Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಸೈಬರ್ ಕ್ರೈಮ್ ತಡೆಗಟ್ಟುವ ಉದ್ದೇಶದಿಂದ ಕೇಂದ್ರ ಸರ್ಕಾರವು ಮೆಸೇಜಿಂಗ್ ಪ್ಲಾಟ್ಫಾರ್ಮ್ಗಳಿಗೆ ಹೊಸ ನಿಯಮ ರೂಪಿಸಿದೆ.
ವಾಟ್ಸ್ಯಾಪ್, ಟೆಲಿಗ್ರಾಂ, ಸಿಗ್ನಲ್, ಸ್ನ್ಯಾಪ್ಚಾಟ್ ಇತ್ಯಾದಿ ಮೆಸೇಜಿಂಗ್ ಪ್ಲಾಟ್ಫಾರ್ಮ್ಗಳು ತಮ್ಮ ಬಳಕೆದಾರರ ಸಿಮ್ ಕಾರ್ಡ್ ಸಕ್ರಿಯವಾಗಿರುವುದನ್ನು ಖಾತ್ರಿಪಡಿಸಿಕೊಳ್ಳಬೇಕು. ಅಲ್ಲದೆ, ಸಾಧನಗಳಿಗೆ ಸಿಮ್ ಕಾರ್ಡ್ ನಿರಂತರವಾಗಿ ಜೋಡಿತವಾಗಿರುವುದನ್ನು ಖಾತ್ರಿಪಡಿಸಿಕೊಳ್ಳಬೇಕು ಎಂದು ದೂರಸಂಪರ್ಕ ಇಲಾಖೆ ಭಾನುವಾರ ನಿರ್ದೇಶನ ನೀಡಿದೆ.
2025ರ ಟೆಲಿಕಮ್ಯುನಿಕೇಶನ್ ಸೈಬರ್ ಸೆಕ್ಯುರಿಟಿ ತಿದ್ದುಪಡಿ ನಿಯಮಗಳ ಅಡಿಯಲ್ಲಿ ಈ ಹೊಸ ನಿಯಮವನ್ನು ತರಲಾಗಿದೆ.
ಈ ನಿಯಮದ ಪ್ರಕಾರ, ಬ್ಯಾಂಕ್, ಯುಪಿಐ ಇತ್ಯಾದಿ ಆ್ಯಪ್ಗಳ ರೀತಿಯಲ್ಲಿ ಮೆಸೇಜಿಂಗ್ ಆ್ಯಪ್ಗಳೂ ಕೂಡ ಬಳಕೆದಾರರ ಸಿಮ್ ಕಾರ್ಡ್ಗಳನ್ನು ಪ್ರತೀ 90 ದಿನಗಳಿಗೊಮ್ಮೆ ವೆರಿಫೈ ಮಾಡಬೇಕಾಗುತ್ತದೆ.
ಹಾಗೆಯೇ, ಮೊಬೈಲ್ನಲ್ಲಿ ಆ್ಯಕ್ಟಿವ್ ಆಗಿರುವ ಸಿಮ್ ಇದ್ದರೆ ಮಾತ್ರ ಮೆಸೇಜಿಂಗ್ ಸರ್ವಿಸಸ್ ನೀಡಬೇಕು. ಉದಾಹರಣೆಗೆ, ಒಂದು ಸಾಧನದಲ್ಲಿ ವಾಟ್ಸ್ಯಾಪ್ ವೆಬ್ ಅನ್ನು ಆ್ಯಕ್ಟಿವ್ ಮಾಡಿದಾಗ, ಮೊಬೈಲ್ ಇಲ್ಲದಿದ್ದರೂ ಆ ಸಾಧನದಲ್ಲಿ ವಾಟ್ಸ್ಯಾಪ್ ಸರ್ವಿಸ್ ಚಾಲನೆಯಲ್ಲಿ ಇರುತ್ತದೆ. ಇದರಿಂದ ಸೈಬರ್ ಕ್ರಿಮಿನಲ್ ಗಳು ದುರ್ಬಳಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚು ಇರುತ್ತದೆ.
ಹೊಸ ನಿಯಮದ ಪ್ರಕಾರ ಇದನ್ನು ಮಾಡಲು ಸಾಧ್ಯವಾಗುವುದಿಲ್ಲ. ಅಂದರೆ, ಪ್ರತೀ ಆರು ಗಂಟೆಗಳಿಗೊಮ್ಮೆ ಬ್ರೌಸರ್ ನಲ್ಲಿ ವಾಟ್ಸ್ಯಾಪ್ ಅಥವಾ ಇತರ ಮೆಸೇಜಿಂಗ್ ಸರ್ವಿಸ್ ಲಾಗೌಟ್ ಆಗುತ್ತದೆ. ಆ್ಯಕ್ಟಿವ್ ಮೊಬೈಲ್ ಬಳಸಿ ಮತ್ತೆ ಲಿಂಕ್ ಮಾಡಬೇಕಾಗುತ್ತದೆ.
ದೂರಸಂಪರ್ಕ ಇಲಾಖೆ ಮಾಡಿರುವ ಈ ಹೊಸ ಕಾನೂನಿಂದ ವಾಟ್ಸ್ಯಾಪ್ನಂತಹ ಮೆಸೇಜಿಂಗ್ ಪ್ಲಾಟ್ಫಾರ್ಮ್ಗಳನ್ನು ಟೆಲಿಕಮ್ಯುನಿಕೇಶನ್ ಐಡೆಂಟಿಫಯರ್ ಯೂಸರ್ ಎಂಟಿಟೀಸ್ (ಟಿಐಯುಇ) ಎದು ಅಧಿಕೃತವಾಗಿ ವರ್ಗೀಕರಿಸಿದಂತಾಗುತ್ತದೆ. ಒಂದು ರೀತಿಯಲ್ಲಿ ವಾಟ್ಸ್ಯಾಪ್ ಇತ್ಯಾದಿ ಮೆಸೇಜಿಂಗ್ ಆ್ಯಪ್ಗಳನ್ನು ಸಾಂಪ್ರದಾಯಿಕ ಟೆಲಿಕಾಂ ಆಪರೇಟರ್ಗಳ ರೀತಿ ಪರಿಗಣಿಸಲಾಗುತ್ತದೆ.
ಈ ಹೊಸ ನಿಯಮದಿಂದ ಸೈಬರ್ ಅಪರಾಧವನ್ನು ನಿಗ್ರಹಿಸುವುದು ಸ್ವಲ್ಪ ಸುಲಭವಾಗುತ್ತದೆ. ಡಿಜಿಟಲ್ ಹೆಜ್ಜೆ ಗುರುತಿನಲ್ಲಿ ಮೊಬೈಲ್ ನಂಬರ್ ಬಹಳ ಮುಖ್ಯವಾಗಿದೆ. ಇದರ ದುರ್ಬಳಕೆ ತಡೆಯಲು ಇಂತಹ ಕಾನೂನು ಅವಶ್ಯ ಎನ್ನುವ ಅಭಿಪ್ರಾಯ ಬಲವಾಗಿಯೇ ಕೇಳಿಬರುತ್ತಿದೆ.
ಗೆದ್ದೇ ಗೆಲ್ತೀನಿ ಅಂತ ಹೇಳ್ತಿದ್ದ ಸ್ಪರ್ಧಿಯೇ ಔಟ್; ಈ ವಾರ ಬಿಗ್ ಬಾಸ್ ಮನೆಯಿಂದ ಹೊರಬರೋದು ಇವರೇ ನೋಡಿ
