https://youtube.com/shorts/RcxcteKkGZ8?si=yxDv0iURLfg799X9
ಕೋಲ್ಕತ್ತಾ: ಪಶ್ಚಿಮ ಬಂಗಾಳದ ವಿಧಾನಸಭಾ ಚುನಾವಣಾ ಬೃಹತ್ ರ್ಯಾಲಿಗಳ ನಡುವೆ ಪ್ರಧಾನಿ ನರೇಂದ್ರ ಮೋದಿ ಅವರು ರಸ್ತೆ ಬದಿಯಲ್ಲಿ ಝಲ್ಮುರಿ ಸವಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆತಮ್ಮ ‘ಎಕ್ಸ್’ (ಟ್ವಿಟ್ಟರ್) ಖಾತೆಯಲ್ಲಿ ಫೋಟೋಗಳನ್ನು ಹಂಚಿಕೊಂಡ ಅವರು, ಇಂದು ಬಂಗಾಳದಲ್ಲಿ ನಡೆದ ನಾಲ್ಕು ರ್ಯಾಲಿಗಳ ನಡುವೆ ಜಾರ್ಗ್ರಾಮ್ನಲ್ಲಿ ರುಚಿಕರವಾದ ಝಲ್ಮುರಿ ಸವಿದೆ”ಎಂದು ಬರೆದುಕೊಂಡಿದ್ದಾರೆ.
ಬುಡಕಟ್ಟು ಜನಾಂಗದ ಪ್ರಾಬಲ್ಯವಿರುವ ಜಾರ್ಗ್ರಾಮ್ ಜಿಲ್ಲೆಯಲ್ಲಿ ಚುನಾವಣಾ ಪ್ರಚಾರ ಮುಗಿಸಿ ಹೆಲಿಪ್ಯಾಡ್ನತ್ತ ಸಾಗುತ್ತಿದ್ದಾಗ ಈ ಅಪರೂಪದ ಘಟನೆ ನಡೆದಿದೆ. ಪ್ರಧಾನಿಯವರ ವಾಹನಗಳ ಸಾಲು (ಕಾನ್ವಾಯ್) ‘ಕಾಲೇಜ್ ಮೋರ್’ ಎಂಬಲ್ಲಿ ಸಾಗುತ್ತಿದ್ದಾಗ, ಮೋದಿ ಅವರು ಇದ್ದಕ್ಕಿದ್ದಂತೆ ಗಾಡಿ ನಿಲ್ಲಿಸಲು ಸೂಚಿಸಿದರು.
ಅನಿರೀಕ್ಷಿತವಾಗಿ ವಾಹನದಿಂದ ಕೆಳಗಿಳಿದ ಪ್ರಧಾನಿ, ನೇರವಾಗಿ ರಸ್ತೆ ಬದಿಯಿದ್ದ ಪುಟ್ಟ ಅಂಗಡಿಯೊಂದಕ್ಕೆ ಭೇಟಿ ನೀಡಿದರು. ಅಲ್ಲಿ ಮಾರಾಟಕ್ಕಿದ್ದ ಬಂಗಾಳದ ಪ್ರಸಿದ್ಧ ಬೀದಿಬದಿಯ ತಿಂಡಿ ‘ಝಲ್ಮುರಿ’ ತಯಾರಿಸಿಕೊಡುವಂತೆ ವ್ಯಾಪಾರಿಯ ಬಳಿ ಕೇಳಿಕೊಂಡರು. ಪ್ರಧಾನಿಯವರನ್ನು ಕಂಡ ವ್ಯಾಪಾರಿ ಒಂದು ಕ್ಷಣ ಅಚ್ಚರಿ ಮತ್ತು ಸಂಭ್ರಮಕ್ಕೊಳಗಾದರು.
ಝಲ್ಮುರಿಯ ರುಚಿ ಸವಿದ ಮೋದಿ, ಅದರ ಬೆಲೆ ಎಷ್ಟು ಎಂದು ಕೇಳಿದರು. ವ್ಯಾಪಾರಿ 10 ರೂಪಾಯಿ ಎಂದಾಗ, ಮೋದಿ ಹಣ ನೀಡಲು ಮುಂದಾದರು. ದೇಶದ ಪ್ರಧಾನಿಯೇ ತನ್ನ ಅಂಗಡಿಗೆ ಬಂದ ಸಂಭ್ರಮದಲ್ಲಿದ್ದ ವ್ಯಾಪಾರಿ ಹಣ ಪಡೆಯಲು ನಿರಾಕರಿಸಿದರು. ಆದರೂ ಬಿಡದ ಪ್ರಧಾನಿ ಮೋದಿ, ಇದು ನಿಮ್ಮ ಶ್ರಮದ ಪ್ರತಿಫಲ” ಎಂದು ಹೇಳಿ 10 ರೂಪಾಯಿ ನೀಡಿದ್ದಾರೆ.
https://www.instagram.com/reel/DXUC3YjMw0I/?igsh=MWdkdnI4Zng3NnZycg==
