https://youtube.com/shorts/ec4MYAZWI7g?si=tGnjhdSH4LQKQKOYhttps://youtube.com/shorts/ec4MYAZWI7g?si=tGnjhdSH4LQKQKOY
newsics.com
ಇರಾನ್ ಮೇಲೆ ಇಸ್ರೇಲ್ ಮತ್ತು ಅಮೆರಿಕ ದಾಳಿ ನಡೆಸಿತು. ಇರಾನ್ ಸುಪ್ರೀಂ ಲೀಡರ್ ಆಯತೊಲ್ಲಾ ಅಲಿ ಖಮೇನಿ ಹತ್ಯೆಗೀಡಾದರು. ಬಳಿಕ ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನ ಪರಿಸ್ಥಿತಿ ಉಂಟಾಗಿದೆ. ಪ್ರತೀಕಾರ ತೀರಿಸಿಕೊಳ್ಳಲು ಮುಂದಾಗಿರುವ ಇರಾನ್, ಗಲ್ಫ್ ರಾಷ್ಟ್ರಗಳ ಮೇಲೆ ಕ್ಷಿಪಣಿಗಳ ಸುರಿಮಳೆಗೈಯ್ಯುತ್ತಿದೆ.
ಚೀನಾದ ಪ್ರೊಫೆಸರ್ Jiang Xueqin ನುಡಿದಿರುವ ಭವಿಷ್ಯವಾಣಿ ವ್ಯಾಪಕವಾಗಿ ಚರ್ಚೆಯಾಗುತ್ತಿದೆ. ಯಾಕಂದ್ರೆ, 2024ರಲ್ಲಿ Jiang Xueqin ಮಾಡಿದ್ದ 3 ಪ್ರೆಡಿಕ್ಷನ್ ಪೈಕಿ 2 ನಿಜವಾಗಿವೆ. ಕೊನೆಯ ಪ್ರೆಡಿಕ್ಷನ್ ನಿಜವಾಗುತ್ತಾ ಎಂಬ ಕುತೂಹಲ ಹಲವರಿಗೆ ಕಾಡುತ್ತಿದೆ.
ಎರಡು ವರ್ಷಗಳ ಹಿಂದೆ ನುಡಿದಿದ್ದ ಭವಿಷ್ಯ!
2024ರಲ್ಲಿ ಆನ್ಲೈನ್ ಲೆಕ್ಚರ್ ಕೊಡುವ ವೇಳೆ, ಮೂರು ಮಹತ್ವದ ಭವಿಷ್ಯವಾಣಿಯನ್ನ ಚೀನಾದ ಪ್ರೊಫೆಸರ್ ಜಿಯಾಂಗ್ ನುಡಿದಿದ್ದರು. ಆ ಮೂರು ಪ್ರೆಡಿಕ್ಷನ್ ಯಾವುವು ಅಂದ್ರೆ –
- ಡೊನಾಲ್ಡ್ ಟ್ರಂಪ್ ಮತ್ತೆ ಅಧಿಕಾರಕ್ಕೆ ಬರುತ್ತಾರೆ.
- ಇರಾನ್ ವಿರುದ್ಧ ಟ್ರಂಪ್ ಯುದ್ಧ ಸಾರುತ್ತಾರೆ.
- ಇರಾನ್ ವಿರುದ್ಧದ ಯುದ್ಧದಲ್ಲಿ ಅಮೆರಿಕ ಸೋಲುತ್ತದೆ.
ಚೀನಾದ ನಾಸ್ಟ್ರಾಡಾಮಸ್!
2024ರಲ್ಲಿ ಚೀನಾದ ಪ್ರೊಫೆಸರ್ ಜಿಯಾಂಗ್ ನುಡಿದಿದ್ದ ಮೂರು ಭವಿಷ್ಯವಾಣಿ ಪೈಕಿ ಎರಡಂತೂ ನಿಜವಾಗಿವೆ. ಮೂರನೇಯದ್ದು ನಿಜವಾಗುತ್ತಾ, ಇಲ್ವಾ ಎಂಬ ಚರ್ಚೆ ನಡೆಯುತ್ತಿದೆ. ಈ ನಡುವೆ ಎರಡು ಭವಿಷ್ಯವಾಣಿ ನಿಜವಾಗಿರೋದ್ರಿಂದ ಪ್ರೊಫೆಸರ್ Jiang Xueqin ಅವರನ್ನ ನೆಟ್ಟಿಗರು ‘ಚೀನಾದ ನಾಸ್ಟ್ರಾಡಾಮಸ್’ ಎಂದೇ ಕರೆಯುತ್ತಿದ್ದಾರೆ. ಸೋಷಿಯಲ್ ಮೀಡಿಯಾ ತುಂಬೆಲ್ಲಾ ಜಿಯಾಂಗ್ ‘ಚೀನಾದ ನಾಸ್ಟ್ರಾಡಾಮಸ್’ ಎಂದೇ ಪ್ರಖ್ಯಾತಿ ಪಡೆಯುತ್ತಿದ್ದಾರೆ.
ಯಾರೀ Jiang Xueqin?
Jiang Xueqin ಚೈನೀಸ್ – ಕೆನೇಡಿಯನ್ ಎಜುಕೇಟರ್. ಚೀನಾ ಮೂಲದ ಶಿಕ್ಷಣತಜ್ಞ ಆಗಿರುವ ಇವರು ಬೀಜಿಂಗ್ನಲ್ಲಿ ಇತಿಹಾಸ ಹಾಗೂ ಫಿಲಾಸಫಿ ಅಧ್ಯಾಪಕರಾಗಿದ್ದಾರೆ. ಅಮೆರಿಕದ ಯೇಲ್ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿರುವ ಇವರು ತಮ್ಮ ವೃತ್ತಿಜೀವನದ ಬಹುಭಾಗವನ್ನು ಚೀನಾದ ಶಿಕ್ಷಣ ಸುಧಾರಣೆ ಮತ್ತು ಪಠ್ಯಕ್ರಮ ರೂಪಿಸುವ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.
ಯೂಟ್ಯೂಬ್ ಚಾನೆಲ್
ಶಿಕ್ಷಣ ತಜ್ಞ ಜಿಯಾಂಗ್ ‘ಪ್ರೆಡಿಕ್ಟಿವ್ ಹಿಸ್ಟರಿ’ ಎಂಬ ಯೂಟ್ಯೂಬ್ ಚಾನೆಲ್ ಹೊಂದಿದ್ದಾರೆ. ಇದರ ಮೂಲಕ ಆನ್ಲೈನ್ ಉಪನ್ಯಾಸಗಳನ್ನ ನೀಡುತ್ತಾ ಬಂದಿದ್ದಾರೆ. ಹೇಳಿ ಕೇಳಿ ಇವರು ಇತಿಹಾಸ ಅಧ್ಯಾಪಕರು. ಪ್ರಸಕ್ತ ಜಾಗತಿಕ ರಾಜಕೀಯ ಬೆಳವಣಿಗೆಗಳನ್ನು ಇತಿಹಾಸದ ಆಧಾರದ ಮೇಲೆ ವಿಶ್ಲೇಷಿಸಿ, ಭವಿಷ್ಯವನ್ನ ಅಂದಾಜಿಸುತ್ತಿದ್ದಾರೆ. ಆ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.
Fake journalist Arrested ಲೋನ್ ಕೊಡಿಸೋದಾಗಿ ನಂಬಿಸಿ ಅತ್ಯಾ*ಚಾರ: ನಕಲಿ ಪತ್ರಕರ್ತನ ಬಂಧನ
ಸತತ ನಾಲ್ಕನೇ ದಿನವೂ ಚಿನ್ನದ ಬೆಲೆಯಲ್ಲಿ ಮತ್ತೆ ಮಹಾ ಕುಸಿತ; ಇಂದಿನ ಗೋಲ್ಡ್ ರೇಟ್ ಎಷ್ಟು?
