https://youtube.com/shorts/b7DblvgZf1A?si=BCR0sxsn8Xzh1cnn
newsics.com
ಬೆಂಗಳೂರು: ಹೊಸ ಶೈಕ್ಷಣಿಕ ವರ್ಷ 2026-27ರ ದಾಖಲಾತಿ ಪ್ರಕ್ರಿಯೆ ಆರಂಭವಾಗುತ್ತಿದ್ದಂತೆ ಬೆಂಗಳೂರಿನ ಪೋಷಕರು ತೀವ್ರ ಆತಂಕಕ್ಕೀಡಾಗಿದ್ದಾರೆ. ಒಂದೆಡೆ ಒಂದನೇ ತರಗತಿ ಪ್ರವೇಶಕ್ಕೆ ವಯೋಮಿತಿ ಸಂಬಂಧಿ ಗೊಂದಲ, ಇನ್ನೊಂದೆಡೆ ಖಾಸಗಿ ಶಾಲೆಗಳ 5% ರಿಂದ 15% ಶುಲ್ಕ ಏರಿಕೆ. ಈ ಎರಡು ಸಮಸ್ಯೆಗಳು ಪೋಷಕರ ಜೀವನವನ್ನು ಕಷ್ಟಕರಗೊಳಿಸಿವೆ.
1. ಶೇ. 15 ರಷ್ಟು ಶುಲ್ಕ ಏರಿಕೆ:
2026-27ನೇ ಸಾಲಿನ ಶೈಕ್ಷಣಿಕ ವರ್ಷ ಆರಂಭಕ್ಕೂ ಮುನ್ನವೇ ಬೆಂಗಳೂರಿನ ಬಹುತೇಕ ಖಾಸಗಿ ಶಾಲೆಗಳು ತಮ್ಮ ವಾರ್ಷಿಕ ಶುಲ್ಕವನ್ನು ಶೇ. 5 ರಿಂದ 15 ರಷ್ಟು ಹೆಚ್ಚಿಸಿವೆ. ವಾರ್ಷಿಕ ಪರೀಕ್ಷೆಗಳು ಮುಗಿದು ಫಲಿತಾಂಶ ಪ್ರಕಟವಾಗುತ್ತಿದ್ದಂತೆಯೇ, ಶಾಲೆಗಳು ನೀಡುತ್ತಿರುವ ‘ಫೀಸ್ ಸ್ಟ್ರಕ್ಚರ್’ ನೋಡಿ ಪೋಷಕರು ಕಂಗಾಲಾಗಿದ್ದಾರೆ.
ಶಾಲಾ ನಿರ್ವಹಣಾ ವೆಚ್ಚ, ಶಿಕ್ಷಕರ ಸಂಬಳ ಹೆಚ್ಚಳ ಮತ್ತು ಮೂಲಸೌಕರ್ಯ ಅಭಿವೃದ್ಧಿಯ ನೆಪವೊಡ್ಡಿ ಈ ಬೆಲೆ ಏರಿಕೆ ಮಾಡಲಾಗಿದೆ. ಮಧ್ಯಮ ವರ್ಗದ ಪೋಷಕರಿಗೆ ಈ ಹಠಾತ್ ಏರಿಕೆ ಆರ್ಥಿಕವಾಗಿ ದೊಡ್ಡ ಹೊರೆಯಾಗಿ ಪರಿಣಮಿಸಿದೆ.
2. ಒಂದನೇ ತರಗತಿ ಪ್ರವೇಶ: 6 ವರ್ಷದ ಕಡ್ಡಾಯ ನಿಯಮದ ಗೊಂದಲ
ಕೇವಲ ಹಣದ ಹೊರೆ ಮಾತ್ರವಲ್ಲದೆ, ತಾಂತ್ರಿಕ ನಿಯಮಗಳೂ ಪೋಷಕರ ನಿದ್ದೆಗೆಡಿಸಿವೆ. ಒಂದನೇ ತರಗತಿ ಪ್ರವೇಶಕ್ಕೆ ಮಗುವಿಗೆ ಕಡ್ಡಾಯವಾಗಿ 6 ವರ್ಷ ತುಂಬಿರಬೇಕು ಎಂಬ ಸರ್ಕಾರದ ನಿಯಮದ ಬಗ್ಗೆ ಇನ್ನೂ ಸ್ಪಷ್ಟತೆ ಸಿಕ್ಕಿಲ್ಲ.
ಕೆಲವು ಪೋಷಕರು ವಯೋಮಿತಿ ಸಡಿಲಿಕೆಯ ನಿರೀಕ್ಷೆಯಲ್ಲಿದ್ದಾರೆ.ಸರಿಯಾದ ಮಾಹಿತಿ ಇಲ್ಲದ ಕಾರಣ, ದಾಖಲಾತಿ ಪ್ರಕ್ರಿಯೆಯ ಸಮಯದಲ್ಲಿ ಪೋಷಕರು ಶಾಲೆಗಳಿಂದ ಶಾಲೆಗಳಿಗೆ ಅಲೆಯುವಂತಾಗಿದೆ.
ವಾರ್ಷಿಕ ಪರೀಕ್ಷೆಗಳು ಮುಗಿಯುತ್ತಿದ್ದಂತೆಯೇ ಶಾಲೆಗಳಲ್ಲಿ ಹೊಸ ದಾಖಲಾತಿ ಹಾಗೂ ರೀ-ಅಡ್ಮಿಷನ್ ಪ್ರಕ್ರಿಯೆಗಳು ವೇಗ ಪಡೆದುಕೊಂಡಿವೆ.
