newsics.com | ನ್ಯೂಸಿಕ್ಸ್
‘ಬಿಗ್ ಬಾಸ್ ಕನ್ನಡ ಸೀಸನ್ 12’ರ ರಿಯಾಲಿಟಿ ಶೋ ಮೂಲಕ ಕನ್ನಡಿಗರ ಮನಗೆದ್ದಿದ್ದ ಜನಪ್ರಿಯ ಜೋಡಿಯಾದ ರಕ್ಷಿತಾ ಶೆಟ್ಟಿ ಹಾಗೂ ‘ಗಿಲ್ಲಿ’ ಖ್ಯಾತಿಯ ನಟ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಶೋ ಮುಗಿದ ನಂತರ ಗಿಲ್ಲಿ ನಟ ತಮ್ಮ ಮುಂದಿನ ಪ್ರಾಜೆಕ್ಟ್ಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದರಿಂದ ಯಾರ ಕೈಗೂ ಸಿಕ್ಕಿರಲಿಲ್ಲ. ಆದರೆ, ಈಗ ಇಬ್ಬರ ಗ್ರ್ಯಾಂಡ್ ರೀಯೂನಿಯನ್ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ.
ʻಕ್ವಾಟ್ಲೆ ಕಿಚನ್ʼ ಸೆಟ್ನಲ್ಲಿ ಒಂದಾದ ಜೋಡಿ
ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ರಕ್ಷಿತಾ ಶೆಟ್ಟಿ ಅವರು ಬಿಗ್ ಬಾಸ್ ದಿನಗಳನ್ನು ಹಾಗೂ ಗಿಲ್ಲಿ ನಟನ ಸ್ನೇಹವನ್ನು ನೆನೆದು ಲೈವ್ನಲ್ಲೇ ಕಣ್ಣೀರು ಹಾಕಿದ್ದರು. ಈ ವಿಡಿಯೋ ವೀಕ್ಷಕರಲ್ಲಿ ಸಾಕಷ್ಟು ಚರ್ಚೆ ಹುಟ್ಟುಹಾಕಿತ್ತು. ಆದರೆ, ಇದೀಗ ಇವರಿಬ್ಬರೂ ಕಿರುತೆರೆಯ ಜನಪ್ರಿಯ ಶೋ ʻಕ್ವಾಟ್ಲೆ ಕಿಚನ್ʼ ವೇದಿಕೆಯಲ್ಲಿ ಒಂದಾಗಿದ್ದು, ರಕ್ಷಿತಾ ಅವರ ಮುಖದಲ್ಲಿ ಮತ್ತೆ ನಗು ಮೂಡಿದೆ.
ಶೂಟಿಂಗ್ ಸೆಟ್ನಲ್ಲಿ ಗಿಲ್ಲಿ ನಟನ ಜೊತೆಗಿರುವ ಸುಂದರವಾದ ಫೋಟೋವನ್ನು ರಕ್ಷಿತಾ ಶೆಟ್ಟಿ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಶೇಷವೆಂದರೆ, ಈ ಪೋಸ್ಟ್ಗೆ ಬ್ಯಾಕ್ಗ್ರೌಂಡ್ ಆಗಿ ಕನ್ನಡದ ಸೂಪರ್ ಹಿಟ್ ಹಾಡಾದ “ನಾನೇ ನೀನಂತೆ, ಜೀವ ಒಂದೆನೇ ಎರಡು ಹೃದಯ…” ಸಾಂಗನ್ನು ಬಳಸುವ ಮೂಲಕ ತಮ್ಮ ನಡುವಿನ ಆಪ್ತ ಬಾಂಧವ್ಯವನ್ನು ತೋರ್ಪಡಿಸಿದ್ದಾರೆ.
ಬಿಗ್ ಬಾಸ್ ಮುಗಿದು ತಿಂಗಳುಗಳೇ ಕಳೆದರೂ ಇವರಿಬ್ಬರ ಆನ್ಸ್ಕ್ರೀನ್ ಕೆಮಿಸ್ಟ್ರಿ ಹಾಗೂ ಆಪ್ತ ಒಡನಾಟ ಇಂದಿಗೂ ಅಭಿಮಾನಿಗಳಿಗೆ ಅಚ್ಚುಮೆಚ್ಚು ಎಂಬುದಕ್ಕೆ ಸದ್ಯ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಇವರ ರೀಯೂನಿಯನ್ ಫೋಟೋಗಳೇ ಸಾಕ್ಷಿಯಾಗಿವೆ.
Tattoo HIV Case ಟ್ಯಾಟೂ ಪ್ರೇಮಿಗಳೇ ಎಚ್ಚರ..! ಹಚ್ಚೆ ಹಾಕಿಸಿಕೊಂಡ ಮಹಿಳೆಗೆ ತಗುಲಿದ ಎಚ್ಐವಿ ಸೋಂಕು
