Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಬೆಲ್ಲದ ಚಹಾವನ್ನು ಸರಿಯಾದ ವಿಧಾನದಲ್ಲಿ ಮಾಡಲು ಹೆಚ್ಚಿನವರಿಗೆ ತಿಳಿದಿಲ್ಲ,. ಸಾಮಾನ್ಯವಾಗಿ ಚಹಾ ರೆಡಿ ಮಾಡುವ ಸಂದರ್ಭದಲ್ಲಿ ಸಕ್ಕರೆಯ ಬದಲು ಬೆಲ್ಲ ಹಾಕುವುದರಿಂದ, ಟೀ ತುಂಬಾನೇ ದಪ್ಪಗೆ ಆಗುತ್ತದೆ ಎನ್ನಲಾಗುತ್ತದೆ. ಆದ್ರೆ, ಹೀಗಾಗಿ ಚಿಂತಿಸಬೇಡಿ, ಕೆಲವೊಂದು ಸರಳ ವಿಧಾನವನ್ನು ಅನುಸರಿಸಿಕೊಂಡು ಹೋದರೆ ರುಚಿಕರವಾದ ಬೆಲ್ಲದ ಚಹಾವನ್ನು ದಿನಾ ಮನೆಯಲ್ಲಿಯೇ ಮಾಡಿ ಆನಂದಿಸಬಹುದು.ಬೆಲ್ಲದ ಚಹಾ ಮಾಡುವುದು ಅಷ್ಟೇನು ಕಷ್ಟಕರವಾಗಿ ಇಲ್ಲ. ಮೊದಲು ಒಂದು ಕಪ್ ನೀರನ್ನು ಗ್ಯಾಸ್ ಒಲೆಯ ಮೇಲೆ ಕುದಿಯಲು ಇಡಿ. ನೀರು ಉಗುರು ಬೆಚ್ಚಗಾದ ನಂತರ, ಸಣ್ಣಗೆ ಜಜ್ಜಿದ ಶುಂಠಿ, ನಾಲ್ಕು ಜಜ್ಜಿದ ಏಲಕ್ಕಿ ಅಥವಾ ನಿಮ್ಮ ಆಯ್ಕೆಯ ಯಾವುದೇ ಮಸಾಲೆ ಪದಾರ್ಥಗಳನ್ನು ಸೇರಿಸಿ
ಆ ಬಳಿಕ ಎರಡು 2 ಟೇಬಲ್ ಸ್ಪೂನ್ ನಷ್ಟು ಚಹಾಪುಡಿ ಹಾಕಿ ಕುದಿಯಲು ಬಿಡಿ. ಚಹಾ ಪುಡಿ ಸೇರಿಸಿದ ನಂತರ ಚೆನ್ನಾಗಿ ಕುದಿಸಿ. ಚಹಾ ಪುಡಿ ನೀರಿನಲ್ಲಿ ಸಂಪೂರ್ಣ ವಾಗಿ ಕರಗುವವರೆಗೆ ಮುಂದಿನ ಪದಾರ್ಥವನ್ನು ಸೇರಿಸಬೇಡಿ.
ನಿಮಗೆ ಗೊತ್ತಿರಲಿ ಬೆಲ್ಲ ಸೇರಿಸುವ ಮೊದಲು ಯಾವಾಗಲೂ ಹಾಲು ಸೇರಿಸಬೇಕು. ಚಹಾ ಪುಡಿ ಮತ್ತು ಮಸಾಲೆ ಪದಾರ್ಥಗಳು ನೀರಿನಲ್ಲಿ ಚೆನ್ನಾಗಿ ಕುದಿದ ಬಳಿಕ, ಹಾಲು ಸೇರಿಸಿದ ನಂತರ, ಗ್ಯಾಸ್ ಒಲೆಯ ಉರಿಯನ್ನು ಕಡಿಮೆ ಮಾಡಿ, ಎರಡು ನಿಮಿಷ ಹಾಗೆಯೇ ಕುದಿಯಲು ಬಿಡಿಕುದಿಯುತ್ತಿರುವ ಚಹಾಕ್ಕೆ ಬೆಲ್ಲವನ್ನು ಎಂದಿಗೂ ಸೇರಿಸಬಾರದು. ನಿಮ್ಮ ಹಾಲಿನ ಚಹಾ ಸಂಪೂರ್ಣವಾಗಿ ಕುದಿದ ನಂತರ, ಕೊನೆಯಲ್ಲಿ ಬೆಲ್ಲ ಅಥವಾ ಬೆಲ್ಲದ ಪುಡಿಯನ್ನು ಸೇರಿಸಿ. ಚಹಾಕ್ಕೆ ಬೆಲ್ಲ ಸೇರಿಸಿದ ತಕ್ಷಣ, ಗ್ಯಾಸ್ ಆಫ್ ಮಾಡಿ.
ಗ್ಯಾಸ್ ಆಫ್ ಮಾಡಿದ ನಂತರ, ಚಹಾವನ್ನು ಮುಚ್ಚಿ 10-20 ಸೆಕೆಂಡುಗಳ ಕಾಲ ಬಿಡಿ, ಇದು ಬೆಲ್ಲವನ್ನು ಸಂಪೂರ್ಣವಾಗಿ ಕರಗಿಸುತ್ತದೆ ಮತ್ತು ಚಹಾವು ಏಕರೂಪವಾಗಿ ಸಿಹಿಯಾಗುತ್ತದೆ. ಈಗ ನಿಮ್ಮ ಚಹಾ ಸಂಪೂರ್ಣವಾಗಿ ಸಿದ್ಧವಾಗಿದೆ.
ಗಗನಕ್ಕೆ ಜಿಗಿಯುತ್ತಿರುವ ಬೆಳ್ಳಿ ದರ; Silver ಬೆಲೆ ಹೆಚ್ಚಲು ಕಾರಣಗಳೇನು?
