newsics.com | ನ್ಯೂಸಿಕ್ಸ್
ಬೆಂಗಳೂರು: ಶೀಘ್ರದಲ್ಲೇ ಸ್ಮಾರ್ಟ್ ಫೋನ್ ಹಾಗೂ ಲ್ಯಾಪ್ ಟಾಪ್ ಗಳ ಬೆಲೆ ಶೇಕಡಾ 10 ರಿಂದ 15 ರಷ್ಟು ಭಾರೀ ಏರಿಕೆಯಾಗುವ ಸಾಧ್ಯತೆಯಿದೆ.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಾನಿಕ್ಸ್ ತಯಾರಿಕಾ ಕಂಪನಿಗಳು ಎದುರಿಸುತ್ತಿರುವ ಕಠಿಣ ಪರಿಸ್ಥಿತಿ ಇದಕ್ಕೆ ಮುಖ್ಯ ಕಾರಣವಾಗಿದೆ.
ಬೆಲೆ ಏರಿಕೆಗೆ ಪ್ರಮುಖ ಕಾರಣಗಳೇನು?
ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಅಲೆ: ಪ್ರಪಂಚದಾದ್ಯಂತ ಎಐ (AI) ಬಳಕೆ ಹೆಚ್ಚಾಗುತ್ತಿರುವುದರಿಂದ ‘ಡೇಟಾ ಸೆಂಟರ್’ಗಳ ಅಗತ್ಯತೆ ಹೆಚ್ಚಾಗಿದೆ.
ಮೆಮೊರಿ ಚಿಪ್ಗಳ ಅಭಾವ:
ಡೇಟಾ ಸೆಂಟರ್ಗಳ ಬಳಕೆಯಿಂದಾಗಿ ಮಾರುಕಟ್ಟೆಯಲ್ಲಿ ಮೆಮೊರಿ ಚಿಪ್ಗಳ ತೀವ್ರ ಅಭಾವ ಸೃಷ್ಟಿಯಾಗಿದೆ.
ಬಿಡಿಭಾಗಗಳ ವೆಚ್ಚ ಹೆಚ್ಚಳ:
ಬಿಡಿಭಾಗಗಳ ತಯಾರಿಕಾ ವೆಚ್ಚ ಹೆಚ್ಚಾಗಿರುವುದರಿಂದ, ಕಂಪನಿಗಳಿಗೆ ಶೋರೂಮ್ ತಲುಪಿಸುವ ವೆಚ್ಚವೂ ದುಬಾರಿಯಾಗಿದೆ. ಈ ಹೆಚ್ಚಿನ ವೆಚ್ಚವನ್ನು ಕಂಪನಿಗಳು ಗ್ರಾಹಕರ ಹೆಗಲಿಗೆ ಹಾಕಲು ಮುಂದಾಗಿವೆ.
ಜಗತ್ತಿನ ಅತಿ ದೊಡ್ಡ ಚಿಪ್ ತಯಾರಿಕಾ ಸಂಸ್ಥೆಯಾದ ‘ತೈವಾನ್ ಸೆಮಿಕಂಡಕ್ಟರ್ ಮ್ಯಾನುಫ್ಯಾಕ್ಚರಿಂಗ್ ಕಂಪನಿ’ (TSMC) ಬರುವ ವರ್ಷದಲ್ಲಿ ಚಿಪ್ಗಳ ಬೆಲೆಯನ್ನು 10% ಹೆಚ್ಚಿಸಲು ನಿರ್ಧರಿಸಿದೆ. 6nm, 28nm, 16nm ಮತ್ತು 12nm ತಂತ್ರಜ್ಞಾನದ ಚಿಪ್ಗಳ ಬೆಲೆ ಏರಿಕೆಯಾಗಲಿದೆ.
ಗ್ರಾಹಕರ ಜೇಬಿಗೆ ಕತ್ತರಿ:
ಈಗಾಗಲೇ ಸ್ಯಾಮ್ಸಂಗ್ ಮತ್ತು ಆಪಲ್ ನಂತಹ ದೈತ್ಯ ಕಂಪನಿಗಳು ಮೆಮೊರಿ ಚಿಪ್ಗಳ ಕೊರತೆಯನ್ನೇ ನೆಪವಾಗಿಟ್ಟುಕೊಂಡು ಬೆಲೆಗಳನ್ನು ಹೆಚ್ಚಿಸಿವೆ.
ಇತ್ತೀಚೆಗಷ್ಟೇ ಕಂಪನಿಗಳು ಫೋನ್ಗಳ ಬೆಲೆಯನ್ನು 15% ರಷ್ಟು ಹೆಚ್ಚಿಸಿದ್ದವು. ಇದರಿಂದಾಗಿ ಕಮ್ಮಿ ಬಜೆಟ್ನ ಅಂದರೆ ₹15,000 ಗಿಂತ ಕಡಿಮೆ ಬೆಲೆಯ ಫೋನ್ಗಳಿಗೆ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಾಗಿತ್ತು.
Channamma samadhi ರಾಜಘಾಟ್ ಮಾದರಿಯಲ್ಲಿ ಚನ್ನಮ್ಮ ಸಮಾಧಿ: 300 ಕೋಟಿ ವೆಚ್ಚದ ಯೋಜನೆ
Price hike shock ಜನರಿಗೆ ಮತ್ತೆ ಬೆಲೆ ಏರಿಕೆಯ ಶಾಕ್: ಮತ್ತೆ ದುಬಾರಿಯಾಯ್ತು ಅಡುಗೆ ಎಣ್ಣೆ, ಕಂಗಾಲಾದ ಮಧ್ಯಮ ವರ್ಗ
