newsics.com
ಮನೆಯಲ್ಲಿ ಸಾಕಷ್ಟು ಜಿರಳೆಗಳಿವೆಯೇ? ಅವುಗಳನ್ನು ಓಡಿಸಲು ಎಷ್ಟು ವಿವಿಧ ಸ್ಪ್ರೇಗಳನ್ನು ಬಳಸಿದರೂ ಉಪಯೋಗವಾಗಿಲ್ಲ? ಆದರೆ, ಕೆಲವು ಸರಳ ಮಾರ್ಗಗಳ ಮೂಲಕ ಜಿರಳೆಗಳನ್ನು ಮನೆಯಿಂದ ಓಡಿಸಬಹುದಾಗಿದೆ.
ಅಡುಗೆಮನೆ ಕ್ಲೀನ್ ಮಾಡಿ:
ಅಡುಗೆಮನೆಯಲ್ಲಿ ಜಿರಳೆಗಳ ಕಾಟ ಮಿತಿ ಮೀರಿದ್ದರೆ ನೀವು ಮಾಡಬೇಕಾದ ಮೊಟ್ಟ ಮೊದಲ ಕೆಲಸವೆಂದರೆ ಅಡುಗೆಮನೆಯನ್ನು ಗಾಢವಾಗಿ ಸ್ವಚ್ಛಗೊಳಿಸುವುದಾಗಿದೆ. ಯಾವುದೇ ಕಾರಣಕ್ಕೂ ಅಡುಗೆ ಮನೆಯಲ್ಲಿ ಸಣ್ಣ ಕೊಳಕಿಗೂ ಜಾಗವಿರದಂತೆ ಮೂಲೆ ಮೂಲೆಯನ್ನೂ ಶುಚಿಗೊಳಿಸಬೇಕು.
ಈ ವಿಷಯಗಳನ್ನು ನೆನಪಿನಲ್ಲಿಡಿ:
ಕೊಳಕು ಸ್ಥಳಗಳಲ್ಲಿ ಜಿರಳೆಗಳು ಹೆಚ್ಚು ಬೆಳೆಯಲು ಪ್ರಾರಂಭಿಸುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ದೀರ್ಘಕಾಲದವರೆಗೆ ಸಿಂಕ್ನಲ್ಲಿ ಪಾತ್ರೆಗಳನ್ನು ಬಿಡಬೇಡಿ. ಅಡುಗೆ ಮತ್ತು ನೆಲದ ಮೇಲೆ ಹರಡಿರುವ ಆಹಾರದ ತುಂಡುಗಳನ್ನು ಕೂಡಲೇ ಸ್ವಚ್ಛಗೊಳಿಸಿ. ಡಸ್ಟ್ಬಿನ್ ಅನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ಜಿರಳೆಗಳನ್ನು ಕಡಿಮೆ ಮಾಡಬಹುದು.
ಬೆಳ್ಳುಳ್ಳಿ ಬೆಂಬಲ:
ಬೇವಿನ ಎಲೆಗಳಂತೆ, ಬೆಳ್ಳುಳ್ಳಿಗಳಲ್ಲಿ ಕೂಡ ಗಾಢವಾದ ವಾಸನೆ ಕಂಡುಬರುವುದರಿಂದ, ಜಿರಳೆಗಳು ಬಹಳ ಬೇಗ ದೂರವಾಗಿ ಬಿಡುತ್ತದೆ. ಸರಿಸುಮಾರು ನಾಲ್ಕೈದು ಬೆಳ್ಳುಳ್ಳಿ ಎಸಳನ್ನು ಜಜ್ಜಿ ಜಿರಳೆಗಳು ಹೆಚ್ಚಾಗಿ ಓಡಾಡುವ ಸ್ಥಳಗಳಲ್ಲಿ ಅಂದರೆ ಮನೆಯ ಬಾತ್ ರೂಮ್ ಕಡೆಗಳಲ್ಲಿ, ಮನೆಯ ಡಸ್ಟ್ಬಿನ್ ಇರುವ ಕಡೆಗಳಲ್ಲಿ, ಕಿಚನ್ ಸೆಲ್ಫ್ಗಳಲ್ಲಿ, ಕಿಚನ್ ಗ್ಯಾಸ್ ಸ್ಟೌವ್ ಅಡಿ ಭಾಗದಲ್ಲಿ ಅಥವಾ ಮನೆಯ ಬಾಗಿಲಿನ ಮೂಲೆಗಳಲ್ಲಿ ಬೆಳ್ಳುಳ್ಳಿ ಎಸಳುಗಳನ್ನು ಇಟ್ಟುಬಿಡಿ.
ಸೀಮೆಎಣ್ಣೆ ಪರಿಹಾರ:
ಇತ್ತೀಚಿನ ದಿನಗಳಲ್ಲಿ ಸೀಮೆಎಣ್ಣೆ ಅನೇಕ ನಗರಗಳಲ್ಲಿ ಲಭ್ಯವಿಲ್ಲ. ಮನೆಯಲ್ಲಿ ಜಿರಳೆಗಳು ಎಲ್ಲೆಲ್ಲಿ ಬೀಡುಬಿಟ್ಟಿವೆಯೋ ಅಲ್ಲೆಲ್ಲಾ ಸೀಮೆ ಎಣ್ಣೆಯನ್ನು ಸಿಂಪಡಿಸಿ. ಇದೂ ಕೂಡ ಉತ್ತಮ ಪರಿಹಾರವಾಗಿದೆ.
ಬಿರುಕುಗಳನ್ನು ಸರಿಪಡಿಸಿ:
ಮನೆಯಲ್ಲಿ ಇರುವ ಬಿರುಕುಗಳು ಕೀಟಗಳ ನೆಲೆಯಾಗಿದೆ. ನಿಮ್ಮ ನೆಲ ಮತ್ತು ಕಿಚನ್ ಸಿಂಕ್ನಲ್ಲಿರುವ ಬಿರುಕುಗಳನ್ನು ಬಿಳಿ ಸಿಮೆಂಟ್ ಸಹಾಯದಿಂದ ತುಂಬಿಸಿ.
ಜಿರಳೆಗಳು ಈ ಬಿರುಕುಗಳ ಒಳಗೆ ಅಡಗಿಕೊಳ್ಳುತ್ತವೆ ಮತ್ತು ಮೊಟ್ಟೆಗಳನ್ನು ಇಡುತ್ತವೆ. ಬಿರುಕುಗಳನ್ನು ಮುಚ್ಚಿದಾಗ,ಊ ಜಿರಳೆಗಳು ಯಾವುದೇ ಸ್ಥಳವನ್ನು ಕಂಡುಕೊಳ್ಳುವುದಿಲ್ಲ ಮತ್ತು ಅವುಗಳು ತಮ್ಮಷ್ಟಕ್ಕೇ ಕಡಿಮೆಯಾಗುತ್ತವೆ.
ಮಳೆಗಾಲ ಶುರುವಾಗಿದೆ… ಇದು ಶೀತ-ಕೆಮ್ಮಿನ ಸಮಯ, ಮನೆಯಲ್ಲೇ ಮಾಡಿ ಕುಡಿಯಿರಿ ಕಷಾಯ
