newsics.com
ಅಮೆರಿಕದ ಎಫ್-15 (F-15) ಯುದ್ಧ ವಿಮಾನವೊಂದು ಕುವೈತ್ನಲ್ಲಿ ಪತನಗೊಂಡಿದೆ. ವಿಮಾನವು ನೆಲಕ್ಕೆ ಅಪ್ಪಳಿಸುವ ಮೊದಲೇ ಪೈಲಟ್ ಯಶಸ್ವಿಯಾಗಿ ಹೊರಬಂದಿದ್ದಾರೆ (Ejected). ಆದರೆ, ಅಪಘಾತಕ್ಕೆ ನಿಖರವಾದ ಕಾರಣ ಇನ್ನೂ ತಿಳಿದುಬಂದಿಲ್ಲ. ಇರಾನ್ ವಿಮಾನವನ್ನು ಹೊಡೆದುರುಳಿಸಿದೆ ಎಂದು ಹೇಳಲಾಗುತ್ತಿದೆ.
ಸಾಮಾಜಿಕ ಜಾಲತಾಣ ‘X’ ನಲ್ಲಿ ಹರಿದಾಡುತ್ತಿರುವ ವಿಡಿಯೋವೊಂದರಲ್ಲಿ, ಯುದ್ಧ ವಿಮಾನವು ಆಕಾಶದಲ್ಲಿ ಬೆಂಕಿಯ ಉಂಡೆಯಾಗಿ ಬದಲಾಗಿ ನಂತರ ನೆಲಕ್ಕೆ ಬಿದ್ದಿರುವುದು ಕಂಡುಬಂದಿದೆ. ಘಟನೆಯ ಬಗ್ಗೆ ಸದ್ಯಕ್ಕೆ ಸೀಮಿತ ಮಾಹಿತಿಯಷ್ಟೇ ಲಭ್ಯವಿದ್ದು, ಈ ವಿಡಿಯೋ ಅಂತರ್ಜಾಲದಲ್ಲಿ ವೇಗವಾಗಿ ಹರಡುತ್ತಿದೆ.
ದೋಹಾದಲ್ಲಿ ಭಾರಿ ಸ್ಫೋಟ ಸದ್ದು
ಇದೇ ವೇಳೆ, ಸೋಮವಾರ ಬೆಳಗ್ಗೆ ಕತಾರ್ನ ದೋಹಾದಾದ್ಯಂತ ಹಲವು ಸ್ಫೋಟದ ಸದ್ದುಗಳು ಜೋರಾಗಿಯೇ ಕೇಳಿಬಂದಿವೆ ಎಂದು ಎಎಫ್ಪಿ (AFP) ವರದಿ ಮಾಡಿದೆ. ಈ ಶಬ್ದಗಳಿಂದ ನಿವಾಸಿಗಳು ಆತಂಕಕ್ಕೊಳಗಾಗಿದ್ದು, ತುರ್ತು ಸೇವಾ ತಂಡಗಳು ಕಾರ್ಯಪ್ರವೃತ್ತವಾಗಿವೆ. ಸ್ಫೋಟಕ್ಕೆ ಕಾರಣವೇನು ಎಂಬುದು ತಕ್ಷಣಕ್ಕೆ ತಿಳಿದುಬಂದಿಲ್ಲ.
https://twitter.com/i/status/2028337079428829284
