newsics.com
ವಾಷಿಂಗ್ ಮೆಷಿನ್ ಬಳಸುವುದು ತುಂಬಾನೇ ಸುಲಭ. ಇದು ನಮ್ಮ ಸಮಯ, ಶ್ರಮವನ್ನು ಉಳಿಸುತ್ತದೆ. ಆದರೆ, ಕೆಲವು ವಿಷಯಗಳಲ್ಲಿ ಕಾಳಜಿ ವಹಿಸುವುದು ಇನ್ನೂ ಮುಖ್ಯವಾಗಿದೆ. ವಾಷಿಂಗ್ ಮೆಷಿನ್ ಅನ್ನು ಬಳಸುವಾಗ ಕೆಲವು ತಪ್ಪುಗಳನ್ನು ಮಾಡಬಾರದು. ಇದರಿಂದ ಮೆಷಿನ್ ಕೆಟ್ಟು ಹೋಗಬಹುದು.
ಇನ್ನು ವಾಷಿಂಗ್ ಮೆಷಿನ್ನಲ್ಲಿ ಅತಿಯಾಗಿ ಸೋಪ್ ಪುಡಿ ಹಾಕುವುದರಿಂದ ಉಪಕರಣದಲ್ಲಿ ಸೋಪು ಜಮೆಯಾಗುತ್ತದೆ ಮತ್ತು ಅದು ಬಟ್ಟೆಯಲ್ಲಿ ಅಂಟಿಕೊಳ್ಳುತ್ತದೆ. ಅಲ್ಲದೇ, ಮನೆಯಲ್ಲಿ ಸಾಕುವ ಪ್ರಾಣಿಗಳ ಬಟ್ಟೆಗಳನ್ನು ವಾಷಿಂಗ್ ಮೆಷಿನ್ನಲ್ಲಿ ಒಗೆಯುವುದನ್ನು ತಪ್ಪಿಸಿ. ಅವುಗಳ ರೋಮಗಳು ಮೆಷಿನ್ನಲ್ಲಿ ಉಳಿಯುವ ಸಾಧ್ಯತೆ ಹೆಚ್ಚು.
ಹಾಗೆಯೇ ಸಿಲ್ಕ್ ನಂತಹ ತೆಳುವಾದ ಬಟ್ಟೆಗಳನ್ನು ಎಂದಿಗೂ ವಾಷಿಂಗ್ ಮೆಷಿನ್ನಲ್ಲಿ ಒಗೆಯಬೇಡಿ. ಇದು ಬಟ್ಟೆಗಳು ಹಾಳಾಗಲು ಕಾರಣವಾಗುತ್ತದೆ.
ವಾಟರ್ ರೆಸಿಸ್ಟೆಂಟ್ ಬಟ್ಟೆಗಳನ್ನು ವಾಷಿಂಗ್ ಮೆಷಿನ್ನಲ್ಲಿ ಹಾಕುವುದನ್ನು ತಪ್ಪಿಸಿ. ಇದು ಉಪಕರಣದ ಕಾರ್ಯವೈಖರಿಯ ಮೇಲೆ ಪರಿಣಾಮ ಬೀರುತ್ತದೆ. ಭಾರವಾದ ಕಂಬಳಿಗಳನ್ನು ಎಂದಿಗೂ ವಾಷಿಂಗ್ ಮೆಷಿನ್ನಲ್ಲಿ ಒಗೆಯಬೇಡಿ. ಇದು ಮೆಷಿನ್ನ ಕಾರ್ಯವೈಖರಿಯ ಮೇಲೆ ಪರಿಣಾಮ ಬೀರಬಹುದು.
ಕಲೆಯಾದ ಬಟ್ಟೆಗಳನ್ನು ಹಾಗೆಯೇ ವಾಷಿಂಗ್ ಮೆಷಿನ್ನಲ್ಲಿ ಹಾಕಬೇಡಿ. ಕಲೆಗಳನ್ನು ತೆಗೆದ ನಂತರ ಮಾತ್ರ ವಾಷಿಂಗ್ ಮೆಷಿನ್ನಲ್ಲಿ ಹಾಕಿ. ಲೆದರ್, ರಬ್ಬರ್ ನಂತಹ ವಸ್ತುಗಳಿಂದ ಮಾಡಿದ ಬಟ್ಟೆಗಳನ್ನು ವಾಷಿಂಗ್ ಮೆಷಿನ್ನಲ್ಲಿ ಒಗೆಯಬೇಡಿ. ಇದು ಬಟ್ಟೆಗಳು ಹಾಳಾಗಲು ಕಾರಣವಾಗುತ್ತದೆ.
ಧರ್ಮಸ್ಥಳ ಕೇಸ್; ‘ರತ್ನಗಿರಿ’ ಬೆಟ್ಟದಲ್ಲಿ ಹೊಸ ಸ್ಪಾಟ್ ತೋರಿಸಿದ ದೂರುದಾರ
