newsics.com| ನ್ಯೂಸಿಕ್ಸ್
ಹಾಸನ: ಮಹಿಳೆಯರ ಉಚಿತ ಪ್ರಯಾಣದ ಶಕ್ತಿ ಯೋಜನೆ ಜಾರಿಯಾದಾಗಿನಿಂದ ಕೆಎಸ್ಆರ್ಟಿಸಿ ಬಸ್ನಲ್ಲಿ ಮಹಿಳೆಯರು ಸೀಟ್ಗಾಗಿ ಪರಸ್ಪರ ಕಿತ್ತಾಡಿಕೊಳ್ಳುವುದು ಮಾಮೂಲಿಯಾಗಿಬಿಟ್ಟಿದೆ.
ಈಗ ಮಹಿಳಾ ಪ್ರಯಾಣಿಕರೊಬ್ಬರು ತುಸು ಮುಂದುವರಿದಿದ್ದಾರೆ. ತಾವು ಹತ್ತಿದ್ದ ಬಸ್ನ ಕಂಡಕ್ಟರ್ ಜತೆಯೇ ಜಗಳಕ್ಕೆ ಇಳಿದಿದ್ದರು. ಅದಕ್ಕೆ ಪ್ರತಿಯಾಗಿ ಕಂಡಕ್ಟರ್ ಕೂಡ ಕೈಮಿಲಾಯಿಸಿದ್ದಾರೆ. ಈ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿದೆ.
ಬೇಲೂರಿನಿಂದ ಹಾಸನಕ್ಕೆ ತೆರಳುತ್ತಿದ್ದ ಕೆಎಸ್ಆರ್ಟಿಸಿ ಬಸ್ನಲ್ಲಿ ಘಟನೆ ನಡೆದಿದೆ. ಇದರಲ್ಲಿ ನಿರ್ವಾಹಕಿ ಮತ್ತು ಮಹಿಳಾ ಪ್ರಯಾಣಿಕರೊಬ್ಬರ ಮಧ್ಯೆ ತೀವ್ರವಾಗಿ ಮಾತಿನ ಚಕಮಕಿ ನಡೆದಿತ್ತು. ಬಳಿಕ ಅದು ಪರಸ್ಪರ ಕೈಕೈ ಮಿಲಾಯಿಸಿಕೊಳ್ಳುವ ಹಂತಕ್ಕೆ ಹೋಗಿತ್ತು. ಇನ್ನು ಈ ಮಹಿಳೆ ಮದ್ಯಪಾನ ಮಾಡಿ ಬಸ್ ಹತ್ತಿದ್ದರು. ಉಳಿದ ಪ್ರಯಾಣಿಕರು ಕೂಡ ಮಹಿಳೆಯ ವಿರುದ್ಧ ತಿರುಗಿ ಬಿದ್ದಿದ್ದಾರೆ.
ಘಟನೆ ನಡೆದಿದ್ದು ಯಾವಾಗ?
ಈ ಘಟನೆ ನಡೆದಿದ್ದು ಶನಿವಾರ (ಜು.18) ಸಂಜೆ 4ಗಂಟೆ ಹೊತ್ತಿಗೆ. ಕೆಎಸ್ಆರ್ಟಿಸಿ ಬಸ್ (ನಂಬರ್ KA-13 F 2353) ಹಾಸನ ಮಾರ್ಗವಾಗಿ ಚಲಿಸುತ್ತಿತ್ತು. ಮಹಿಳೆ ಕುಡಿದು ಬಸ್ ಹತ್ತಿದ್ದರು. ಮೊದಲು ನಿರ್ವಾಹಕಿ ಮತ್ತು ಈಕೆಯ ಮಧ್ಯೆ ಸಣ್ಣದಾಗಿ ಜಗಳ ಶುರುವಾಯಿತು. ಅದಾದ ಮೇಲೆ ಮಹಿಳೆ ನಿರ್ವಾಹಕಿಗೆ ಏನು ಮಾಡಿದಳೋ ಗೊತ್ತಿಲ್ಲ, ನಿರ್ವಾಹಕಿ ಈಕೆಗೆ ಹೊಡೆದಿದ್ದಾರೆ. ಕಾಲಿನಿಂದ ಒದ್ದಿದ್ದಾರೆ.
ಅಲ್ಲಿದ್ದ ಉಳಿದ ಮಹಿಳೆಯರೂ, ಈ ಮದ್ಯಪಾನ ಮಾಡಿ ಗಲಾಟೆ ಸೃಷ್ಟಿಸಿದ ಮಹಿಳೆ ವಿರುದ್ಧ ತಿರುಗಿಬಿದ್ದಿದ್ದರು. ಇನ್ನು ಅಲ್ಲಿದ್ದ ಕೆಲವರು ʼಆಕೆಯನ್ನು ಬಸ್ನಿಂದ ಆಚೆಗೆ ಹಾಕಿʼ ಎಂದು ಹೇಳುತ್ತಿರುವುದನ್ನೂ ವಿಡಿಯೊದಲ್ಲಿ ಕೇಳಬಹುದು.
ಬಸ್ನಲ್ಲಿ ಈ ಗಲಾಟೆ ಶುರುವಾಗುತ್ತಿದ್ದಂತೆ ಉಳಿದ ಪ್ರಯಾಣಿಕರಿಗೆ ತೊಂದರೆಯಾಗಿತ್ತು. ಯಾವ ಕಾರಣಕ್ಕಾಗಿ ಗಲಾಟೆ ಶುರುವಾಯಿತು. ಯಾರದ್ದು ತಪ್ಪು ಎಂಬಿತ್ಯಾದಿ ಮಾಹಿತಿಗಳನ್ನು ಸಾರಿಗೆ ಇಲಾಖೆ ಅಧಿಕಾರಿಗಳು ಕಲೆಹಾಕಲು ಪ್ರಯತ್ನಿಸುತ್ತಿದ್ದಾರೆ.
ಆದರೂ ಕೆಲವರು ಹೇಳುತ್ತಿರುವ ಪ್ರಕಾರ ಈ ಮಹಿಳೆ ಕುಡಿದಿದ್ದರು. ನಿಲ್ಲಲು ಸಾಧ್ಯವಾಗದೆ ಇದ್ದಾಗ ಸೀಟ್ಗಾಗಿ ಜಗಳ ಮಾಡಿದ್ದಾರೆ. ಸೀಟ್ ಬೇಕು ಎಂದು ಗಲಾಟೆ ಮಾಡಿದ್ದಾರೆ. ಬಿಟ್ಟು ಬಿಡದೆ ಮಹಿಳಾ ಕಂಡಕ್ಟರ್ಗೆ ತೊಂದರೆ ಕೊಟ್ಟಿದ್ದರು. ಕಂಡಕ್ಟರ್ ಮೇಲೆ ಹಲ್ಲೆಯನ್ನೂ ನಡೆಸಿದ್ದರು.
ಅದಕ್ಕೆ ಪ್ರತಿಯಾಗಿ ಕಂಡಕ್ಟರ್ ಮತ್ತು ಉಳಿದ ಮಹಿಳೆಯರು ಈಕೆಯ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದೂ ಹೇಳಲಾಗಿದೆ. ಆದರೆ ವಿಡಿಯೊದಲ್ಲಿ ಅರ್ಧದಿಂದ ಕಾಣಿಸುತ್ತಿದೆ. ಅದರಲ್ಲಿ ಮೊದಲಿಗೆ ನಿರ್ವಾಹಕಿಯೇ ಆಕೆಯ ಮೇಲೆ ಹಲ್ಲೆ ಮಾಡೋದನ್ನ ನೋಡಬಹುದು.
ಸರ್ಕಾರಿ ಬಸ್ಗಳಲ್ಲಿ ಸೀಟಿಗಾಗಿ ಬೈಗುಳ-ಜಗಳಗಳು ಸಾಮಾನ್ಯ. ಅದರಲ್ಲೂ ಮಹಿಳೆಯರ ಮಧ್ಯೆಯೇ ಗಲಾಟೆ ಆಗುವುದು ಹೆಚ್ಚು. ಇನ್ನು ಚಿಲ್ಲರೆ ವಿಷಯಕ್ಕೆ, ಬಸ್ ಸರಿಯಾದ ಜಾಗದಲ್ಲಿ ನಿಲ್ಲಿಸಿಲ್ಲ ಎಂಬ ಕಾರಣಕ್ಕೆ ಕಂಡಕ್ಟರ್ ಜತೆ ಜಗಳವೂ ನಡೆಯುತ್ತದೆ. ಅದರಲ್ಲೂ ಮಹಿಳೆಯರಿಗೆ ಫ್ರೀ ಬಸ್ ಪ್ರಯಾಣ ಆದಾಗಿನಿಂದಲೂ ಬಸ್ಗಳು ಜಾಸ್ತಿ ರಶ್ ಆಗುತ್ತವೆ. ಸೀಟ್ಗಾಗಿ ನಡೆಯುವ ಫೈಟ್ ಹೆಚ್ಚಾಗಿದೆ.
Public Transport or Battleground? Fight Erupts Between Woman Conductor and Passenger
A heated argument between a woman conductor and a woman passenger on a KSRTC bus travelling from Belur to Hassan escalated into a physical altercation on Saturday evening.The incident took place… pic.twitter.com/LarOphAVdh
— Karnataka Portfolio (@karnatakaportf) July 19, 2026
Toxic Movie ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ‘ಟಾಕ್ಸಿಕ್’ ಟ್ರೈಲರ್ ರಿಲೀಸ್ ಡೇಟ್ ಫಿಕ್ಸ್
Mouni Roy ಮೌನಿ ರಾಯ್ ಜೊತೆಗಿನ ಅಫೇರ್ ಗಾಸಿಪ್ಗೆ ಅರ್ಜುನ್ ಬಿಜ್ಲಾನಿ ಬ್ರೇಕ್
Kwatle Kichen ಗಿಲ್ಲಿ ನಟನ ಜೊತೆ ಫೋಟೋ ಶೇರ್ ಮಾಡಿ ‘ಜೀವ ಒಂದೇ’ ಎಂದ ರಕ್ಷಿತಾ ಶೆಟ್ಟಿ
Menstrual Cycle ಲ್ಯಾಪ್ಟಾಪ್ ಸ್ಕ್ರೀನ್ ಹಾಗೂ ಒತ್ತಡದಿಂದ ಪಿರಿಯಡ್ಸ್ ಲೇಟ್ ಆಗ್ತಿದ್ಯಾ? ಇಲ್ಲಿದೆ ಸಿಂಪಲ್ ಪರಿಹಾರ
