newsics.com
ಲಕ್ನೋ(ಉತ್ತರ ಪ್ರದೇಶ): ಟೀಚರ್ ಹುದ್ದೆಗಾಗಿ ಸಂದರ್ಶನಕ್ಕೆ ತೆರಳಿದ್ದ ಶಿಕ್ಷಕಿಗೆ ಸಂದರ್ಶನದಲ್ಲೇ ಪ್ರಿನ್ಸಿಪಾಲ್ ಕಿಸ್ ಕೇಳಿದ ಘಟನೆ ನಡೆದಿದ್ದು, ಈ ಘಟನೆಯ ವಿಡಿಯೋ ವೈರಲ್ ಆಗಿದೆ.
ಪ್ರಿನ್ಸಿಪಾಲ್ ಅಸಭ್ಯ ನಡೆಯ ಈ ವಿಡಿಯೋ ಬೆನ್ನಲ್ಲೇ ಇದೀಗ ಪ್ರಿನ್ಸಿಪಾಲ್ ವಿರುದ್ಧ ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ಉತ್ತರ ಪ್ರದೇಶದ ಉನ್ನಾವೋದಲ್ಲಿನ
ಪೂರನ್ ನಗರದಲ್ಲಿರುವ ಖಾಸಗಿ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಹುದ್ದೆ ಖಾಲಿ ಇದೆ ಎನ್ನುವ ಮಾಹಿತಿ ಪಡೆದ ಮಹಿಳಾ ಟೀಚರ್ ಸಂದರ್ಶನಕ್ಕಾಗಿ ತೆರಳಿದ್ದಾರೆ. ಶಾಲೆಯ ಪ್ರಿನ್ಸಿಪಾಲ್ ವಿಕಾಸ್ ಜೈಸ್ವಾಲ್ ಕೊಠಡಿಗೆ ತೆರಳಿದ ಶಿಕ್ಷಕಿ ತಮ್ಮ ಅನುಭವ, ಕಲಿಕಾ ವಿಧಾನ ಸೇರದಂತೆ ಇತರ ಮಾಹಿತಿಗಳ ರೆಸ್ಯೂಮ್ ನೀಡಿದ್ದಾರೆ. ರೆಸ್ಯೂಮ್ ಪಡೆದ ಪ್ರಿನ್ಸಿಪಲ್ ಎಲ್ಲವನ್ನೂ ಬದಿಗಿಟ್ಟು ಉಭಯ ಕುಶಲೋಪರಿ ಮಾತನಾಡಲು ಆರಂಭಿಸಿದ್ದಾರೆ.
ನಿಮ್ಮ ಕೆಲಸ ಪಕ್ಕಾ. ನಿಮಗೆ ಈ ಹುದ್ದೆ ಕೊಡುತ್ತೇವೆ. ಆದರೆ ನಿಮ್ಮ ಸಹಕಾರ ಬೇಕು. ನೀವು ಸ್ವಲ್ಪ ಸಹಕರಿಸಿದರೆ ಎಲ್ಲವೂ ಒಕೆ ಎಂದಿದ್ದಾರೆ. ಪ್ರಿನ್ಸಿಪಾಲ್ ಮಾತು ಅರ್ಥವಾಗದೇ ಶಿಕ್ಷಕಿ ತಬ್ಬಿಬ್ಬಾಗಿದ್ದಾರೆ. ಈ ವೇಳೆ ಕೆನ್ನೆ ತೋರಿಸಿ ಇಲ್ಲಿಗೆ ಸಿಹಿ ಮುತ್ತು ಕೊಟ್ಟರೆ ಕೆಲಸ ಪಕ್ಕಾ ಎಂದಿದ್ದಾರೆ. ತಕ್ಷಣ ಪ್ರತಿಕ್ರಿಯಿಸಿದ ಮಹಿಳಾ ಟೀಚರ್, ಇದು ಸಾಧ್ಯವಿಲ್ಲ, ಈ ರೀತಿ ನಾನು ನಡೆದುಕೊಳ್ಳುವುದಿಲ್ಲ ಎಂದಿದ್ದಾರೆ.
ಪ್ರಿನ್ಸಿಪಾಲ್ ವಿರುದ್ಧ ಇದೇ ರೀತಿಯ ಹಲವು ಆರೋಪಗಳು ಬಂದಿರುವ ಕಾರಣ ಸಂದರ್ಶನದ ವೇಳೆ ಕ್ಯಾಮೆರಾ ಇಡಲಾಗಿತ್ತು. ಹೀಗಾಗಿ ಪ್ರಿನ್ಸಿಪಾಲ್ ಅಸಭ್ಯ ನಡೆ ಬಹಿರಂಗವಾಗಿದೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದೆ. ಇದರ ಬೆನ್ನಲ್ಲೇ ಪ್ರಿನ್ಸಿಪಾಲ್ ವಿರುದ್ಧ ಪ್ರತಿಭಟನೆಗಳು ಆರಂಭಗೊಂಡಿವೆ. ಪ್ರಿನ್ಸಿಪಾಲ್ ವಜಾಗೊಳಿಸಬೇಕೆಂಬ ಆಗ್ರಹ ಹೆಚ್ಚಾಗುತ್ತಿದೆ.
https://twitter.com/i/status/1820843073422729509
ಈ ವರ್ಷ ಸುನಿತಾ ವಿಲಿಯಮ್ಸ್ ಆಗಮನ ಅಸಾಧ್ಯ: ಹೊಸ ದಿನಾಂಕ ಘೋಷಿಸಿದ ನಾಸಾ
1.24 ಲಕ್ಷ ಟೆಕ್ ನೌಕರರು ಮನೆಗೆ: ಐಟಿ ಕ್ಷೇತ್ರದಲ್ಲಿ ಮುಂದುವರಿದ ತಲ್ಲಣ
ಧರ್ಮಸ್ಥಳದಲ್ಲಿ ಪಂಕ್ತಿಯಲ್ಲಿ ಕುಳಿತು ಪ್ರಸಾದ ಸೇವಿಸಿದ ಯಶ್ ದಂಪತಿ; ಫೋಟೋ ವೈರಲ್!
