ಕೇನ್ಸ್ 2026ರ ರೆಡ್ ಕಾರ್ಪೆಟ್ ಮೇಲೆ ಊರ್ವಶಿ ರೌಟೇಲಾ ಐವರಿ ಬಣ್ಣದ ಸೀರೆಯುಟ್ಟು ಕಾಣಿಸಿಕೊಂಡರು. ಹೊಳೆಯುವ ಚಿನ್ನದ ಬಾರ್ಡರ್ ಇದ್ದ ಈ ಸೀರೆಗೆ, ಹೆವಿ ಎಂಬೆಲಿಶ್ಡ್ ಗೋಲ್ಡನ್ ಬ್ಲೌಸ್ ಧರಿಸಿದ್ದರು. ಸ್ಟೇಟ್ಮೆಂಟ್ ಆಭರಣ, ಡ್ರಾಮ್ಯಾಟಿಕ್ ಮೇಕಪ್ ಮತ್ತು ವಿಂಟೇಜ್ ಶೈಲಿಯ ಹೇರ್ಸ್ಟೈಲ್ ಅವರ ಲುಕ್ ಪೂರ್ತಿಗೊಳಿಸಿತ್ತು. ಈ ಹೈ-ಗ್ಲಾಮ್ ಫ್ಯಾಷನ್ ಲುಕ್ ಸೋಷಿಯಲ್ ಮೀಡಿಯಾದಲ್ಲಿ ತಕ್ಷಣವೇ ವೈರಲ್ ಆಯಿತು.
ಊರ್ವಶಿ ಫೋಟೋಗಳು ಆನ್ಲೈನ್ನಲ್ಲಿ ಕಾಣಿಸಿಕೊಂಡ ತಕ್ಷಣ, ಫ್ಯಾಷನ್ ಪ್ರಿಯರು ಈ ಉಡುಪನ್ನು ಗಿಗಿ ಹದಿದ್ ಅವರ 2023ರ NMACC ಗಾಲಾ ಲುಕ್ಗೆ ಹೋಲಿಸಲು ಶುರುಮಾಡಿದರು.
ಒಂದೇ ರೀತಿಯ ಬಣ್ಣ, ಚಿನ್ನದ ಡೀಟೇಲಿಂಗ್, ಡಿಸೈನ್ ಬಗ್ಗೆ ಹಲವರು ಗಮನ ಸೆಳೆದರು. ಪ್ರಸಿದ್ಧ ಫ್ಯಾಷನ್ ಪೇಜ್ ‘ಡಯಟ್ ಸಬ್ಯ’ ಕೂಡ ಈ ಹೋಲಿಕೆಗೆ ವ್ಯಂಗ್ಯವಾಗಿ ಪ್ರತಿಕ್ರಿಯಿಸಿ, ಚರ್ಚೆಗೆ ಮತ್ತಷ್ಟು ತುಪ್ಪ ಸುರಿಯಿತು. ಈ ಹೋಲಿಕೆಗಳು ಮೀಮ್ಸ್ ಮತ್ತು ಟ್ರೋಲ್ಗಳಿಗೆ ಕಾರಣವಾದವು.
ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳಲು ತಡಮಾಡಲಿಲ್ಲ. ಕೆಲವರು ಈ ಹೋಲಿಕೆಯನ್ನು ತಮಾಷೆಯಾಗಿ ತೆಗೆದುಕೊಂಡರೆ, ಇನ್ನು ಕೆಲವರು ಗಿಗಿ ಹದಿದ್ ಅವರ ಪ್ರಸಿದ್ಧ ಲುಕ್ನಿಂದ ಊರ್ವಶಿ ಸ್ಫೂರ್ತಿ ಪಡೆದಿದ್ದಾರೆ ಎಂದು ಆರೋಪಿಸಿದರು.
‘ಈ ಪ್ರಸಿದ್ಧ ಲುಕ್ ಮರುಸೃಷ್ಟಿಸಿದ ಮೊದಲ ಮಹಿಳೆ’ ಎಂದು ಕೆಲವರು ವ್ಯಂಗ್ಯವಾಡಿದರು. ಟ್ರೋಲ್ಗಳ ನಡುವೆಯೂ, ಊರ್ವಶಿ ಮತ್ತೊಮ್ಮೆ ಕೇನ್ಸ್ನಲ್ಲಿ ಅತಿ ಹೆಚ್ಚು ಚರ್ಚೆಗೆ ಗ್ರಾಸವಾದ ಭಾರತೀಯ ಸೆಲೆಬ್ರಿಟಿ ಎನಿಸಿಕೊಂಡರು.
ಈ ಗ್ರಾಮಸ್ಥರು ಈರುಳ್ಳಿ – ಬೆಳುಳ್ಳಿಯನ್ನೂ ಬಳಕೆ ಮಾಡಲ್ವಂತೆ: ಕಾರಣವೇನು?
