newsics.com
ಉತ್ತರ ಪ್ರದೇಶದ ಹಥ್ರಾಸ್ ಮತ್ತೊಮ್ಮೆ ಸುದ್ದಿಯಾಗಿದೆ. 30 ವರ್ಷದ ಮಹಿಳೆಗೆ 17ರ ಹುಡುಗನ ಜತೆಗೆ ಪ್ರೀತಿ ಶುರುವಾಗಿದೆ. ಇಬ್ಬರೂ ಕದ್ದು ಮುಚ್ಚಿ ಭೇಟಿಯಾಗುತ್ತಿದ್ದರು.
ಗಂಡ, ಗಂಡನ ಪೋಷಕರು ಮನೆಯಲ್ಲಿ ಇಲ್ಲದ ವೇಳೆ ತನ್ನ ಲವರ್ 17ರ ಹುಡುಗನನ್ನು ಮನೆಗೆ ಕರೆದಿದ್ದಾಳೆ. ಇವರಿಬ್ಬರು ಆಪ್ತ ಸಮಯ ಕಳೆಯುತ್ತಿರುವಾಗಲೇ 6 ವರ್ಷದ ಮಗಳು ನೋಡಿದ್ದಾಳೆ. ಇವರಿಬ್ಬರೂ ಒಂದೇ ಬೆಡ್ನಲ್ಲಿರುವುದನ್ನು ನೋಡಿ ಆಘಾತಗೊಂಡಿದ್ದಾಳೆ. ತಾಯಿಯ ನಡೆಯಿಂದ ಆಕ್ರೋಶಗೊಂಡಿದ್ದಾಳೆ.
30 ವರ್ಷದ ಮಹಿಳೆಯ ಅಕ್ರಮ ಸಂಬಂಧವನ್ನು ತನ್ನ ಸ್ವಂತ ಮಗಳೇ ನೋಡಿದ ಕಾರಣ ಇಡೀ ಕುಟುಂಬ ಇದೀಗ ಕಣ್ಣೀರಲ್ಲಿ ಕೈತೊಳೆಯುವಂತಾಗಿದೆ.
ಹಥ್ರಾಸ್ಗೆ ಮದುವೆಯಾಗಿ ಬಂದ ಈ ಮಹಿಳೆಗೆ 6 ವರ್ಷದ ಮಗಳಿದ್ದಾಳೆ. ಗಂಡ ಉತ್ತಮ ಸಂಪಾದನೆ ಮಾಡುತ್ತಿದ್ದಾನೆ. ಪತ್ನಿ ಹಾಗೂ ಮಗಳನ್ನು ಚೆನ್ನಾಗಿ ನೋಡಿಕೊಳ್ಳುತ್ತಿದ್ದ. ಮಗಳು ಎಂದರೆ ಪಂಚಪ್ರಾಣ. ಗಂಡ ತನ್ನ ತಾಯಿ ಜತೆಯಲ್ಲಿ ಕಾರ್ಯಕ್ರಮದ ನಿಮಿತ್ತ ತೆರಳಿದ್ದಾನೆ. ಮನೆಯಲ್ಲಿ ಹೆಂಡತಿ ಹಾಗೂ ಮಗಳು ಇಬ್ಬರೇ ಇದ್ದರು.
17ರ ಹುಡುಗನ ಜತೆ ಈ ಮಹಿಳೆಗೆ ಸಂಬಂಧ ಶುರುವಾಗಿತ್ತು. ಫೋನ್ ಮೂಲಕ ಶುರುವಾದ ಪ್ರೀತಿ ಬಳಿಕ ಕದ್ದು ಮುಚ್ಚಿ ಭೇಟಿಯಾಗುವ ಮಟ್ಟಕ್ಕೆ ಬೆಳೆದಿತ್ತು. ಇತ್ತ ಗಂಡ ಹಾಗೂ ಅತ್ತೆ ಮನೆಯಲ್ಲಿ ಇಲ್ಲದ ವೇಳೆ ತನ್ನ ಲವ್ವರ್ನ ಮನೆಗೆ ಕರೆದಿದ್ದಾಳೆ.
ಮಗಳನ್ನು ಸಂಬಂಧಿಕರ ಮನೆಗೆ ಆಟವಾಡಲು ಕಳುಹಿಸಿದ್ದಾಳೆ. ಸಂಜೆಯಾದ ಬಳಿಕ ನಾನೇ ಬಂದು ಕರೆದುಕೊಂಡು ಹೋಗುತ್ತೇನೆ ಎಂದು ಮಗಳಿಗೆ ಹೇಳಿದ್ದಾಳೆ. ಇತ್ತ ಏನೂ ಅರಿಯದ ಮಗಳನ್ನು ಹತ್ತಿರದ ಸಂಬಂಧಿಕರ ಮನೆಯಲ್ಲಿ ಬಿಟ್ಟು ಬಂದ ಈಕೆ ತನ್ನ ಲವರ್ ಜತೆ ಆಪ್ತ ಸಮಯ ಕಳೆಯಲು ಮುಂದಾಗಿದ್ದಾಳೆ.
17ರ ಹುಡುಗನ ಜತೆ ಕೋಣೆಯಲ್ಲಿ ಆಪ್ತ ಸಮಯದಲ್ಲಿರುವಾಗಲೇ ಇತ್ತ ಸಂಬಂಧಿಕರ ಮನೆಯಿಂದ ಬಾಲಕಿ ಮನೆಗೆ ವಾಪಸ್ಸಾಗಿದ್ದಾಳೆ. ಸಂಬಂಧಿಕರ ಮನೆಯಲ್ಲಿ ಹೆಚ್ಚು ಹೊತ್ತು ಇರಲು ಇಷ್ಟಪಡದ ಬಾಲಕಿ ಮನೆಗೆ ಮರಳಿದ್ದಾಳೆ. ಆದರೆ ಮನೆಯಲ್ಲಿನ ದೃಶ್ಯ ನೋಡಿ ಆಘಾತಗೊಂಡಿದ್ದಾಳೆ. ತನ್ನ ಸ್ವಂತ ತಾಯಿ ಬೇರೊಬ್ಬನ ಜತೆಯಲ್ಲಿ ಹಾಸಿಗೆಯಲ್ಲಿದ್ದಳು. ಇತ್ತ ಆಪ್ತ ಸಮಯದಲ್ಲಿದ್ದ ಈ ಜೋಡಿ ಬಾಲಕಿಯನ್ನು ನೋಡಿದ್ದಾರೆ. ಇತ್ತ ತಂದೆಗೆ ಹೇಳುತ್ತೇನೆ ಎಂದು ಮಗಳು ತಾಯಿಗೆ ಹೇಳಿದ್ದಾಳೆ. ಇಷ್ಟೇ ನೋಡಿ ಈ ಜೋಡಿಗೆ ಪರಿಸ್ಥಿತಿ ಗಂಭೀರವಾಗಿದೆ ಎಂದು ಅರಿವಾಗಿದೆ.
ಮಗಳನ್ನೇ ಹತ್ಯೆಗೈದ ತಾಯಿ
ತಂದೆಗೆ ಹೇಳುತ್ತೇನೆ ಎಂದು ಫೋನ್ ಕೈಗೆತ್ತಿಕೊಂಡ ಬಾಲಕಿಯ ನಡೆಯಿಂದ ಇವರಿಬ್ಬರೂ ಭಯಗೊಂಡಿದ್ದಾರೆ. ಬಾಲಕಿಯನ್ನು ಹಿಡಿದೆಳೆದ ತಾಯಿ ಗದರಿಸಿದ್ದಾರೆ. ಆದರೆ ಬಾಲಕಿ ಮಾತ್ರ ತಂದೆಗೆ ಹೇಳುತ್ತೇನೆ ಎಂದು ಅಳಲು ಆರಂಭಿಸಿದ್ದಾಳೆ. 17ರ ಹುಡುಗನ ಜತೆ ಸೇರಿ ಸ್ವಂತ ಮಗಳನ್ನೇ ಹತ್ಯೆ ಮಾಡಿದ್ದಾಳೆ. ಬಳಿಕ ಬಾವಿಗೆ ಎಸೆದಿದ್ದಾರೆ.
ಮಗಳು ನಾಪತ್ತೆಯಾಗಿದ್ದಾಳೆ ಎಂದು ಅಂದು ರಾತ್ರಿ ಗಂಡನಿಗೆ ಫೋನ್ ಮಾಡಿದ್ದಾಳೆ. ಓಡೋಡಿ ಬಂದ ಗಂಡ ದೂರು ದಾಖಲಿಸಿದ್ದಾನೆ. ಹುಡುಕಾಟ ನಡೆಸಿದ ಪೊಲೀಸರು ಬಾಲಕಿಯ ಶವ ಪತ್ತೆ ಹಚ್ಚಿದ್ದಾರೆ. ಪೋಸ್ಟ್ ಮಾರ್ಟಂ ವರದಿಯಲ್ಲಿ ಇದು ಕೊಲೆ ಎಂದು ಬಯಲಾಗಿತ್ತು. ಹೀಗಾಗಿ ಪೊಲೀಸರು ಈ ಮಹಿಳೆ ಮೇಲೆ ಅನುಮಾನಗೊಂಡು ವಿಚಾರಣೆ ನಡೆಸಿದಾಗ ನಡೆದ ಘಟನೆ ಬಯಲಾಗಿದೆ. ಇದೀಗ ಮಹಿಳೆ ಅರೆಸ್ಟ್ ಆಗಿದ್ದರೆ, ಇತ್ತ ಹುಡುಗನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
Relationship ಗ್ರಹಣ ವೇಳೆ ಪ್ರಣಯೋತ್ಸವ ಸಮ್ಮತವೇ? ದೈಹಿಕ ಸಂಪರ್ಕ ಮಾಡಿದರೆ ಏನಾಗತ್ತೆ?
