newsics.com
ಗರುಡ ಪುರಾಣದಲ್ಲಿ ಮರಣಕ್ಕಿಂತಲೂ ಮೊದಲು ಒಬ್ಬ ವ್ಯಕ್ತಿ ಯಾವೆಲ್ಲಾ ಸೂಚನೆಗಳನ್ನು ಪಡೆದುಕೊಳ್ಳುತ್ತಾನೆ ಎಂಬುದರ ಬಗ್ಗೆ ಉಲ್ಲೇಖಿಸಲಾಗಿದೆ.
ಗರುಡ ಪುರಾಣವು ಒಬ್ಬ ವ್ಯಕ್ತಿ ಮರಣ ಹೊಂದುವುದಕ್ಕಿಂತಲೂ ಒಂದು ಗಂಟೆಯ ಮೊದಲು ಯಾವೆಲ್ಲಾ ಸೂಚನೆಗಳನ್ನು ಪಡೆದುಕೊಳ್ಳುತ್ತಾನೆ ಎಂಬುದರ ಬಗ್ಗೆ ಹೇಳುತ್ತದೆ. ಒಬ್ಬ ವ್ಯಕ್ತಿ ಇದ್ದಕ್ಕಿದ್ದಂತೆ ಈ ಸೂಚನೆಗಳನ್ನು ಪಡೆದುಕೊಂಡರೆ ಅವನ ಸಾವು ಒಂದು ಗಂಟೆಯಲ್ಲಿ ಆಗಬಹುದು ಎಂದು ಗರುಡ ಪುರಾಣ ಹೇಳಿದೆ.
ಒಬ್ಬ ವ್ಯಕ್ತಿಯ ಮರಣದ ಸಮಯವು ಅತ್ಯಂತ ಹತ್ತಿರದಲ್ಲಿದ್ದಾಗ ಆ ವ್ಯಕ್ತಿಯು ತನ್ನ ಜೀವಿತಾವಧಿಯಲ್ಲಿ ಮಾಡಿದ ಎಲ್ಲಾ ಕಾರ್ಯಗಳನ್ನು, ಎಲ್ಲಾ ಸರಿ ಮತ್ತು ತಪ್ಪುಗಳನ್ನು ಒಮ್ಮೆ ನೆನಪು ಮಾಡಿಕೊಳ್ಳುತ್ತಾನೆ. ಅವನು ತನ್ನ ಆಪ್ತರೊಂದಿಗೆ ತಾನು ಕಳೆದ ದಿನಗಳ ಬಗ್ಗೆ ಮಾತನಾಡಲು ಮುಂದಾಗುತ್ತಾನೆ. ಎಲ್ಲವನ್ನು ಹಂಚಿಕೊಳ್ಳಲು ಬಯಸುತ್ತಾನೆ. ಆ ವ್ಯಕ್ತಿಯು ನೆನಪಿಸಿಕೊಳ್ಳುವ ಕೆಟ್ಟ ನೆನಪುಗಳನ್ನು ತಡೆಯಲು ಸಾಧ್ಯವಿಲ್ಲವೆಂದು ಹೇಳಲಾಗುತ್ತದೆ.
ಗರುಡ ಪುರಾಣವು ಒಬ್ಬ ವ್ಯಕ್ತಿಯ ಮರಣದ ಬಗೆಗಿನ ಸಾಕಷ್ಟು ನಿಗೂಢ ರಹಸ್ಯಗಳನ್ನು ವಿವರಿಸಿದೆ. ಇದರ ಪ್ರಕಾರ, ಒಬ್ಬ ವ್ಯಕ್ತಿಯ ಮರಣ ಆತನಿಗೆ ಸಮೀಪದಲ್ಲಿದ್ದಾಗ ಅವನು ನಿಗೂಢವಾದ ಬಾಗಿಲುಗಳನ್ನು ನೋಡಲು ಆರಂಭಿಸುತ್ತಾನೆ.
ವ್ಯಕ್ತಿಯು ಕಂಡ ನಿಗೂಢ ಬಾಗಿಲಿನ ಬಗ್ಗೆ ಅವನು ತನ್ನ ಕುಟುಂಬದ ಸದಸ್ಯರಿಗೆ ಹೇಳಲು ಬಯಸುತ್ತಾನೆ. ಆ ಬಾಗಿಲಿನ ಬಗ್ಗೆ ಅವನು ವಿವರಿಸತೊಡಗುತ್ತಾನೆ.
ಒಬ್ಬ ವ್ಯಕ್ತಿಗೆ ಆತನ ಸಾವು ಅಥವಾ ಮರಣ ಸಮೀಪದಲ್ಲಿದ್ದಾಗ ಅವನಿಗೆ ಯಮಕಿಂಕರರು, ಯಮರಾಜನ ಸಂದೇಶವಾಹಕರು ಅಥವಾ ಯಮದೂತರು ಆತನ ಸುತ್ತಮುತ್ತ ಆಗಿರಬಹುದು ಅಥವಾ ಎಲ್ಲೋ ಒಂದು ಕಡೆ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತಾರೆ. ಅಂತಹ ಜನರು ಯಾವಾಗಲೂ ತಮ್ಮ ಸುತ್ತಮುತ್ತ ಯಾವುದೋ ಒಂದು ನಕಾರಾತ್ಮಕ ಶಕ್ತಿ ಸುತ್ತಾಡುತ್ತಿದೆ ಎನ್ನುವ ಭಾವನೆಯಲ್ಲೇ ಇರುತ್ತಾರೆ.
ಒಬ್ಬ ವ್ಯಕ್ತಿ ಸಾಯುವ ಹಂತದಲ್ಲಿದ್ದಾಗ ಅಥವಾ ಆತನ ಸಾವು ಆತನಿಗೆ ಸಮೀಪದಲ್ಲಿದ್ದಾಗ ಅವನು ತನ್ನ ಕನಸಿನಲ್ಲಿ ಪಿತೃಗಳನ್ನು ಕಾಣಲು ಪ್ರಾರಂಭಿಸುತ್ತಾನೆ. ಪದೇ ಪದೇ ಆತನಿಗೆ ಪೂರ್ವಜರು ಕಾಣಿಸಿಕೊಳ್ಳುತ್ತಾರೆ.
ಪಿತೃಗಳು ಕನಸಿನಲ್ಲಿ ದುಃಖದಲ್ಲಿ ಇರುವಂತೆ ಅಥವಾ ಅವನ ಪಿತೃಗಳು ಅಳುವಂತೆ ಕಾಣಿಸಿಕೊಳ್ಳುತ್ತಾರೆ. ಒಬ್ಬ ವ್ಯಕ್ತಿಗೆ ಇಂತಹ ಕನಸುಗಳು ಬಿದ್ದರೆ ಅವನ ಸಾವಿನ ದಿನಗಳು ತುಂಬಾ ಹತ್ತಿರದಲ್ಲಿವೆ ಎಂದರ್ಥ.
ಒಬ್ಬ ವ್ಯಕ್ತಿಯ ಮರಣದ ಕ್ಷಣಗಳು ತುಂಬಾನೇ ಹತ್ತಿರದಲ್ಲಿದ್ದಾಗ ಆತನ ಅಂಗೈಯಲ್ಲಿರುವ ರೇಖೆಗಳು ಇದ್ದಕ್ಕಿದ್ದಂತೆ ಮಾಸಿ ಹೋಗಲು ಪ್ರಾರಂಭವಾಗುತ್ತವೆ. ಗರುಡ ಪುರಾಣವು ಕೂಡ ಇದರ ಬಗ್ಗೆ ಹೇಳುತ್ತದೆ.
Relationship ಸೊಸೆಯಾದವಳು ತಪ್ಪಿಯೂ ಅತ್ತೆಯೊಂದಿಗೆ ಈ ಮಾತನ್ನು ಆಡಬಾರದು
