newsics.com
ನವದೆಹಲಿ: ಭೂಮಿಯು ತನ್ನ ಅಕ್ಷದ ಮೇಲೆ ತಿರುಗುವ ವೇಗವು ಹೆಚ್ಚುತ್ತಿದ್ದು, ಇದರ ಪರಿಣಾಮವಾಗಿ ದಿನದ ಅವಧಿಯು 24 ಗಂಟೆಗಳಿಗಿಂತ ಕಡಿಮೆಯಾಗುವ ಸಂಭವವಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ಭೂಮಿಯು ಸೂರ್ಯನ ಸುತ್ತ ಅಂಡಾಕಾರದ ಹಾದಿಯಲ್ಲಿ ಸುತ್ತುವ ಪರಿಕ್ರಮದ ಜತೆ, ತನ್ನ ಅಕ್ಷದ ಮೇಲಿನ ತಿರುಗುವಿಕೆಯ ವೇಗವು ಇತ್ತೀಚಿನ ದಿನಗಳಲ್ಲಿ ವೇಗವಾಗುತ್ತಿದೆ. ಈ ಬದಲಾವಣೆಯಿಂದಾಗಿ 2025ರ ಜುಲೈ 22 ಮತ್ತು ಆಗಸ್ಟ್ 5ರಂದು ದಿನದ ಅವಧಿಯು ಕೆಲವು ಮಿಲಿಸೆಕೆಂಡುಗಳಷ್ಟು ಕಡಿಮೆಯಾಗಬಹುದು ಎಂದು ಸಂಶೋಧಕರು ದೃಢಪಡಿಸಿದ್ದಾರೆ.
ಈ ಕಡಿಮೆಯಾಗುವ ಅವಧಿಯು ಕೇವಲ 1.3 ರಿಂದ 1.5 ಮಿಲಿಸೆಕೆಂಡುಗಳಷ್ಟು ಇರಲಿದ್ದು, ಇದನ್ನು ಸಾಮಾನ್ಯ ಜನರು ಗಮನಿಸಲು ಸಾಧ್ಯವಿಲ್ಲ. ಈ ಬದಲಾವಣೆಯನ್ನು ಕೇವಲ ನಿಖರವಾದ ಉಪಕರಣಗಳ ಮೂಲಕ ಮಾತ್ರ ಅಳೆಯಬಹುದು. ಭೂಮಿಯ ತಿರುಗುವಿಕೆಯ ವೇಗವು ಸೂರ್ಯ ಮತ್ತು ಚಂದ್ರನ ಸ್ಥಾನಗಳು, ಭೂಮಿಯ ಕಾಂತಕ್ಷೇತ್ರದ ಬದಲಾವಣೆಗಳು, ಮತ್ತು ಗ್ರಹದ ದ್ರವ್ಯರಾಶಿಯ ಸಮತೋಲನದಂತಹ ಅಂಶಗಳಿಂದ ಪ್ರಭಾವಿತವಾಗುತ್ತದೆ.
ಸುಮಾರು 1-2 ಬಿಲಿಯನ್ ವರ್ಷಗಳ ಹಿಂದೆ, ಭೂಮಿಯ ಒಂದು ದಿನ ಕೇವಲ 19 ಗಂಟೆಗಳಷ್ಟು ಇತ್ತು ಎಂದು ಸಂಶೋಧನೆಗಳು ತಿಳಿಸಿವೆ. ಇದಕ್ಕೆ ಕಾರಣ, ಚಂದ್ರನು ಭೂಮಿಗೆ ಹತ್ತಿರವಾಗಿದ್ದದ್ದು ಎಂದು ವಿಜ್ಞಾನಿಗಳು ಊಹಿಸಿದ್ದಾರೆ. ಆದರೆ, ಈಗಿನ ಸಣ್ಣ ಬದಲಾವಣೆಯು ಜನಜೀವನದ ಮೇಲೆ ಯಾವುದೇ ಗಮನಾರ್ಹ ಪರಿಣಾಮ ಬೀರುವುದಿಲ್ಲ ಎಂದು ತಜ್ಞರು ಸ್ಪಷ್ಟಪಡಿಸಿದ್ದಾರೆ.
ಹಾವುಗಳನ್ನು ಶಿವನಂತೆ ಕುತ್ತಿಗೆಯಲ್ಲಿ ಸುತ್ತಿಕೊಂಡು ಮೆರವಣಿಗೆ ಮಾಡ್ತಾರೆ ಇಲ್ಲಿನ ಜನರು – ವೈರಲ್ ವಿಡಿಯೋ ನೋಡಿ
