newsics.com
ಹಿಂದೂ ಧರ್ಮದ ಪ್ರಕಾರ, ಗ್ರಹಣ ಕಾಲವನ್ನು ಸೂತಕ ಕಾಲವೆಂದು ಪರಿಗಣಿಸಲಾಗುತ್ತದೆ. ಈ ಅವಧಿಯಲ್ಲಿ ನಕಾರಾತ್ಮಕ ಶಕ್ತಿಗಳು ಪ್ರಬಲವಾಗಿರುತ್ತವೆ. ಮತ್ತು ಅವು ಮನುಷ್ಯರ ಮೇಲೆ ದುಷ್ಪರಿಣಾಮ ಬೀರುತ್ತವೆ ಎಂದು ಹೇಳಲಾಗಿದೆ.
ಸೂತಕದ ಸಮಯದಲ್ಲಿ ಕೆಲವು ಕಠಿಣ ನಿಯಮಗಳನ್ನು ಪಾಲಿಸಲಾಗುತ್ತದೆ. ಈ ನಿಯಮಗಳಲ್ಲಿ ದೈಹಿಕ ಸಂಬಂಧಗಳಿಂದ ದೂರವಿರುವುದು ಅತಿ ಮುಖ್ಯ.
ಗ್ರಹಣದ ಸಮಯದಲ್ಲಿ ದೈಹಿಕ ಸಂಬಂಧದಿಂದ ಜನಿಸುವ ಸಂತಾನಕ್ಕೆ ಆರೋಗ್ಯ ಮತ್ತು ಮಾನಸಿಕ ಸಮಸ್ಯೆಗಳು ಬರಬಹುದು ಎಂದು ಶಾಸ್ತ್ರಗಳು ಹೇಳುತ್ತವೆ.
ಅಲ್ಲದೆ, ಈ ಸಮಯದಲ್ಲಿ ಉಂಟಾಗುವ ಲೈಂಗಿಕ ಬಯಕೆಗಳು ‘ರಾಕ್ಷಸ ಪ್ರವೃತ್ತಿ’ಯನ್ನು ಪ್ರೇರೇಪಿಸುತ್ತವೆ ಎಂದು ಪುರಾಣಗಳು ಎಚ್ಚರಿಸುತ್ತವೆ.
ವೈಜ್ಞಾನಿಕವಾಗಿ ಹೇಳುವುದಾದರೆ, ಚಂದ್ರಗ್ರಹಣವು ಸೂರ್ಯ, ಭೂಮಿ ಮತ್ತು ಚಂದ್ರ ಒಂದೇ ಸರಳ ರೇಖೆಯಲ್ಲಿ ಬರುವುದರಿಂದ ಸಂಭವಿಸುವ ಸಾಮಾನ್ಯ ಖಗೋಳ ಪ್ರಕ್ರಿಯೆ ಆಗಿದೆ. ಭೂಮಿಯ ನೆರಳು ಚಂದ್ರನ ಮೇಲೆ ಬೀಳುವುದರಿಂದ ಇದು ಉಂಟಾಗುತ್ತದೆ. ಇದರಿಂದ ಯಾವುದೇ ನಕಾರಾತ್ಮಕ ಶಕ್ತಿಗಳು ಬಿಡುಗಡೆಯಾಗುವುದಿಲ್ಲ ಅಥವಾ ವಾತಾವರಣದಲ್ಲಿ ಯಾವುದೇ ಬದಲಾವಣೆಗಳು ಸಂಭವಿಸುವುದಿಲ್ಲ ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ.
ಚಂದ್ರಗ್ರಹಣಕ್ಕೂ ಮಾನವನ ಆರೋಗ್ಯ ಅಥವಾ ವರ್ತನೆಗೂ ಯಾವುದೇ ನೇರ ಸಂಬಂಧವಿಲ್ಲ ಎಂದು ಆಧುನಿಕ ವಿಜ್ಞಾನ ಹೇಳುತ್ತದೆ.
ದೈಹಿಕ ಸಂಬಂಧಗಳಿಂದ ಯಾವುದೇ ಹಾನಿ ಸಂಭವಿಸುವುದಿಲ್ಲ. ಇದು ತಲೆಮಾರುಗಳಿಂದ ನಡೆದು ಬಂದ ಕೇವಲ ಒಂದು ನಂಬಿಕೆ ಮಾತ್ರ ಎಂದು ವಿಜ್ಞಾನಿಗಳು ವಿಶ್ಲೇಷಿಸುತ್ತಾರೆ.
ಒಂದೆಡೆ ಶತಮಾನಗಳ ನಂಬಿಕೆಗಳು, ಹಿರಿಯರು ಹೇಳಿದ ಮಾತುಗಳು. ಮತ್ತೊಂದೆಡೆ ಕಣ್ಣಿಗೆ ಕಾಣುವ ವೈಜ್ಞಾನಿಕ ಸತ್ಯಗಳು. ಈ ಎರಡರ ನಡುವೆ ನೀವು ಗೊಂದಲಕ್ಕೆ ಒಳಗಾಗುವುದು ಸಹಜ. ಹೀಗಾಗಿ, ಗ್ರಹಣದ ಸಮಯದಲ್ಲಿ ಲೈಂಗಿಕ ಸಂಬಂಧದಲ್ಲಿ ತೊಡಗಬೇಕೇ ಅಥವಾ ಬೇಡವೇ ಎಂಬುದು ಸಂಪೂರ್ಣವಾಗಿ ವೈಯಕ್ತಿಕ ನಂಬಿಕೆಗಳಿಗೆ ಸಂಬಂಧಿಸಿದೆ.
ನೀವು ಧಾರ್ಮಿಕ ನಂಬಿಕೆಗಳು ಮತ್ತು ಸಂಪ್ರದಾಯಗಳನ್ನು ಗೌರವಿಸುತ್ತೀರಾ? ಆ ನಿಯಮಗಳನ್ನು ಪಾಲಿಸುವುದು ನಿಮ್ಮ ಮನಃಶಾಂತಿಗೆ ಉತ್ತಮ. ವಿಜ್ಞಾನವನ್ನು ಮಾತ್ರ ನಂಬುತ್ತೀರಿ ಎಂದರೆ, ಈ ನಿಯಮಗಳಿಗೆ ಯಾವುದೇ ವೈಜ್ಞಾನಿಕ ಆಧಾರವಿಲ್ಲ ಎಂದು ಭಾವಿಸಬಹುದು.
ಅಂತಿಮವಾಗಿ, ನಿಮ್ಮ ನಂಬಿಕೆ ಮತ್ತು ನಿಮ್ಮ ಸಂಗಾತಿಯ ಅಭಿಪ್ರಾಯದ ಆಧಾರದ ಮೇಲೆ ದೈಹಿಕ ಸಂಬಂಧದ ನಿರ್ಧಾರ ತೆಗೆದುಕೊಳ್ಳುವುದು ಉತ್ತಮ.
ರೈಲಿನಲ್ಲೇ ಫುಲ್ ರೊಮ್ಯಾನ್ಸ್, ಸುತ್ತ ಪ್ರಯಾಣಿಕರಿದ್ದರೂ ಮೈಮರೆತ ಯುವ ಜೋಡಿ, ವೈರಲ್ ವಿಡಿಯೋ ನೋಡಿ
