Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಈ ವರ್ಷ PSL ನಲ್ಲಿ ಪ್ರಾಂಚೈಸಿಯೊಂದು ತಮ್ಮ ಆಟಗಾರರಿಗೆ ಹೇರ್ ಡ್ರೈಯರ್ ನೀಡಿ ಸಖತ್ ಟ್ರೋಲ್ ಆಗಿತ್ತು. ಅಲ್ಲದೇ PSL ಗೆದ್ದ ತಂಡದ ಸದಸ್ಯರಿಗೆ ಐಫೋನ್ ಉಡುಗೊರೆ ನೀಡಿ ಸಹ ಪಾಕ್ ಕ್ರಿಕೆಟ್ ಸಖತ್ ಟ್ರೋಲ್ ಆಗಿತ್ತು. ಆದರೆ ಈ ಬಾರಿ ಮಾತ್ರ ಪಾಕ್ ಪಂದ್ಯ ಶ್ರೇಷ್ಠ ಪ್ರಶ್ತಿ ನೀಡಿದ್ದು ನೋಡಿ ವಿಶ್ವ ಕ್ರಿಕೆಟ್ ಬಿದ್ದು ಬಿದ್ದು ನಗುತ್ತಿದೆ. ಪಾಕ್ ಕ್ರಿಕೆಟ್ಗೆ ಸಂಬಂಧಿಸಿದ್ದು ಎನ್ನಲಾದ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಹೌದು, ಸಾಮಾನ್ಯವಾಗಿ ಕ್ರಿಕೆಟ್ನಲ್ಲಿ ಪಂದ್ಯ ಶ್ರೇಷ್ಠ ಆಟಗಾರನಿಗೆ ಟ್ರೋಫಿ ಮತ್ತು ಲಕ್ಷಾಂತರ ರೂಪಾಯಿಗಳ ಬಹುಮಾನ ಸಿಗುತ್ತದೆ. ಆದರೆ ಪಂದ್ಯದ ಪುರುಷ ಪ್ರಶಸ್ತಿ ನೀಡುವ ವೇಳೆ ಪಾಕಿಸ್ತಾನಿ ಆಟಗಾರನಿಗೆ ಒಂದು ಮೇಕೆ ಮತ್ತು ಎರಡು ಲೀಟರ್ ಅಡುಗೆ ಎಣ್ಣೆಯ ಬಾಟಲಿಗಳನ್ನು ನೀಡಿರುವ ವಿಡಿಯೋ ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ವೈರಲ್ ವಿಡಿಯೋ ಫ್ಯಾಕ್ಸ್ ಚೆಕ್:
ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ವೀಡಿಯೊವೊಂದರಲ್ಲಿ, ಪಾಕಿಸ್ತಾನಿ ಜೆರ್ಸಿ ಧರಿಸಿದ ಕ್ರಿಕೆಟಿಗನೊಬ್ಬ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ಸ್ವೀಕರಿಸುತ್ತಿರುತ್ತಾನೆ. ಅವನಿಗೆ ಬಹುಮಾನವಾಗಿ ಒಂದು ಮೇಕೆಯನ್ನು ನೀಡಲಾಯಿತು. ಜೊತೆಗೆ ಆಟಗಾರನಿಗೆ ಎರಡು ಬಾಟಲಿ ಎಣ್ಣೆಯನ್ನು ಸಹ ನೀಡಲಾಯಿತು. ಪಾಕಿಸ್ತಾನದಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ಗೆದ್ದಿದ್ದಕ್ಕೂ ಇದೇ ರೀತಿಯ ಪ್ರಶಸ್ತಿಯನ್ನು ನೀಡಲಾಗುತ್ತದೆ ಎಂಬ ಪೋಸ್ಟ್ ವೈರಲ್ ಆಗುತ್ತಿದೆ. ABP Live ವರದಿ ಪ್ರಕಾರ, ವೀಡಿಯೊ ನಕಲಿ ಮತ್ತು AI ಬಳಸಿ ರಚಿಸಲಾಗಿದೆ ಎಂದು ತಿಳಿಸಿದೆ.
ಹೇರ್ ಡ್ರೈಯರ್ – ಟ್ರಿಮ್ಮರ್ ಗಿಫ್ಟ್:
ಇದು AI ಬಳಸಿ ರಚಿಸಲಾದ ವಿಡಿಯೋ ಆಗಿದೆ. ಆದರೆ ಇದು ಮುಂದಿನ ದಿನಗಳಲ್ಲಿ ನಿಜವಾದರೂ ಅಚ್ಚರಿಯಿಲ್ಲ. ಏಕೆಂದರೆ ಇದಕ್ಕೂ ಮುನ್ನ ಪಾಕಿಸ್ತಾನ ಸೂಪರ್ ಲೀಗ್ನ ಆಟಗಾರರು ಈಗಾಗಲೇ ವಿಚಿತ್ರ ಉಡುಗೊರೆಗಳನ್ನು ಪಡೆದಿದ್ದಾರೆ. ಕರಾಚಿ ಕಿಂಗ್ಸ್ ಪರ ಆಡುತ್ತಿರುವ ಜೇಮ್ಸ್ ವಿಂಗ್ ಮುಲ್ತಾನ್ ಸುಲ್ತಾನ್ಸ್ ವಿರುದ್ಧ ಶತಕ ಗಳಿಸಿದ ನಂತರ ಹೇರ್ ಡ್ರೈಯರ್ ಅನ್ನು ಉಡುಗೊರೆಯಾಗಿ ಪಡೆದಿದ್ದರು. ಇದು ಮಾತ್ರವಲ್ಲದೇ ಪಾಕಿಸ್ತಾನದ ಆಲ್ರೌಂಡರ್ ಹಸನ್ ಅಲಿ ಕರಾಚಿ ಕಿಂಗ್ಸ್ ಪರ ಅದ್ಭುತ ಪ್ರದರ್ಶನ ನೀಡಿದ ನಂತರ, ಅವರಿಗೆ ಟ್ರಿಮ್ಮರ್ ಅನ್ನು ಉಡುಗೊರೆಯಾಗಿ ನೀಡಲಾಗಿತ್ತು. ಇದು ವಿಶ್ವಾದ್ಯಂತ ಪಾಕಿಸ್ತಾನ ಕ್ರಿಕೆಟ್ ಅನ್ನು ವ್ಯಾಪಕವಾಗಿ ನಗೆಪಾಟಲಿಗೆ ಒಳಗಾಗಿತ್ತು. ಇಂತಹ ಲೀಗ್ ಒಂದು ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐಗೆ ಸಹ ಹಾಗೂ ಐಪಿಎಲ್ ಎದುರು PSL ಸಮ ಎಂದು ಹೇಳುತ್ತಾ ಬಂದಿರುವುದು ವಿಪರ್ಯಾಸವೇ ಸರಿ.
https://kannada.timesnownews.com/sports/pakistan-cricketer-awarded-goat-and-two-bottles-oil-for-winning-player-of-the-match-fact-check-article-153326446
