newsics.com
ಸಹೋದರನ ಮೃತದೇಹಕ್ಕೆ ರಾಖಿ ಕಟ್ಟಿ ಅಂತ್ಯಸಂಸ್ಕಾರ ನಡೆಸಿದ ಘಟನೆ ಮಧ್ಯ ಪ್ರದೇಶ ಸಾಗರ್ ಜಿಲ್ಲೆಯ ಮುಕ್ತಿಧಾಮದಲ್ಲಿ ನಡೆದಿದೆ.
17 ವರ್ಷಗಳಿಂದ ಈ ಸಹೋದರಿಯರು ತಮ್ಮ ಸಹೋದರನಿಗೆ ರಾಖಿ ಕಟ್ಟುತ್ತಿದ್ದರು. ಅದೇ ರೀತಿ ಈ ವರ್ಷವು ರಾಖಿ ಕಟ್ಟಲು ಬಯಸಿದ್ದರು. ಆದರೆ ಈ ವರ್ಷ ರಕ್ಷಾ ಬಂಧನದ ಒಂದು ದಿನ ಮೊದಲು, ಸಹೋದರಿಯರು ತಮ್ಮ ಸಹೋದರನ ಅಂತ್ಯಸಂಸ್ಕಾರ ಮಾಡುವ ಪರಿಸ್ಥಿತಿ ಬಂದೊದಗಿತು. ಸ್ಮಶಾನದಲ್ಲಿ ಈ ದೃಶ್ಯವನ್ನು ಕಂಡವರು ಕಣ್ಣೀರು ಹಾಕಿದರು.
ರವಿಶಂಕರ್ ವಾರ್ಡ್ನ ಪಪ್ಪು ಭಲ್ಲಾಗೆ ಇಬ್ಬರು ಹೆಣ್ಣುಮಕ್ಕಳು ಮತ್ತು ಒಬ್ಬ ಮಗ. 17 ವರ್ಷದ ಮಗ ರಾಜು ಬಾಲ್ಯದಿಂದಲೂ ಮಾನಸಿಕವಾಗಿ ದುರ್ಬಲನಾಗಿದ್ದ. ದೇಹವು ಬೆಳೆಯುತ್ತಲೇ ಇದ್ದರೂ ಮನಸ್ಸು ಮಗುವಿನಂತೆ ಉಳಿದಿತ್ತು. ರಾಜುವಿನ ತಂಗಿಯರಿಬ್ಬರೂ ಬೆಳಗ್ಗೆಯಿಂದ ಸಂಜೆಯವರೆಗೂ ಎಲ್ಲಾ ಕೆಲಸಗಳನ್ನು ಮಾಡಿ ಆರೈಕೆ ಮಾಡುತ್ತಿದ್ದರು. ಇದರಿಂದ ಅಕ್ಕ-ತಂಗಿಯರ ನಡುವೆ ಪ್ರೀತಿ-ಪ್ರೇಮ ಮೂಡಿತ್ತು.
ಇಡೀ ದೇಶದಲ್ಲಿ ರಕ್ಷಾ ಬಂಧನ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಪಪ್ಪು ಭಲ್ಲಾನ ಕುಟುಂಬದಲ್ಲಿಯೂ ಇದಕ್ಕಾಗಿ ಸಿದ್ಧತೆಗಳು ನಡೆಯುತ್ತಿದ್ದವು. ಸಹೋದರಿಯ ಮಣಿಗಂಟಿಗೆ ರಾಖಿ ಕಟ್ಟಲು ಎರಡು ದಿನಗಳ ಹಿಂದೆ ಸಹೋದರಿಯರು ಶಾಪಿಂಗ್ಗೆ ಬಂದಿದ್ದರು. ಸಿಹಿತಿಂಡಿಗಳನ್ನು ಮನೆಯಲ್ಲಿ ಮಾಡಲಾಗುತ್ತಿತ್ತು. ಆದರೆ ರಕ್ಷಾ ಬಂಧನಕ್ಕೆ ಒಂದು ದಿನ ಮೊದಲು ಈ ಸಹೋದರಿಯರ ಏಕೈಕ ಸಹೋದರ ನಿಧನರಾದರು.
