Subscribe ನ್ಯೂಸಿಕ್ಸ್ ಕನ್ನಡ
newsics.com
ಇಷ್ಟು ದಿನ ಗಗನಮುಖಿಯಾಗಿದ್ದ ಚಿನ್ನ ಹಾಗೂ ಬೆಳ್ಳಿ ಲೋಹಗಳ ದರವು ಇದೀಗ ಸತತ 2ನೇ ದಿನ ಕುಸಿತ ಕಂಡಿದ್ದು, ಹೂಡಿಕೆದಾರರಿಗೆ ನಷ್ಟ ಉಂಟಾಗಿದೆ.
ಇಂದು ಒಂದು ಕೆಜಿ ಬೆಳ್ಳಿ ದರದಲ್ಲಿ 27 ಸಾವಿರ ರೂಪಾಯಿ ಕಡಿಮೆಯಾಗಿದೆ. 24 ಕ್ಯಾರೆಟ್ ನ 10 ಗ್ರಾಂ ಚಿನ್ನದ ದರ 9000 ರೂ. ಇಳಿಕೆಯಾಗಿದೆ. MCX ನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 13,468 ರೂ., ಬೆಳ್ಳಿ ಬೆಲೆ 2,65,652 ರೂ.ಇಳಿಕೆಯಾಗಿದೆ.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ, COMEX ಚಿನ್ನದ ಬೆಲೆ ಶೇ. 8.35 ರಷ್ಟು ಇಳಿಕೆಯಾಗಿದ್ದು, ಟ್ರಾಯ್ ಔನ್ಸ್ಗೆ ಸರಿಸುಮಾರು USD 4907.5 ಕ್ಕೆ ತಲುಪಿದೆ. ಬೆಳಿಗ್ಗೆ 9:45 ಕ್ಕೆ ಸ್ಪಾಟ್ ಚಿನ್ನದ ಬೆಲೆ ಔನ್ಸ್ಗೆ USD 4,893.2 ಆಗಿದ್ದು, USD 434.45 ಅಥವಾ ಶೇಕಡಾ 8.15 ರಷ್ಟು ಇಳಿಕೆಯಾಗಿದೆ.
ಕಳೆದ 2 ತಿಂಗಳಿನಿಂದಲೂ ಬೆಳ್ಳಿ ದರ ಅತಿ ವೇಗವಾಗಿ ಏರಿಕೆ ಕಂಡಿದ್ದು, ಜ.19ರಂದು ಸುಮಾರು 3 ಲಕ್ಷ ರೂ. ಇದ್ದ ಬೆಳ್ಳಿ ದರವು, ಕೇವಲ 10 ದಿನಗಳಲ್ಲಿ, ಜ.29ರ ವೇಳೆಗೆ 4 ಲಕ್ಷ ರೂ. ಗಡಿ ದಾಟಿತ್ತು. ಇದೀಗ ಒಂದೆರಡು ದಿನಗಳ ಅಂತರದಲ್ಲೇ ಮತ್ತೆ 1 ಲಕ್ಷ ರೂ.ನಷ್ಟು ಕುಸಿತ ಕಂಡಿದೆ.
