newsics.com
ಮಕ್ಕಳಿಗೆ ಶಾಲೆ ಆರಂಭವಾಗಿ ಕೆಲ ದಿನಗಳು ಕಳೆದಿವೆ. ಅಮ್ಮಂದಿರಿಗೆ ಮಕ್ಕಳ ಲಂಚ್ ಬಾಕ್ಸ್ಗೆ ಏನು ಹಾಕೋದು ಎಂಬ ಚಿಂತೆ.
ಸಾಮಾನ್ಯವಾಗಿ ಮಕ್ಕಳಿಗೆ ಮನೆಯಲ್ಲಿ ಮಾಡಿದ ತಿನಿಸುಗಳಿಗಿಂತ ಹೊರಗಡೆ ಸಿಗುವ ಆಹಾರಗಳೇ ಹೆಚ್ಚು ಇಷ್ಟವಾಗುತ್ತವೆ. ಆದರೆ ಮನೆಯಲ್ಲೇ ತಯಾರಿಸಿದ ಪೌಷ್ಟಿಕ ಆಹಾರಗಳಿಗೆ ಆಕರ್ಷಕ ರೂಪ ನೀಡುವ ಮೂಲಕ ಮಕ್ಕಳು ತಿನ್ನುವಂತೆ ಮಾಡಬಹುದು.
ಪ್ರಮುಖವಾಗಿ ಆಹಾರ ಸೇವನೆಯ ಮೇಲೆ ಇದರ ಪ್ರಭಾವ ಕಾಣಿಸುತ್ತದೆ. ದೇಹಕ್ಕೆ ಸಮರ್ಪಕವಾದ ಪೋಷಕಾಂಶಗಳು ಸಿಗದೆ ಆರೋಗ್ಯದಲ್ಲಿ ಏರುಪೇರಾಗುತ್ತದೆ.
ಕಾಳುಗಳು:
ಕಾಳುಗಳು ಮತ್ತು ಧಾನ್ಯಗಳು ಕೂಡ ಮಗುವಿನ ದೇಹದ ಹಾಗೂ ಆರೋಗ್ಯದ ಬೆಳವಣಿಗೆಯ ಮೇಲೆ ಹೆಚ್ಚು ಪ್ರಭಾವ ಬೀರುತ್ತವೆ.
ಕಾಂಪ್ಲೆಕ್ಸ್ ಕಾರ್ಬೋಹೈಡ್ರೇಟ್ಸ್, ನಾರು ಮತ್ತು ಇನ್ನಿತರ ಅಗತ್ಯ ಪೌಷ್ಟಿಕ ಸತ್ವಗಳು ಇವುಗಳಲ್ಲಿ ಇರುವುದರಿಂದ ಮಗುವಿನ ದೈಹಿಕ ಚಟುವಟಿಕೆಗೆ ಹೆಚ್ಚು ಶಕ್ತಿ ಮತ್ತು ಚೈತನ್ಯ ಕೊಡುತ್ತವೆ.
ರೊಟ್ಟಿ/ಚಪಾತಿ:
ಮಕ್ಕಳು ಯಾವಾಗಲೂ ಸೊಪ್ಪು ತರಕಾರಿಗಳನ್ನು ನೇರವಾಗಿ ಬೇಯಿಸಿ ಅಥವಾ ಸಾರು, ಸಾಂಬಾರ್ ರೂಪದಲ್ಲಿ ನೀಡಿದರೆ ತಿನ್ನುವುದಿಲ್ಲ. ಇದರ ಬದಲು ನೀವು ತಯಾರಿಸುವ ತಿಂಡಿಯಲ್ಲಿ ಅದನ್ನು ಮಿಕ್ಸ್ ಮಾಡಿ. ಮೆಂತ್ಯ ಚಪಾತಿ, ಪಾಲಕ್ ರೊಟ್ಟಿ ಹೀಗೆ ಭಿನ್ನವಾದ ಹೆಸರು ಇಟ್ಟು ಮಕ್ಕಳಿಗೆ ತಿನ್ನಲು ಕೊಟ್ಟರೆ ಇವರು ತಿನ್ನುವ ಮನಸ್ಸು ಮಾಡಬಹುದು.
ವಿಟಮಿನ್ ಸಿ ಹೆಚ್ಚಿರುವ ಆಹಾರಗಳು:
ಬೆಳೆಯುವ ಮಕ್ಕಳಿಗೆ ವಿಟಮಿನ್ಗಳು ಹಾಗೂ ಖನಿಜಾಂಶಗಳು ಹೆಚ್ಚಿರುವ ಆಹಾರ ಪದಾರ್ಥಗಳು, ವಿಟಮಿನ್ ಸಿ ಅಂಶ ಹೆಚ್ಚಿರುವ ಹಣ್ಣುಗಳಾದ ಸೀಬೆ, ಮೂಸಂಬಿ, ಕಿತ್ತಳೆಗಳನ್ನು ಸೇವಿಸಲು ನೀಡಬೇಕು.
ಹಣ್ಣು ಮತ್ತು ತರಕಾರಿಗಳು:
ತಾಜಾ ಹಣ್ಣು-ತರಕಾರಿಗಳು ಮಕ್ಕಳ ಬೆಳವಣಿಗೆಗೆ ತುಂಬಾ ನೆರವಾಗುವುದು. ಹಣ್ಣು ಮತ್ತು ತರಕಾರಿಗಳು ಮಕ್ಕಳ ಆರೋಗ್ಯಕ್ಕೆ ಬೇಕಾಗುವ ವಿಟಮಿನ್ಸ್ಗಳು, ಖನಿಜಾಂಶಗಳು, ನಾರಿನಾಂಶ ಗಳು ಹಾಗೂ ಹಲವಾರು ಬಗೆಯ ಪೌಷ್ಟಿಕ ಸತ್ವಗಳು ಮಕ್ಕಳ ಆರೋಗ್ಯವನ್ನು ವೃದ್ಧಿಸುತ್ತವೆ.
ಕಬ್ಬಿಣಾಂಶ ಹೆಚ್ಚಿರುವ ಆಹಾರಗಳು:
ಬೆಳೆಯುವ ಮಕ್ಕಳ ಆಹಾರ ಕ್ರಮದಲ್ಲಿ, ದಿನಕ್ಕೊಂದು ಮೊಟ್ಟೆ, ಕಡಲೆಕಾಳು, ಸೋಯಾಬೀನ್, ಬೀಜಗಳು, ಬಸಳೆ ಅಥವಾ ಪಾಲಕ್ ಸೊಪ್ಪು, ಬೀಟ್ರೂಟ್ ಇಂತಹ ಆಹಾರ ಪದಾರ್ಥ ಗಳನ್ನು ಸೇರಿಸಿದರೆ ತುಂಬಾ ಒಳ್ಳೆಯದು. ಇಂತಹ ಆಹಾರದಲ್ಲಿ ಕಬ್ಬಿಣಾಂಶದ ಪ್ರಮಾಣ ಯಥೇಚ್ಛವಾಗಿ ಕಂಡುಬರುತ್ತದೆ.
ಬೆಂಗಳೂರು ವಾಹನ ಮಾಲೀಕರೇ ಹುಷಾರು! ಪ್ರತಿ ತಿಂಗಳು ಕಳುವಾಗುತ್ತಿದೆ 400ಕ್ಕೂ ಹೆಚ್ಚು ವಾಹನ
ಜುಲೈ 22ಕ್ಕೆ ಕೇಂದ್ರ ಬಜೆಟ್ ಮಂಡನೆ ಸಾಧ್ಯತೆ, ದಾಖಲೆ ಮುರಿಯಲು ನಿರ್ಮಲಾ ಸೀತಾರಾಮನ್ ಸಜ್ಜು
