newsics.com
ಕೆಲವು ಸಾಕುಪ್ರಾಣಿಗಳು ಮಕ್ಕಳಂತೆ ವರ್ತಿಸುತ್ತವೆ ಮತ್ತು ಜನರಲ್ಲಿ ತಮ್ಮ ಪೋಷಕರನ್ನು ನೋಡುತ್ತವೆ. ಮನೆಯ ಸದಸ್ಯರಂತೆ ಇವು ಕೂಡಾ ಹೊಂದಿಕೊಂಡು ಹೋಗುತ್ತವೆ.ಮನೆಯಲ್ಲೊಂದು ಮಗುವಿದ್ದರೆ, ಪ್ರೀತಿಯ ಶ್ವಾನವೂ ಇರಬೇಕು ಎನ್ನುವ ನಿಯಮವನ್ನು ಮಾಡಿಕೊಳ್ಳುತ್ತಿದ್ದಾರೆ. ಇದಕ್ಕಿಂತ ಹೆಚ್ಚಾಗಿ ಕೆಲವರು ‘ಡಾಗ್ ಪೇರೆಂಟ್ಸ್’ ಆಗುತ್ತಿದ್ದಾರೆ. ಇವೆಲ್ಲದರ ಹಿಂದಿನ ಕಾರಣ ಒಂದೇ ಸಾಕುಪ್ರಾಣಿಗಳು ತಮ್ಮ ಮುಗ್ಧತೆ, ನಿಯತ್ತಿನ ವ್ಯಕ್ತಿತ್ವದಿಂದ ನಮ್ಮೊಂದಿಗಿರುತ್ತದೆ ಮತ್ತು ಬೇಜಾರಾದಾಗ ನಮಗೆ ಸಾಂತ್ವನ ನೀಡುವುದನ್ನು ಸಾಕಷ್ಟು ಅರ್ಥಮಾಡಿಕೊಳ್ಳುತ್ತವೆ. ಆದರೆ ಇಲ್ಲೊಬ್ಬಳು ಸಾಕು ನಾಯಿಗೆ ಬಟ್ಟೆ ಹಾಗೂ ಇತರೆ ಅಲಂಕಾರಿಕ ವಸ್ತುಗಳನ್ನು ಖರೀದಿಸಲು ದಕ್ಷಿಣ ಕೊರಿಯಾ ಮತ್ತು ಜಪಾನ್ ತನಕ ಪ್ರಯಾಣ ಬೆಳೆಸುತ್ತಾರೆ.
ಹೌದು ಶಾಂಘೈನಲ್ಲಿ ವಾಸವಿರುವ ವೆಂಡಿ ಎಂಬ ಮಹಿಳೆ, ಮೋಚಿ, ಮಿಲ್ಕಿ, ಪಿಗ್ಗಿ ಹೆಸರಿನ 6, 5, 3 ವರ್ಷದ ನಾಯಿಗಳನ್ನು ಸಾಕಿದ್ದಾರೆ. ಆಕೆ ಅವುಗಳಿಗಾಗಿ ಬಟ್ಟೆ ಹಾಗೂ ಇತರೆ ಅಲಂಕಾರಿಕ ವಸ್ತುಗಳನ್ನು ಖರೀದಿಸಲು ದಕ್ಷಿಣ ಕೊರಿಯಾ ಮತ್ತು ಜಪಾನ್ ತನಕ ಹೋಗುತ್ತಾಳೆ.
ತನ್ನ ನಾಯಿಗಳಿಗಾಗಿ ಈಕೆ ‘ಯೀಕೆಮೊಚಿ’ ಹೆಸರಿನ ಇನ್ಸ್ಟಾಗ್ರಾಂ ಖಾತೆಯೊಂದನ್ನು ತೆರೆದಿದ್ದು, ಅದರಲ್ಲಿ ಅವುಗಳು ವಿಭಿನ್ನ ಉಡುಪುಗಳನ್ನು ಧರಿಸಿ ವಿವಿಧ ಭಂಗಿಯಲ್ಲಿರುವ ಫೋಟೋಗಳನ್ನು ಹಂಚಿಕೊಳ್ಳುತ್ತಾರೆ. ಇಷ್ಟು ಮಾತ್ರವಲ್ಲದೆ ವೆಂಡಿ ಆ ನಾಯಿಗಳ ವಸ್ತುಗಳಿರುವ, 24 ದಶಲಕ್ಷ ರು. ವೆಚ್ಚದ ಭವ್ಯ ಕಪಾಟನ್ನು ತೋರಿಸಿದ್ದರು. ಅದರಲ್ಲಿ ಡಿಸ್ನಿ, ಎಂಬ್ರಾಯ್ಡರಿ ಸೇರಿದಂತೆ ವಿವಿಧ ಮಾದರಿ ಮತ್ತು ವಿನ್ಯಾಸಗಳ 2,500ಕ್ಕೂ ಅಧಿಕ ಬಟ್ಟೆಗಳು, ಆಭರಣಗಳಿದ್ದವು. ಜೊತೆಗೆ, 46ರಿಂದ 58 ಸಾವಿರ ರು. ಬೆಲೆಯ ಜ್ಯಾಕೆಟ್, ಸನ್ಗ್ಲಾಸ್, ಬೆಲ್ಟ್ ಕೂಡ ಕಂಡುಬಂದಿದ್ದವು.
