newsics.com
ಇಂದು ಬಾಲಿವುಡ್ ನ ಕಂಟ್ರೋವರ್ಸಿ ಕ್ವೀನ್ ಜಾಕ್ವೆಲಿನ್ ಫರ್ನಾಂಡಿಸ್ ಹುಟ್ಟುಹಬ್ಬ. ಆಕೆಗೆ 39 ವರ್ಷ ತುಂಬಿದೆ. ಈ ಸುಂದರ ನಟಿಯ ಹೆಸರು ಬಾಲಿವುಡ್ ನ ಸಲ್ಮಾನ್ ಖಾನ್ ನಿಂದ ಹಿಡಿದು ಜೈಲಿನಲ್ಲಿರುವ ಮೆಗಾ ಥಗ್ ವರೆಗೆ ತಳುಕು ಹಾಕಿಕೊಂಡಿದೆ.
ಶ್ರೀಲಂಕಾದ ನಿವಾಸಿ ಜಾಕ್ವೆಲಿನ್ ಫರ್ನಾಂಡಿಸ್ ಬಹ್ರೇನ್ ನಲ್ಲಿ ಓದುತ್ತಿದ್ದರು. ಅವ್ರ ತಂದೆ ಶ್ರೀಲಂಕಾದಲ್ಲಿ ಸಂಗೀತಗಾರರಾಗಿದ್ದರೆ, ಅವರ ತಾಯಿ ಮಲೇಷಿಯನ್ ಮೂಲದವರು. 2006 ರಲ್ಲಿ, ಜಾಕ್ವೆಲಿನ್ ಮಿಸ್ ಶ್ರೀಲಂಕಾ ಯೂನಿವರ್ಸ್ ಆದ್ರು. 2009ರಲ್ಲಿ ಬಾಲಿವುಡ್ ಪ್ರವೇಶಿಸಿದ್ರು. ಜಾಕ್ವೆಲಿನ್ ಫರ್ನಾಂಡಿಸ್ ತಮ್ಮ ಸಿನಿ ಕೆರಿಯರ್ ‘ಅಲ್ಲಾದ್ದೀನ್’ ಚಿತ್ರದ ಮೂಲಕ ಪ್ರಾರಂಭಿಸಿದ್ರು. ಜಾಕ್ವೆಲಿನ್ ಫರ್ನಾಂಡಿಸ್ ಅವರು ಸಲ್ಮಾನ್ ಖಾನ್ ಒಳ್ಳೆಯ ಫ್ರೆಂಡ್ ಎಂದು ಅನೇಕ ಸಂದರ್ಶನಗಳಲ್ಲಿ ಹೇಳಿದ್ದಾರೆ. ಅಷ್ಟೇ ಅಲ್ಲದೆ ನಟಿ ಜಾಕ್ವೆಲಿನ್ ಸುಕೇಶ್ ಚಂದ್ರಶೇಖರ್ ಜೊತೆಗಿನ ಸಂಬಂಧದಿಂದ ಭಾರೀ ಸುದ್ದಿ ಆಗಿದ್ದಾರೆ. ಇನ್ನು ಜೈಲಿನಿಂದಲೇ ಸುಕೇಶ್, ಜಾಕ್ವೆಲಿನ್ ಗೆ ಪತ್ರಗಳನ್ನು ಬರೆಯುತ್ತಲೇ ಇದ್ದಾರೆ. ಈ ಬಗ್ಗೆ ಆಕೆ ಪೊಲೀಸರಿಗೂ ದೂರು ನೀಡಿದ್ದಾಳೆ.
ಇದೆಲ್ಲಕ್ಕೂ ಮುನ್ನ ಜಾಕ್ವೆಲಿನ್ ಬಹ್ರೇನ್ ರಾಜಕುಮಾರ ಹಸನ್ ಬಿನ್ ರಶೀದ್ ಅಲಿ ಖಲೀಫಾ ಅವರೊಂದಿಗೆ ಸಂಬಂಧ ಹೊಂದಿದ್ದರು. 90 ಸಾವಿರ ಕೋಟಿಯ ಒಡೆಯನಿಗೆ ಮನಸೋತಿದ್ದರು. ಅವರ ಸಂಬಂಧವು 10 ವರ್ಷಗಳ ಕಾಲ ಮುಂದುವರೆದಿತ್ತು ಎನ್ನಲಾಗ್ತಿದೆ. ಆದರೆ ಇಬ್ಬರು ಬ್ರೇಕಪ್ ಮಾಡಿಕೊಂಡ್ರು. ಭಾರತದಲ್ಲಿ ಸಲ್ಮಾನ್ ಖಾನ್-ಸುಕೇಶ್ ಚಂದ್ರಶೇಖರ್ ಹೊರತುಪಡಿಸಿ, ಜಾಕ್ವೆಲಿನ್ ಹೆಸರು ಸಾಜಿದ್ ಖಾನ್ ಜೊತೆಯೂ ತಳುಕು ಹಾಕಿಕೊಂಡಿತ್ತು. ಚಿತ್ರದ ಶೂಟಿಂಗ್ ಸಮಯದಲ್ಲಿ ಅವರಿಬ್ಬರ ಆತ್ಮೀಯತೆ ಹೆಚ್ಚಾಯಿತು. ನಂತರ ಬ್ರೇಕಪ್ ಸುದ್ದಿ ಕೂಡ ಬಂದಿತ್ತು. ತನಗಿಂತ 15 ವರ್ಷ ದೊಡ್ಡವನಾಗಿದ್ದ ಸಾಜಿದ್ ಜೊತೆ ಕ್ಲೋಸ್ ಆಗಿದ್ದೆ ಬಹ್ರೇನ್ ರಾಜಕುಮಾರನಿಂದ ಬೇರ್ಪಡಲು ಕಾರಣ ಎಂದು ಹೇಳಲಾಗುತ್ತದೆ.
