newsics.com
ಮನುಷ್ಯರು ತಮ್ಮ ದಿನಚರಿಯಲ್ಲಿ ವಿಶೇಷವಾಗಿ ಮೊಬೈಲ್ ಮತ್ತು ಕಂಪ್ಯೂಟರ್ಗಳಂತಹ ಇನ್ನಿತರ ಗ್ಯಾಜೆಟ್ಗಳನ್ನು ಅತಿಯಾಗಿ ಬಳಸುವುದರಿಂದ, ಅವುಗಳಿಂದ ಬರುವ ನೀಲಿ ಬೆಳಕು ಮನುಷ್ಯನ ಚರ್ಮಕ್ಕೆ ಹಾನಿಕಾರಕವಾಗಿದೆ ಎಂಬ ಸುದ್ದಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಮೊಬೈಲ್ ನಿಂದ ಹೊರ ಬರುವ ನೀಲಿ ಬೆಳಕುಗಳು ನಮ್ಮ ಕಣ್ಣಿಗೆ ಮಾತ್ರವಲ್ಲ, ಚರ್ಮಕ್ಕೂ ಹಾನಿಕಾರಕ ಎಂಬ ಸುದ್ದಿ ಹರಿದಾಡುತ್ತಿದೆ. ಹೌದು, ಮೊಬೈಲ್ ನಲ್ಲಿ ಗೋಚರವಾಗುವ ಬೆಳಕಿನ ಒಂದು ಭಾಗವು ನೀಲಿ ಬೆಳಕು. ಈ ಬೆಳಕಿನ ಮೂಲವೆಂದರೆ ಸೂರ್ಯನ ಬೆಳಕು. ಆದಾಗ್ಯೂ, ಟಿವಿಗಳು, ಲ್ಯಾಪ್ಟಾಪ್ಗಳು ಮತ್ತು ಸ್ಮಾರ್ಟ್ ಫೋನ್ಗಳಂತಹ ನಮ್ಮ ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳು ಸೇರಿದಂತೆ ಅನೇಕ ಎಲೆಕ್ಟ್ರಾನಿಕ್ಸ್ ವಸ್ತುಗಳು ನೀಲಿ ಬೆಳಕನ್ನು ಉತ್ಪಾದಿಸುತ್ತದೆ.
ನೀಲಿ ಬೆಳಕು ಸೂರ್ಯನ ಬೆಳಕಿಗಿಂತ 1,000 ಪಟ್ಟು ಕಡಿಮೆಯಿದ್ದರೂ ನಮ್ಮ ಕಣ್ಣಿಗೆ ಬೇಗನೆ ಹಾನಿ ಮಾಡುತ್ತದೆ ಎಂದು ಹೇಳಲಾಗಿದೆ. ಅದರಲ್ಲೂ ಹೆಚ್ಚು ಮುಖ್ಯವಾಗಿ, ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳ ದೀರ್ಘಾವಧಿ ಬಳಕೆಯು ಮನುಷ್ಯನ ಆರೋಗ್ಯಕ್ಕೆ ಹಾನಿ ಮಾಡುವುದರೊಂದಿಗೆ ಆದರ ನೀಲಿ ಬೆಳಕುಗಳು ನಮ್ಮ ಚರ್ಮದ ಮೇಲೆ ಭಾರೀ ಪರಿಣಾಮ ಬೀರುತ್ತದೆ.
ಹಲವಾರು ವೈದ್ಯಕೀಯ ಅಧ್ಯಯನಗಳ ಪ್ರಕಾರ, ಎಲೆಕ್ಟ್ರಾನಿಕ್ಸ್ ವಸ್ತುಗಳಿಂದ ಹೊರ ಬರುವ ನೀಲಿ ಬೆಳಕಿಗೆ ಒಡ್ಡಿಕೊಳ್ಳುವ ಮೆಲನಿನ್ ಸಂಶ್ಲೇಷಣೆಯು ತನ್ನ ವೇಗವನ್ನು ದ್ವಿಗುಣ ಗೊಳಿಸುತ್ತದೆ. ಇದರೊಂದಿಗೆ ಇದು ಹೈಪರ್ಪಿಗ್ಮೆಂಟೇಶನ್ಗೆ ಕಾರಣವಾಗುವುದರಿಂದ ಮೆಲನಿನ್ ಅಧಿಕವಾಗಿ ಉತ್ಪತ್ತಿಯಾಗಿ, ಚರ್ಮ ಕಪ್ಪಾಗುತ್ತದೆ. ಇದು ಮುಂದುವರಿದರೆ, ಚರ್ಮದ ಮೇಲೆ ಕಪ್ಪು ಕಲೆಗಳು ಸಹ ಉಂಟಾಗುತ್ತವೆ.
ಕೆಲವು ಸಂಶೋದನೆಗಳ ಪ್ರಕಾರ, ನೀಲಿ ಬೆಳಕಿ ನಿಂದ ಚರ್ಮದ ರಚನೆಗೆ ಮುಖ್ಯವಾದ ಪ್ರೋಟೀನ್ ಅಂಶಗಳು ಹಾನಿಗೊಳ್ಳುತ್ತವೆ. ಇದು ಮನುಷ್ಯರು ವಯಸ್ಸಾಗುವ ಪ್ರಕ್ರಿಯೆಯನ್ನು ವೇಗಗೊಳಿಸುತ್ತದೆ. ಆದ್ದರಿಂದ ನಿಮ್ಮ ಸಾಧನವನ್ನು ಒಂದು ಇಂಚು ದೂರದಲ್ಲಿ ಒಂದು ಗಂಟೆ ಹಿಡಿದರೂ ಈ ಅಪಾಯ ಹೆಚ್ಚಾಗುತ್ತದೆ ಎಂದು ಸಂಶೋಧನೆ ಯಿಂದ ಕಂಡುಬಂದಿದೆ. ಅಂದರೆ, ನೀಲಿ ಬೆಳಕನ್ನು ಹೊರಸೂಸುವ ಮೊಬೈಲ್ ಮತ್ತು ಲ್ಯಾಪ್ಟಾಪ್ಗಳ ಅತಿಯಾದ ಬಳಕೆಯಿಂದ ಮನುಷ್ಯರು ವೇಗಾವಾಗಿ ವಯಸ್ಸಾಗುತ್ತೀರಿ ಎಂದರ್ಥ.
ನೀಲಿ ಬೆಳಕಿನ ಹಾನಿಯಿಂದ ತಪ್ಪಿಸುವುದು ಹೇಗೆ?
1. ಮಲಗುವ ಮುನ್ನ ಮೊಬೈಲ್ ಪರದೆಯನ್ನು ವಿಕ್ಷಿಸುವ ಸಮಯವನ್ನು ಕಡಿಮೆ ಮಾಡಿ. ಮಲಗುವ ಒಂದು ಗಂಟೆಯ ಮೊದಲು ನಿಮ್ಮ ಫೋನ್ ಅನ್ನು ಆಫ್ ಮಾಡಿ ಅಥವಾ ನಿಮ್ಮಿಂದ ದೂರವಿಡಿ.
2. ನಿಮ್ಮ ಚರ್ಮವನ್ನು ನೀಲಿ ಬೆಳಕಿಗೆ ಒಡ್ಡುವುದನ್ನು ತಪ್ಪಿಸಲು ನಿಮ್ಮ ಫೋನ್ ಅಥವಾ ಸಾಧನವನ್ನು ಆದಷ್ಟು ನಿಮ್ಮ ಚರ್ಮದಿಂದ ದೂರವಿಡಿ.
3. ಟೈಟಾನಿಯಂ ಡೈಆಕ್ಸೈಡ್, ಐರನ್ ಆಕ್ಸೈಡ್ ಮತ್ತು ಸನ್ಸ್ಕ್ರೀನ್ಗಳನ್ನು ಒಳಗೊಂಡಿರುವಾಗ ಮೊಬೈಲ್ಗಳನ್ನು ಉಪಯೋಗಿಸಿ, ಇದು ನಿಮ್ಮ ಚರ್ಮವನ್ನು ನೀಲಿ ಬೆಳಕಿನಿಂದ ರಕ್ಷಿಸುತ್ತದೆ.
4. ನೀವು ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುತ್ತಿದ್ದರೆ ಅಥವಾ ರಾತ್ರಿಯಲ್ಲಿ ಬಹಳಷ್ಟು ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸುತ್ತಿದ್ದರೆ, ನೀವು ನೀಲಿ ತಡೆಗಟ್ಟುವ ಕನ್ನಡಕವನ್ನು ಧರಿಸುವುದು ಉತ್ತಮ. ಅಥವಾ ರಾತ್ರಿಯಲ್ಲಿ ನೀಲಿ/ಹಸಿರು ತರಂಗಾಂತರಗಳನ್ನು ಫಿಲ್ಟರ್ ಮಾಡುವ ಅಪ್ಲಿಕೇಶನ್ ಅನ್ನು ಬಳಸುವುದು ಇನ್ನು ಉತ್ತಮ.
5. ಸಾಧ್ಯವಾದಷ್ಟು ದಿನದಲ್ಲಿ ಪ್ರಕಾಶಮಾನವಾದ ಬೆಳಕಿನಲ್ಲಿ ಉಳಿಯಲು ಪ್ರಯತ್ನಿಸಿ. ಇದು ರಾತ್ರಿಯಲ್ಲಿ ಮಲಗುವ ನಿಮ್ಮ ಸಾಮರ್ಥ್ಯವನ್ನು ಸುಧಾರಿಸುತ್ತದೆ, ಜೊತೆಗೆ ಹಗಲಿನಲ್ಲಿ ನಿಮ್ಮ ಮನಸ್ಥಿತಿ ಮತ್ತು ಜಾಗರೂಕತೆಯನ್ನು ಸಹ ಸುಧಾರಿಸುತ್ತದೆ.
