Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ವಿಶ್ವದ ಅತಿ ಉದ್ದನೆಯ ಕಾರು ಯಾವುದು, ಎಷ್ಟು ಅಡಿ ಉದ್ದ ಇದೆ. ಎನ್ನೋದು ನಿಮಗೆ ಗೊತ್ತಾ?
ಅಮೆರಿಕನ್ ಡ್ರೀಮ್, ಬರೋಬ್ಬರಿ 100 ಅಡಿ ಉದ್ದವಿರುವ ಕಾರಿನಲ್ಲಿ ಸುಮಾರು 26 ಚಕ್ರಗಳಿವೆ. ವಿಶ್ವದ ಅತಿ ಉದ್ದದ ಕಾರು ಐಷಾರಾಮಿ ರೀತಿಯಲ್ಲಿ ಅಲಂಕರಿಸಲ್ಪಟ್ಟಿದೆ.
ಈ ಬೃಹತ್ ಕಾರಿನಲ್ಲಿ ಈಜುಕೊಳ, ಜಕುಝಿ, ಹೆಲಿಪ್ಯಾಡ್ ಮತ್ತು ಮಿನಿ-ಗಾಲ್ಫ್ ಕೋರ್ಸ್ ಅನ್ನು ಸಹ ಹೊಂದಿದೆ. ಇದು ಕೇವಲ ವಾಹನವಲ್ಲ, ರಸ್ತೆಯಲ್ಲಿ ಓಡಾಡುವ ಒಂದು ಅರಮನೆಯಾಗಿದೆ.
ಈ ಕಾರನ್ನ 1986ರಲ್ಲಿ ಕಸ್ಟಮ್ ಕಾರು ತಯಾರಕ ಜೇ ಓರ್ಬರ್ಗ್ ಎಂಬುವರ ತಯಾರಿಸಿದ್ದರು. ಈ ಕಾರು ಪೂರ್ಣಗೊಂಡಾಗ, ಅದರ ಉದ್ದ 60 ಅಡಿಗಳಷ್ಟಿತ್ತು. ಬಳಿಕ ಈ ಕಾರಿನ ಉದ್ದವನ್ನ 100 ಅಡಿಗೆ ವಿನ್ಯಾಸಗೊಳಿಸಲಾಯಿತು
ಅಮೆರಿಕನ್ ಡ್ರೀಮ್ ಲಿಮೋಸಿನ್ನಲ್ಲಿ ಅರಮನೆಯಂತಹ ಸೌಲಭ್ಯಗಳಿವೆ. ದೊಡ್ಡ ವಾಟರ್ ಬೆಡ್, ಸ್ವಿಮ್ಮಿಂಗ್ ಫೂಲ್ ಮತ್ತು ಡೈವಿಂಗ್ ಬೋರ್ಡ್, ಜಕುಝಿ, ಮಿನಿಗಾಲ್ಫ್ ಕೋರ್ಸ್, ಹಾಗೂ ಮಿನಿ ಹೆಲಿಪ್ಯಾಡ್ ಸಹ ಈ ಅಮೆರಿಕನ್ ಡ್ರೀಮ್ ಕಾರು ಹೊಂದಿದೆ
ಹೆಲಿಪ್ಯಾಡ್ ಅನ್ನು ಉಕ್ಕಿನ ಆವರಣಗಳೊಂದಿಗೆ ವಾಹನದ ಕೆಳಭಾಗಕ್ಕೆ ರಚನಾತ್ಮಕವಾಗಿ ಜೋಡಿಸಲಾಗಿದೆ ಮತ್ತು ಐದು ಸಾವಿರ ಪೌಂಡ್ಗಳ ತೂಕವನ್ನು ಹೊರುವ ಸಾಮರ್ಥ್ಯವನ್ನು ಹೊಂದಿದೆ ” ಎಂದು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಉಲ್ಲೇಖಿಸಿದಂತೆ ದಿ ಅಮೇರಿಕನ್ ಡ್ರೀಮ್ನ ಮರು ಸ್ಥಾಪನೆಯಲ್ಲಿ ತೊಡಗಿಸಿಕೊಂಡಿದ್ದ ಮೈಕೆಲ್ ಮ್ಯಾನಿಂಗ್ ಹೇಳಿದರು.
2019 ರಲ್ಲಿ ಫ್ಲೋರಿಡಾದ ಒರ್ಲ್ಯಾಂಡೊದಲ್ಲಿರುವ ಡೆಜರ್ಲ್ಯಾಂಡ್ ಪಾರ್ಕ್ ಕಾರ್ ಮ್ಯೂಸಿಯಂ ಮತ್ತು ಪ್ರವಾಸಿ ಆಕರ್ಷಣೆಗಳ ಮಾಲೀಕರಾದ ಮೈಕೆಲ್ ಡೆಜರ್ ಈ ಐಷಾರಾಮಿ ಕಾರನ್ನು ಖರೀದಿಸಿದರು. ಬಳಿಕ ಮೂರು ವರ್ಷಗಳ ನಂತರ 1.9 ಕೋಟಿ ರೂ ಖರ್ಚು ಮಾಡಿ ಪುನಃ ಮತ್ತೆ ಈ ಕಾರನ್ನ ಸ್ಥಾಪಿಸಿದರು.
ಸದ್ಯ ಈ ಕಾರನ್ನ ಡೆಜರ್ಲ್ಯಾಂಡ್ ಪಾರ್ಕ್ ಕಾರ್ ಮ್ಯೂಸಿಯಂನಲ್ಲಿ ಪ್ರದರ್ಶನಕ್ಕೆ ಇಡಲಾಗಿದೆ. ಆದಾಗ್ಯೂ, ಅದರ ಈ ಕಾರು 100 ಅಡಿ ಉದ್ದವಿರುವದರಿಂದ ರಸ್ತೆಯಲ್ಲಿ ಓಡಿಸಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ,
