newsics.com
ಚಾಮರಾಜನಗರ: ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ವಿಭಿನ್ನ ರೀತಿಯ ಕಣ್ಣುಗಳುಳ್ಳ ವಿಶೇಷ ಚಿರತೆಯೊಂದು ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ವನ್ಯಜೀವಿ ಛಾಯಾಗ್ರಾಹಕ ಧ್ರುವ್ ಪಾಟೀಲ್ ಈ ಚಿತ್ರ ಸೆರೆ ಹಿಡಿದು ತಮ್ಮ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.
ಈ ರೀತಿಯ ಚಿರತೆ ಭಾರತದಲ್ಲಿ ಇದೇ ಮೊದಲ ಬಾರಿಗೆ ಪತ್ತೆಯಾಗಿದೆ ಎಂದು ಅವರು ಬರೆದುಕೊಂಡಿದ್ದಾರೆ.
ಮರದ ಮೇಲೆ ಹೆಣ್ಣು ಚಿರತೆಯೊಂದು ವಿರಮಿಸಿದ್ದು, ಅದರ ಎರಡೂ ಕಣ್ಣುಗಳೂ ಬೇರೆ ಬಣ್ಣ ಹೊಂದಿರುವುದನ್ನು ನೋಡಬಹುದು. ಎಡಗಣ್ಣು ನೀಲಿ ಹಸಿರಿನಲ್ಲಿದ್ದರೆ, ಬಲಗಣ್ಣು ಕಂದು ಬಣ್ಣದಲ್ಲಿದೆ. ಇದಕ್ಕೆ ‘ಹೆಟ್ರೋಕ್ರೊಮಿಯಾ’ ಎಂಬ ಅಂಶ ಕಾರಣವಾಗಿದ್ದು ಭಾರತದಲ್ಲಿ ಈ ರೀತಿಯ ವಿಭಿನ್ನ ಕಣ್ಣುಗಳನ್ನು ಹೊಂದಿರುವ ಚಿರತೆ ಈವರೆಗೆ ಕಾಣಿಸಿರಲಿಲ್ಲ ಎಂದು ಹೇಳಲಾಗಿದೆ.
ಭಾರತದಲ್ಲಿ ಈ ರೀತಿಯ ಚಿರತೆ ಪತ್ತೆಯಾಗಿರುವುದು ಇದೇ ಮೊದಲು. ಕಳೆದ ವಾರ ಬಂಡೀಪುರಕ್ಕೆ ತೆರಳಿದ್ದಾಗ ಸಫಾರಿ ರಸ್ತೆಯಲ್ಲಿ ಈ ಚಿರತೆಯ ಫೋಟೋ ಸೆರೆ ಹಿಡಿದಿದ್ದೆ. ಅದಾದ ಬಳಿಕ ಕಳೆದ ಎರಡು ದಿನಗಳ ಹಿಂದೆ ಮನೆಯಲ್ಲಿ ಕುಳಿತು ಫೋಟೋ ಗಮನಿಸಿದಾಗ ಎರಡೂ ಕಣ್ಣುಗಳು ಕೂಡ ವಿಭಿನ್ನವಾಗಿರುವುದು ಕಂಡುಬಂತು. ಬೆಕ್ಕುಗಳಲ್ಲಿ ಈ ರೀತಿಯ ಮ್ಯೂಟೆಷನ್ ಕಂಡುಬರುತ್ತದೆ. ಆದರೆ ಚಿರತೆಯಲ್ಲಿ ಇದೇ ಮೊದಲು ಎಂದು ಚಿರತೆಯ ಚಿತ್ರ ಸೆರೆ ಹಿಡಿದಿರುವ ಧ್ರುವ ಪಾಟೀಲ್ ಹೇಳಿದ್ದಾರೆ.
https://www.instagram.com/p/C-KcaOZJxWd/?igsh=eGdyMjU4ODc1em0w
ಕತ್ತಿಯಿಂದ ಪತ್ನಿಯ ಕುತ್ತಿಗೆ ಕಡಿದು ಡ್ಯಾನ್ಸ್ ಮಾಡಿದ ಪಾನಮತ್ತ ಪತಿ! ಚಿಂತಾಜನಕ ಸ್ಥಿತಿಯಲ್ಲಿ ಅನಿತಾ
ವಾರ ಭವಿಷ್ಯ 04-08-2024 ರಿಂದ 10-08-2024 … ಸಂಪತ್ತಿನ ಬಗ್ಗೆ ಎಲ್ಲರಿಗೂ ಜಾಗರೂಕತೆ ಅವಶ್ಯ, ಈ ವಾರ ಯಾರಿಗೇನು ಫಲ?
