ್ನಡ ಚಿತ್ರರಂಗದಿಂದ ದೂರ ಉಳಿದು ತುಂಬಾ ವರ್ಷಗಳಾಗಿವೆ. ಆದರೆ ಅಭಿಮಾನಿಗಳು ಅವರ ಚಿತ್ರಕ್ಕಾಗಿ ಇಂದಿಗೂ ಕಾದು ಕುಳಿತಿದ್ದಾರೆ. ಇತ್ತೀಚೆಗೆ ರಮ್ಯಾ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ರಮ್ಯಾ ಅವರು ಮಾಡಿರೋ ಪೋಸ್ಟ್ ಎಲ್ಲರ ಹುಬ್ಬೇರಿಸಿತು. ಅದಕ್ಕೆ ಕಾರಣವಿದೆ. ನಟಿ ರಮ್ಯಾ ಅವರು ಬಾಲಿವುಡ್​ನ ಖ್ಯಾತ ನಿರ್ದೇಶನ ಅನುರಾಗ್ ಕಷ್ಯಪ್ ಅವರ ಜೊತೆ ಕಾಣಿಸಿಕೊಂಡಿದ್ದಾರೆ.

ಹಿಂದಿ ಚಿತ್ರರಂಗದಲ್ಲಿ ಖ್ಯಾತ ನಿರ್ದೇಶಕನಾಗಿ ಹೆಸರು ಮಾಡಿದ ಅನುರಾಗ್ ಕಷ್ಯಪ್ ಅವರು ಈಗ ದಕ್ಷಿಣ ಭಾರತದಲ್ಲಿ ನಟನಾಗಿ ಮಿಂಚುತ್ತಿದ್ದಾರೆ. ಸದ್ಯ ಇವರು ಕಾಣಿಸಿಕೊಂಡಿದ್ದು ಆರ್ಟ್ ವೀಕೆಂಡ್ ಇವೆಂಟ್ ಒಂದರಲ್ಲಿ. ಇದನ್ನು ಹೊರತುಪಡಿಸಿ ಯಾವುದೇ ಸಿನಿಮಾದ ಸೂಚನೆ ಇಲ್ಲ. ರಮ್ಯಾ ಅವರು ಚಿತ್ರರಂಗದ ಇತರ ಗಣ್ಯರ ಜೊತೆ ಪ್ಯಾನೆಲ್ ಡಿಸ್ಕಷನ್​ನಲ್ಲಿ ಭಾಗಿಯಾಗಿದ್ದಾರೆ. ನಟಿ ರಮ್ಯಾ ಅವರು ಚಿತ್ರರಂಗದ ಗಣ್ಯರೊಂದಿಗೆ ಖುಷಿಯಿಂದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದು ಫೋಟೋಗಳನ್ನು ಇನ್​ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಶೇರ್ ಮಾಡಿದ್ದಾರೆ.

ರಮ್ಯಾ ಅವರು ಸದ್ಯ ಸಿನಿಮಾಗಳಿಂದ ಸ್ವಲ್ಪ ಬ್ರೇಕ್ ತೆಗೆದುಕೊಂಡಿದ್ದಾರೆ. ಅವರು ಸಿನಿಮಾ ನಿರ್ಮಾಣದಲ್ಲಿ ಬ್ಯುಸಿಯಾಗಿದ್ದಾರೆ. ಅಷ್ಟಾಗಿ ಸಿನಿಮಾಗಳಲ್ಲಿ ಕಾಣಿಸುತ್ತಿಲ್ಲ. ಆದರೆ ಇವೆಂಟ್, ಕಾರ್ಯಕ್ರಮಗಳಲ್ಲಿ ನಟಿ ಆಗಾಗ ಭಾಗವಹಿಸುತ್ತಾರೆ.

ಅನುರಾಗ್ ಕಷ್ಯಪ್ ಅವರು ಬಾಲಿವುಡ್ ಖ್ಯಾತ ನಿರ್ದೇಶಕ. ಗ್ಯಾಂಗ್ಸ್ ಆಫ್ ವಾಸೆಪುರ್, ದೇವ್ ಡಿ, ಬ್ಲ್ಯಾಕ್ ಫ್ರೈಡೆ, ಅಗ್ಲಿ, ರಾಮನ್ ರಾಘವ್ 2.0 ಸಿನಿಮಾ ಮಾಡಿದ್ದಾರೆ. ನೆಟ್​ಫ್ಲಿಕ್ಸ್​ನ ಸೇಕ್ರೆಡ್ ಗೇಮ್ಸ್ ಎನ್ನುವ ಸಿರೀಸ್​ ಕೂಡಾ ಸಹ ನಿರ್ದೇಶನ ಮಾಡಿದ್ದಾರೆ. ಇದಲ್ಲದೆ ಅನುರಾಗ್ ಕಷ್ಯಪ್ ಅವರು ಇಮೈಕನೊಡಿಗಳ್, ಮಹಾರಾಜ, ಗೇಮ್ ಓವರ್, ವಿಡುದಲೈ 2, ಎಕೆ ವರ್ಸಸ್ ಎಕೆ, ಅಕಿರಾ ಎನ್ನುವ ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ.

https://www.newsics.com/2026/04/07/campbell-wilson-resigns-as-air-india-ceo/