Subscribe NewsicsKannada/YouTube
newsics.com
ರಿಷಭ್ ಶೆಟ್ಟಿ ನಿರ್ದೇಶಿಸಿ, ನಟಿಸಿರುವ ಕಾಂತಾರ ಚಾಪ್ಟರ್ 1 ವಿಶ್ವದಾದ್ಯಂತ ಬಿಡುಗಡೆ ಆಗಿ ಬಾಕ್ಸ್ ಆಫೀಸ್ಗೆ ಬೆಂಕಿ ಹಚ್ಚಿದೆ.
ವಿಶ್ವಾದ್ಯಂತ ಚಿತ್ರ ರಿಲೀಸ್ ಆಗಿ 10 ದಿನದಲ್ಲಿಯೇ 500 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡುವ ಮೂಲಕ ಸಾಲು ಸಾಲು ದಾಖಲೆಗಳನ್ನು ಬ್ರೇಕ್ ಮಾಡುತ್ತಿದೆ.
ಕಾಂತಾರ ಚಾಪ್ಟರ್ 1 ಸಿನಿಮಾಗಾಗಿ ರಿಷಭ್ ಶೆಟ್ಟಿ ತಮ್ಮೆಲ್ಲಾ ಶಕ್ತಿಯನ್ನು ಅರ್ಪಣೆ ಮಾಡಿದ್ದು, ಬೆವರನ್ನು ರಕ್ತದಂತೆ ಹರಿಸಿದ್ದಾರೆ. ಪ್ರತಿ ಫ್ರೇಮ್ ಸಹ ಅದ್ಭುತವಾಗಿ ಮೂಡಿಬಂದಿದೆ. ಆದರೆ ಇದರ ನಡುವೆ ಒಂದು ಚಿಕ್ಕ ಪ್ರಮಾದ ಇದೀಗ ಸಖತ್ ವೈರಲ್ ಆಗುತ್ತಿದೆ.
ನೀರಿನ ಪ್ಲಾಸ್ಟಿಕ್ ಕ್ಯಾನ್:
ಎಲ್ಲರಿಗೂ ತಿಳಿದಿರುವಂತೆ ಕಾಂತಾರ ಅಧ್ಯಾಯ 1 ಕದಂಬ ರಾಜವಂಶದ ಅವಧಿಯಲ್ಲಿ ನಡೆಯುತ್ತಿದ್ದು. ಬುಡಕಟ್ಟು ಸಂಸ್ಕೃತಿಯ ಪ್ರಭಾವವನ್ನು ಹೊಂದಿದೆ.
ಆದರೆ, ಬ್ರಹ್ಮಕಲಶ ಹಾಡಿನಲ್ಲಿ ಮಂಟಪದ ಬಳಿ ಆಧುನಿಕ ಯುಗದಲ್ಲಿ ಬಳಸುವ ಪ್ಲಾಸ್ಟಿಕ್ ನೀರಿನ ಕ್ಯಾನ್ ಇರಿಸಲಾಗಿದ್ದು, ಸಾಮಾಜಿಕ ಮಾಧ್ಯಮಗಳು ಬ್ರಹ್ಮಕಲಶದಲ್ಲಿ ನೀರಿನ ಕ್ಯಾನ್ನ ಚಿತ್ರಗಳು ಹರಿದಾಡುತ್ತಿವೆ.
ಕಾಂತಾರ ಚಾಪ್ಟರ್ 1 ಕದಂಬರ ಕಾಲದ ಕಥೆಯಾಗಿರುವುದರಿಂದ ಅಂದಿನ ಕಾಲದಲ್ಲಿ ನೀರಿನ ಕ್ಯಾನ್ಗಳು ಇರಲಿಲ್ಲ.
ಆದರೆ ಚಿತ್ರತಂಡದ ಕಣ್ತಪ್ಪಿ ಆ ಸೀನ್ನಲ್ಲಿ ಒಂದು ನೀರಿನ ಕ್ಯಾನ್ ಬಂದಿದೆ. ವಿಚಿತ್ರವೆಂದರೆ ಇದು ಎಡಿಟಿಂಗ್ ಸಮಯದಲ್ಲಿಯೂ ಕಾಣದಿರುವುದು. ಆದರೆ ಇಷ್ಟು ಅದ್ಭುತವಾದ ಸಿನಿಮಾದಲ್ಲಿ ಅದೊಂದು ಚಿಕ್ಕ ಕಣ್ತಪ್ಪಿನ ಮಿಸ್ಟೇಕ್ ಆಗಿದ್ದು, ಅದನ್ನು ಒಪ್ಪಿ ಸಿನಿಮಾ ನೋಡಬೇಕಿದೆ ಎಂದು ಸಿನಿ ಪ್ರೇಮಿಗಳು ಹೇಳುತ್ತಿದ್ದಾರೆ.
ವಿಡಿಯೋದಲ್ಲಿ ಸರಿಯಾಗಿ 3 ನಿಮಿಷದ 5 ಸೆಕೆಂಡ್ಗೆ ಇದನ್ನು ನೀವು ಗಮನಿಸಬಹುದು.
ಕದಂಬರು ಪ್ಲಾಸ್ಟಿಕ್ ನೀರಿನ ಕ್ಯಾನ್ಗಳನ್ನು ಬಳಸುತ್ತಿದ್ದರು ಎಂದು ತಿಳಿದಿರಲಿಲ್ಲ ಎಂದು ತಮಾಷೆಯಾಗಿ ಕಮೆಂಟ್ ಮಾಡಿದ್ದಾರೆ. ಅಭಿಮಾನಿಯೊಬ್ಬರು, ಈ ತಪ್ಪನ್ನು ನೋಡಿ ದುಃಖವಾಯಿತು. ಏಕೆಂದರೆ ಚಿತ್ರದಲ್ಲಿ ವಿವರಗಳಿಗೆ ಹೆಚ್ಚಿನ ಕಾಳಜಿ ಮತ್ತು ಗಮನ ನೀಡಲಾಗಿದೆ ಎಂದು ಬರೆದಿದ್ದಾರೆ.
ಕಾಂತಾರ ಚಾಪ್ಟರ್ 1 ಭಾರೀ ಕಲೆಕ್ಷನ್:
ರಿಷಭ್ ಶೆಟ್ಟಿ ಅವರ ಕಾಂತಾರ ಚಾಪ್ಟರ್ 1 ಸಿನಿಮಾವು ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಕಲೆಕ್ಷನ್ ಕಾಣುತ್ತಿದೆ. Sacnilk ಪ್ರಕಾರ 2ನೇ ಶನಿವಾರ ಕಾಂತಾರ ಚಾಪ್ಟರ್ 1 ಸಿನಿಮಾದ ಬಾಕ್ಸ್ ಆಫೀಸ್ ಕಲೆಕ್ಷನ್ 38 ಕೋಟಿ ರೂಪಾಯಿ ಆಗಿದೆ. ಭಾರತದಲ್ಲಿ ಈ ಸಿನಿಮಾದ ಈವರೆಗಿನ ಗಳಿಕೆ 397.65 ಕೋಟಿ ರೂಪಾಯಿ. 2025ರಲ್ಲಿ ರಿಲೀಸ್ ಆದ, ಇದುವರೆಗಿನ ಅತಿದೊಡ್ಡ ಬ್ಲಾಕ್ಬಸ್ಟರ್ ಸಿನಿಮಾ ಎಂದು ಹೇಳಲಾಗಿದೆ. ಇನ್ನು ವಿಶ್ವದಾದ್ಯಂತ ಈ ಸಿನಿಮಾದ ಕಲೆಕ್ಷನ್ ಬರೋಬ್ಬರಿ 509.25 ಕೋಟಿ ಎನ್ನಲಾಗಿದೆ.
CM Mamatha ಹುಡುಗಿಯರಿಗೆ ರಾತ್ರಿ ವೇಳೆ ಹೊರಗೆ ಹೋಗಲು ಬಿಡದಿರಿ: ಸಿಎಂ ಮಮತಾ ಬ್ಯಾನರ್ಜಿ ವಿವಾದಾತ್ಮಕ ಹೇಳಿಕೆ
ನೆಲದ ಮೇಲೆ ಕುಳಿತು ಊಟ ಮಾಡ್ತೀರಾ?; ಹಾಗಾದ್ರೆ ಇದರಿಂದ ಇರುವ ಪ್ರಯೋಜನಗಳೇನು?
