Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಬೆಂಗಳೂರು: ಶಾಲಾ ಶಿಕ್ಷಣ ಇಲಾಖೆ ನಡೆಸಿದ ಶಿಕ್ಷಕರ ಅರ್ಹತಾ ಪರೀಕ್ಷೆ-2025ರ (ಟಿಇಟಿ) ಫಲಿತಾಂಶ ಮಂಗಳವಾರ ರಾತ್ರಿ ಪ್ರಕಟವಾಗಿದ್ದು ದಾಖಲೆಯ ಫಲಿತಾಂಶ ಹೊರಬಿದ್ದಿದೆ.
ಪತ್ರಿಕೆ – 1 ಮತ್ತು ಪತ್ರಿಕೆ – 2 ಸೇರಿ ಒಟ್ಟು 3,16,558 ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು ಈ ಪೈಕಿ 97,383 ಮಂದಿ ಅರ್ಹತೆ ಪಡೆದಿದ್ದಾರೆ. 2023ರಲ್ಲಿ 64,830 ಅಭ್ಯರ್ಥಿಗಳು ಅರ್ಹತೆ ಪಡೆದಿದ್ದು ಇಲ್ಲಿಯವರೆಗಿನ ದಾಖಲೆಯಾಗಿತ್ತು.
ಒಟ್ಟು 150 ಅಂಕಗಳಿಗೆ ನಡೆದ ಪರೀಕ್ಷೆಯಲ್ಲಿ 90 (ಶೇ.60) ಅಂಕಗಳನ್ನು ಪಡೆದವರು ಅರ್ಹತೆ ಪಡೆದಿದ್ದಾರೆ.
ಪತ್ರಿಕೆ-1 ರಲ್ಲಿ 29,377 ಮಂದಿ ಅರ್ಹ:
1 ರಿಂದ 5 ನೇ ತರಗತಿ ಬೋಧನೆಗೆ ಅರ್ಹತೆ ಪಡೆಯಲು ನಡೆಸಿದ್ದ ಪತ್ರಿಕೆ -1 ರ ಪರೀಕ್ಷೆಗೆ 85,942 ಮಂದಿ ನೋಂದಾಣಿ ಮಾಡಿಕೊಂಡಿದ್ದರು. ಇದರಲ್ಲಿ 79,395 ಮಂದಿ ಪರೀಕ್ಷೆಗೆ ಹಾಜರಾಗಿದ್ದು ಈ ಪೈಕಿ 29,377 ಮಂದಿ (ಶೇ.37) ಅರ್ಹತೆ ಪಡೆದಿದ್ದಾರೆ.
6 ರಿಂದ 8ನೇ ತರಗತಿ ಬೋಧನೆಗೆ ಅರ್ಹತೆ ಪಡೆಯಲು ಪತ್ರಿಕೆ-2 ಕ್ಕೆ ನೋಂದಣಿ ಮಾಡಿಕೊಂಡಿದ್ದ 2,50,189 ಮಂದಿಯಲ್ಲಿ 2,37,163 ಮಂದಿ ಪರೀಕ್ಷೆಗೆ ಹಾಜರಾಗಿದ್ದರು. ಇದರಲ್ಲಿ 68,006 ಮಂದಿ (ಶೇ.28.67) ಅರ್ಹತೆ ಪಡೆದಿದ್ದಾರೆ.
ಕೃಷಿ ಅಧಿಕಾರಿ ಮನೆ ಮೇಲೆ ಲೋಕಾ ದಾಳಿ: 2.50 ಕೋಟಿ ಅಕ್ರಮ ಆಸ್ತಿ ಪತ್ತೆ
