newsics.com
ನವದೆಹಲಿ: ಇಲ್ಲೊಂದು ಹುಲಿಗೆ ಬಂಗಾರದ ಹಲ್ಲು ಅಳವಡಿಸಲಾಗಿದೆ. ಅದೂ ಶುದ್ಧ 24 ಕ್ಯಾರೆಟ್ ಬಂಗಾರದ ಹಲ್ಲು ಅಂದರೆ ನಿಮಗೆ ಅಚ್ಚರಿಯಾಗಬಹುದು.
ಇದು ಬೆಂಗಾಲ್ ಟೈಗರ್ ಜಾತಿಗೆ ಸೇರಿದ ಅಪರೂಪದ ಹುಲಿಯಾಗಿದ್ದು ಅದರ ಒಂದು ಕೋರೆ ಹಲ್ಲು ಮಾತ್ರ ಬಂಗಾರದಿಂದ ಕೂಡಿದೆ. 2013ರಲ್ಲಿ ಇಟಲಿಯ ಮುಗ್ನಾನೋದಲ್ಲಿ ಖಾಸಗಿಯವರು ಅಕ್ರಮವಾಗಿ ಸೆರೆಯಲ್ಲಿರಿಸಿದ್ದರು. 2015ರಲ್ಲಿ ಇದನ್ನು ರಕ್ಷಿಸಿ ಜರ್ಮನಿಗೆ ಕರೆದೊಯ್ಯಲಾಯಿತು. ಅಲ್ಲಿಂದ ಮಾಸ್ಟೀಲರ್ನ ಹುಲಿಗಳ ಆಶ್ರಯ ತಾಣಕ್ಕೆ ಒಯ್ಯಲಾಗಿತ್ತು.
ಕಾದಾಟದಲ್ಲಿ ತನ್ನ ಹಲ್ಲು ಕಳೆದುಕೊಂಡಿದ್ದಲ್ಲ. ಈ ಹುಲಿಯ ವಯಸ್ಸು 14 ವರ್ಷ 60 ಕೆಜಿ ತೂಕವಿದ್ದ ಈ ಹುಲಿ ಆಟಿಕೆಯನ್ನು ಅಗೆಯುವಾಗ ಹಲ್ಲು ಮುರಿದುಕೊಂಡಿತ್ತು. 2019ರಲ್ಲಿ ಈ ಹಲ್ಲು ಪೂರ್ತಿಯಾಗಿ ಮುರಿಯಬಹುದು ಎಂದು ಅರಿವಾಗಿ ಪಶು ವೈದ್ಯರು ಈ ಹುಲಿಗೆ ಸಿಲ್ವರ್ ಹಲ್ಲು ಜೋಡಿಸಲು ನಿರ್ಧರಿಸಿದ್ದರು. ಆದರೆ ನಂತರ ಅದನ್ನು ಚಿನ್ನದ ಹಲ್ಲು ಹಾಕಲು ನಿರ್ಧರಿಸಿದ್ದರು.
56.69 ತೂಕದ ಈ ಹುಲಿ, ಚಿನ್ನದ ಹಲ್ಲು ಅಳವಡಿಸಲು ವೈದ್ಯ ಡ್ಯಾನಿಶ್ ತಂಡವು ಅರವಳಿಕೆ ನೀಡಿ ಸತತ 4 ಗಂಟೆ ಶ್ರಮಿಸಿ ಚಿನ್ನದ ಹಲ್ಲು ಅಳವಡಿಸಿದ್ದಾರೆ. ಆರಂಭದಲ್ಲಿ ಅದಕ್ಕೆ ಮೂಳೆಗಳೇ ಇಲ್ಲದ ಮಾಂಸ ನೀಡಲಾಗುತ್ತಿತ್ತು. ಈಗ ನಿಧಾನವಾಗಿ ಚಿನ್ನದ ಹಲ್ಲಿಗೆ ಹೊಂದಿಕೊಂಡಿದೆ.
ಸದ್ಯ ಈ ಹುಲಿ ಪ್ರವಾಸಿಗರ ಅಚ್ಚುಮೆಚ್ಚಿನ ಹುಲಿಯಾಗಿದೆ. ಅದರ ಬಂಗಾರದ ಹಲ್ಲು ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ.
