newsics.com
70 ವರ್ಷ ದಾಂಪತ್ಯಕ್ಕೆ ದಂಪತಿ ವಿಚ್ಛೇದನ ನೀಡಿರುವ ಘಟನೆ ಇಟಲಿಯಲ್ಲಿ ನಡೆದಿದೆ. 2011ರಲ್ಲಿಈ ಘಟನೆ ನಡೆದಿದ್ದು , ಆದ್ರೆ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗ್ತಿದೆ.
99ರಲ್ಲಿ ವಿಚ್ಛೇದನಕ್ಕೆ ಕಾರಣವಾಗಿದ್ದೇನು?
70 ವರ್ಷಗಳ ಕಾಲ ದಾಂಪತ್ಯ ನಡೆಸಿದ ಈ ಜೋಡಿ ಅದರಲ್ಲೂ ಪತಿ ತಮ್ಮ 99ನೇ ವಯಸ್ಸಿನಲ್ಲಿ ತಮ್ಮ 96 ವರ್ಷದ ಪತ್ನಿಗೆ ವಿಚ್ಛೇದನ ನೀಡಲು ಕೋರ್ಟ್ ಮೆಟ್ಟಿಲೇರಿದಾಗ ಇಡೀ ಜಗತ್ತೇ ಆ ಜೋಡಿಯನ್ನು ವಿಶೇಷವಾಗಿ ಆ 99 ರ ಹರೆಯದ ಆ ವೃದ್ಧನನ್ನು ಬಹಳ ಅಚ್ಚರಿಯಿಂದ ನೋಡಿತ್ತು.
ದಾಂಪತ್ಯ ದ್ರೋಹ ಕಾರಣ ನೀಡಿದ ಪತಿ
ದಾಂಪತ್ಯ ದ್ರೋಹವನ್ನು ಯಾರೂ ಸಹಿಸಿಕೊಳ್ಳುವುದಿಲ್ಲ. ಒಬ್ಬರು ತಮಗೆ ಮೋಸ ಮಾಡಿದ್ದಾರೆ ಎಂದು ತಿಳಿದಾಗ ಆಘಾತವಾಗುವುದು ಸಹಜ ಆದರೆ 99ರ ಹರೆಯದಲ್ಲಿ ಈ ಅಜ್ಜನಿಗೆ ಪತ್ನಿ 60 ವರ್ಷಗಳ ಹಿಂದೆಯೇ ತನಗೆ ವಂಚಿಸಿದ್ದಾಳೆ ಎಂಬ ವಿಚಾರ ತಿಳಿದು ಬಂದಿದೆ. ತನ್ನ ಪತ್ನಿ ತನಗೆ 60 ವರ್ಷಗಳ ಹಿಂದೆ ವಂಚಿಸಿದ್ದಾಳೆ. ಆಕೆ ಇಟ್ಟುಕೊಂಡಿದ್ದ ಆಫೇರ್ಗೆ ಸಂಬಂಧಿಸಿದ ಪತ್ರವೊಂದು ತನಗೆ ಈಗ ಸಿಕ್ಕಿದ ನಂತರ 99ರ ವೃದ್ಧ ಪತ್ನಿಗೆ ವಿಚ್ಛೇದನ ನೀಡುವುದಕ್ಕಾಗಿ ಕೋರ್ಟ್ ಮೆಟ್ಟಿಲೇರಿದ್ದ.
ಆಂಗ್ಲ ಮಾಧ್ಯಮ ಟೆಲಿಗ್ರಾಫ್ ಆಗ ವರದಿ ಮಾಡಿದಂತೆ ಆಂಟೋನಿಯೊ ಸಿ. ಹೀಗೆ ಪತ್ನಿ ಮೋಸ ಮಾಡಿದ್ದಾಳೆ ಎಂದು ವಿಚ್ಛೇದನಕ್ಕೆ ಮುಂದಾಗಿದ್ದ ವ್ಯಕ್ತಿ. ಆಂಟೋನಿಯೊ ಸಿ.ಕ್ರಿಸ್ಮಸ್ಗೆ ಕೆಲವು ದಿನಗಳ ಮೊದಲು ಹಳೆಯ ಡ್ರಾಯರ್ಗಳ ಪೆಟ್ಟಿಗೆಯಲ್ಲಿ ಏನನ್ನೋ ಹುಡುಕಾಟ ನಡೆಸುತ್ತಿದ್ದಾಗ ತನ್ನ ಪತ್ನಿ ಮತ್ತು ಆಕೆಯ ಮಾಜಿ ಪ್ರೇಮಿಯ ನಡುವೆ ವಿನಿಮಯವಾದ ಪತ್ರವೊಂದು ಸಿಕ್ಕಿದೆ. ಇದರಿಂದ ಸಿಟ್ಟಿಗೆದ್ದ ತಾತಪ್ಪ. ಪತ್ನಿಯ ರೋಸಾ ಸಿ. ಬಳಿ ಈ ವಿಚಾರವನ್ನು ಪ್ರಶ್ನಿಸಿದ್ದು, ಅಜ್ಜಿಯೂ ಈ ವಿಚಾರವನ್ನು ಒಪ್ಪಿಕೊಂಡರು ಹಾಗೂ ಗಂಡನನ್ನು ದಾಂಪತ್ಯದಲ್ಲಿಯೇ ಉಳಿಯುವಂತೆ ಮನವೊಲಿಸುವ ಪ್ರಯತ್ನ ಮಾಡಿದರು.
ಡಿವೋರ್ಸ್ ವೇಳೆ ದಂಪತಿಗಿದ್ದರು 5 ಮಕ್ಕಳು, 12 ಮೊಮ್ಮಕ್ಕಳು
ಆದರೆ ಸುಮಾರು 7 ದಶಕಗಳನ್ನೇ ಜೊತೆಯಾಗಿಯೇ ಕಳೆದಿದ್ದರೂ ಆಂಟೋನಿಯೊ ಸಿ. ಮಾತ್ರ ಪತ್ನಿ ತನ್ನ ಯೌವ್ವನದ ದಿನಗಳಲ್ಲಿ ಮಾಡಿದ್ದ ತಪ್ಪನ್ನು ಕ್ಷಮಿಸಲು ಸಿದ್ಧರಿಲ್ಲದೇ ವಿಚ್ಚೇದನಕ್ಕೆ ಮುನ್ನುಡಿ ಬರೆದರು. ವಿಚ್ಛೇದನದ ವೇಳೆ ಈ ದಂಪತಿಗೆ ಐದು ಮಕ್ಕಳು ಹಾಗೂ 12 ಮೊಮ್ಮಕ್ಕಳಿದ್ದರು ಹಾಗೂ ಒಂದು ಮರಿಮೊಮ್ಮಗನೂ ಇದ್ದ. ಮೂಲತಃ ಇಟಲಿಯ ಸಾರ್ಡಿನಿಯಾದವರಾದ ಆಂಟೋನಿಯೊ ಸಿ. 1930 ರ ದಶಕದಲ್ಲಿ ಪತ್ನಿ ರೋಸಾ ಸಿ. ಅವರನ್ನು ಭೇಟಿಯಾಗಿದ್ದರು. ಆಕೆಯ ತವರು ನೇಪಲ್ಸ್ನಲ್ಲಿ ಇಟಾಲಿಯನ್ ಕ್ಯಾರಬಿನಿಯರಿಯ ಭಾಗವಾಗಿ ಸೇವೆ ಸಲ್ಲಿಸುತ್ತಿದ್ದಾಗ ಈ ದಂಪತಿ ಭೇಟಿಯಾಗಿದ್ದರು.
ಅಮೆರಿಕದ ಸುಂಕ ನೀತಿಗೆ ಭಾರತದ ವಜ್ರ ವಲಯ ತತ್ತರ, 1 ಲಕ್ಷ ಉದ್ಯೋಗ ನಷ್ಟ
