newsics.com
ಗಂಡ-ಹೆಂಡತಿ ಒಂದೇ ಹಾಸಿಗೆಯಲ್ಲಿ ಮಲಗುವುದು ಲೈಂಗಿಕತೆಗೆ ಮಾತ್ರವಲ್ಲ, ಪರಸ್ಪರ ಅರ್ಥಮಾಡಿಕೊಳ್ಳಲೂ ಇದು ಅವಕಾಶ ಒದಗಿಸುತ್ತದೆ. ಆದರೆ, ದಂಪತಿ ಒಟ್ಟಿಗೇ ಮಲಗುವ ಬದಲು ಪ್ರತ್ಯೇಕವಾಗಿ ಮಲಗಿದರೆ ಇಬ್ಬರ ನಡುವಿನ ಸಂಬಂಧ ಸರಿಯಿಲ್ಲ ಎಂಬುದು ಮನದಟ್ಟಾಗುತ್ತದೆ. ಅಮೆರಿಕದಲ್ಲಿ ಹೆಚ್ಚಿನ ದಂಪತಿಗಳು ಪ್ರತ್ಯೇಕವಾಗಿ ಮಲಗುತ್ತಿದ್ದಾರೆ ಎಂದು ಸರ್ವೇಯೊಂದು ಬಹಿರಂಗಪಡಿಸಿದೆ.
ಸಾಮಾನ್ಯವಾಗಿ, ಇಡೀ ದಿನದ ಕೆಲಸದ ನಂತರ ಜನರು ಶಾಂತವಾಗಿ ನಿದ್ರಿಸಲು ಬಯಸುತ್ತಾರೆ. ಆದರೆ, ಪಾಲುದಾರನ ಕೆಲವು ಅಭ್ಯಾಸಗಳಿಂದ ಇತರ ಪಾಲುದಾರ ತೊಂದರೆಗೊಳಗಾಗುತ್ತಾನೆ. ಗೊರಕೆ ಹೊಡೆಯುವುದು ಅಥವಾ ಹೆಚ್ಚು ಹೊತ್ತು ಲೈಟ್ ಹಾಕಿಕೊಂಡು ಎಚ್ಚರವಾಗಿರುವುದು, ಮೊಬೈಲ್ ಫೋನ್ ನೋಡುವುದು… ಹೀಗೆ ವಿವಿಧ ಕಾರ್ಯ ಮಾಡುವುದರಿಂದ ನಿದ್ರೆ ಕೊರತೆಯಿಂದ ಅನೇಕ ಆರೋಗ್ಯ ಹಾಗೂ ಮಾನಸಿಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಈ ಸಮಸ್ಯೆಗಳಿಂದ ಹೊರಬರಲು ಅಮೆರಿಕ ಹಾಗೂ ಜಪಾನ್ನಲ್ಲಿ ಕೆಲವು ಜೋಡಿಗಳು ‘ನಿದ್ರೆ ವಿಚ್ಛೇದನ’ (‘ಸ್ಲೀಪ್ ಡೈವೋರ್ಸ್) ಪದ್ಧತಿ ಅನುಸರಿಸುತ್ತಿದ್ದಾರೆ.
ಸ್ಲೀಪ್ ಡಿವೋರ್ಸ್ ಎಂದರೆ ದಂಪತಿ ಉತ್ತಮ ನಿದ್ರೆಗಾಗಿ ಪ್ರತ್ಯೇಕವಾಗಿ ಮಲಗುವುದು. ಉದಾಹರಣೆಗೆ, ಹೆಂಡತಿ ಹಗಲು ಪಾಳಿ ಮತ್ತು ಗಂಡ ರಾತ್ರಿ ಪಾಳಿ ಕೆಲಸ ಮಾಡುತ್ತಿರುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ಇಬ್ಬರೂ ವಾರಾಂತ್ಯದಲ್ಲಿ ಮಾತ್ರ ಗುಣಮಟ್ಟದ ಸಮಯ ಪರಸ್ಪರ ಕಳೆಯಲು ಸಾಧ್ಯವಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಇಬ್ಬರೂ ವಿಶ್ರಾಂತಿಗಾಗಿ ವಾರಕ್ಕೆ 5 ದಿನಗಳ ನಿದ್ರೆ ವಿಚ್ಛೇದನ ವಿಧಾನವನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಈ ರೀತಿ ಮಾಡುವುದರಿಂದ ಒಬ್ಬರಿಗೊಬ್ಬರು ತೊಂದರೆಯಾಗದಂತೆ ರಾತ್ರಿಯಿಡೀ ನೆಮ್ಮದಿಯಿಂದ ನಿದ್ದೆ ಮಾಡಬಹುದು.
ಕಳೆದ ವರ್ಷ, ಅಮೆರಿಕನ್ ಅಕಾಡೆಮಿ ಆಫ್ ಸ್ಲೀಪ್ ಮೆಡಿಸಿನ್ನಲ್ಲಿ 2,005 ವಯಸ್ಕರ ಆನ್ಲೈನ್ ಸಮೀಕ್ಷೆ ಮಾಡಿತ್ತು. ಅಮೆರಿಕದಲ್ಲಿ ದಂಪತಿ ಪ್ರತ್ಯೇಕವಾಗಿ ಮಲಗುವುದು ಸಾಮಾನ್ಯವಾಗುತ್ತಿದೆ ಎಂದು ಈ ಸಮೀಕ್ಷೆ ತಿಳಿಸಿದೆ.
ಕಡಿಮೆ ನಿದ್ರೆಯು ಮನಸ್ಥಿತಿಯನ್ನು ಹದಗೆಡಿಸುತ್ತದೆ. ಅವರ ಪಾಲುದಾರರೊಂದಿಗೆ ವಾದ ಮಾಡುವ ಸಾಧ್ಯತೆ ಹೆಚ್ಚಿಸುತ್ತದೆ. ಸಂಬಂಧಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ರಾತ್ರಿಯ ನಿದ್ರೆಯು ಆರೋಗ್ಯ ಹಾಗೂ ಸಂತೋಷ ಎರಡಕ್ಕೂ ತುಂಬಾ ಮುಖ್ಯ. ಇದರಿಂದ ಈ ಸ್ಲೀಪ್ ಡೈವೋರ್ಸ್ ವಿಧಾನಕ್ಕೆ ಒಗ್ಗಿಕೊಳ್ಳುವುದು ಉತ್ತಮ ಎಂಬುದು ತಜ್ಞರ ಅಭಿಪ್ರಾಯ.
ಸ್ಲೀಪ್ ಡೈವೋರ್ಸ್ನಿಂದ ದಂಪತಿಯ ನಿದ್ರೆಯ ಗುಣಮಟ್ಟ ಸುಧಾರಿಸುತ್ತದೆ. ಉತ್ತಮ ನಿದ್ರೆಯು ದೇಹದ ಶಕ್ತಿಯ ಮಟ್ಟ ಹೆಚ್ಚಿಸಲು ಕಾರಣವಾಗುತ್ತದೆ. ಇದು ದೈನಂದಿನ ಜೀವನ ಹಾಗೂ ಸಂಬಂಧಗಳ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ.
ನಿದ್ರೆಯ ಕೊರತೆ ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡುತ್ತದೆ. ಈ ವಿಧಾನದಿಂದ ದಂಪತಿ ಹೆಚ್ಚು ವಿಶ್ರಾಂತಿ, ಶಾಂತವಾಗಿರಬಹುದು.
ಪ್ರತಿದಿನ ಒಟ್ಟಿಗೆ ಮಲಗುವುದು ಮಾತ್ರ ದಂಪತಿಗಳ ನಡುವಿನ ಸಂಬಂಧವನ್ನು ಬಲಪಡಿಸುತ್ತದೆ ಎಂದು ಕೆಲವರು ಭಾವಿಸುತ್ತಾರೆ. ಆದರೂ, ಸ್ಲೀಪ್ ಡೈವೋರ್ಸ್ನಿಂದ ಒಟ್ಟಿಗೆ ಮಲಗದಿದ್ದರೂ ಪ್ರತಿ ರಾತ್ರಿ ಮಲಗುವಾಗ ಹಾಗೂ ಬೆಳಗ್ಗೆ ಏಳುವ ಸಮಯದಲ್ಲಿ ಆತ್ಮೀಯವಾಗಿ ಒಬ್ಬರನ್ನೊಬ್ಬರು ತಬ್ಬಿಕೊಳ್ಳುವುದು, ಪ್ರೀತಿಯಿಂದ ಮುತ್ತಿಡುವುದು, ಸಾಧ್ಯವಾದಾಗಲೆಲ್ಲ ಒಟ್ಟಿಗೆ ಸಮಯ ಕಳೆಯುವುದು, ದಿನನಿತ್ಯದ ವ್ಯಾಯಾಮಗಳನ್ನು ಮಾಡುವುದರಿಂದ ಬಾಂಧವ್ಯ ಗಟ್ಟಿಯಾಗುತ್ತದೆ. ಈ ನಿದ್ರಾ ವಿಚ್ಛೇದನವು ದಾಂಪತ್ಯ ಜೀವನವನ್ನೂ ಸುಧಾರಿಸುತ್ತದೆ ಎಂದು ತಜ್ಞರು ಸಲಹೆ ನೀಡಿದ್ದಾರೆ.
Relationship :ನಿಮ್ಮ ಹೆಂಡತಿಯ ಮನಸ್ಸನ್ನು ಹೇಗೆ ಅರ್ಥಮಾಡಿಕೊಳ್ಳಬೇಕು ಎಂದು ನಿಮಗೆ ತಿಳಿದಿದೆಯೇ?
24 ಗಂಟೆಯಲ್ಲಿ 1000 ಪುರುಷರ ಜತೆ ಲೈಂಗಿಕ ಸಂಪರ್ಕ ಹೊಂದಲು ಲಿಲಿ ನಿರ್ಧಾರ! ಇದೆಂಥಾ ಸಾಹಸ? ವಿಡಿಯೋ ನೋಡಿ
International Tea Day ಚಹಾ ಕುಡಿದ್ರೆ ತೂಕ ಜಾಸ್ತಿಯಾಗತ್ತಾ? ಕಡಿಮೆಯಾಗತ್ತಾ? ನೀವು ಕುಡಿಯುವ ಟೀ ಹೇಗಿರಬೇಕು?
