newsics.com
ಈಗ ಕೇವಲ 100 ರೂ.ಗಳಲ್ಲಿ ಮತ್ತು ಎರಡೇ ಗಂಟೆಯಲ್ಲಿ ಗರ್ಭಕಂಠದ ಕ್ಯಾನ್ಸರ್ ಪತ್ತೆ ಹಚ್ಚುವ ಡಯಾಗ್ನಿಸ್ಟಿಕ್ ಕಿಟ್ (Diagnostic kit) ನ್ನು ದೆಹಲಿಯ ಏಮ್ಸ್ ವೈದ್ಯರ ತಂಡ ರೂಪಿಸಿದೆ.
ಈ ಮೊದಲು ಕ್ಯಾನ್ಸರ್ ಪರೀಕ್ಷಿಸಲು ಲಕ್ಷಾಂತರ ರೂಪಾಯಿಗಳ ಯಂತ್ರಗಳು ಬೇಕಾಗಿದ್ದವು. ವರದಿ ಬರಲು ಹಲವಾರು ದಿನಗಳು ಬೇಕಾಗಿತ್ತು. ಆದರೆ ಈ ಹೊಸ ನ್ಯಾನೊತಂತ್ರಜ್ಞಾನ ಆಧಾರಿತ ಕಿಟ್ ತುಂಬಾ ಸುಲಭವಾಗಿದೆ.
AIIMSನ ಅಂಗರಚನಾಶಾಸ್ತ್ರ ವಿಭಾಗದ ಪ್ರಾಧ್ಯಾಪಕ ಡಾ. ಸುಭಾಷ್ ಚಂದ್ರ ಯಾದವ್, ಸ್ತ್ರೀರೋಗ ವಿಭಾಗದ ಮಾಜಿ ಮುಖ್ಯಸ್ಥೆ ಡಾ. ನೀರ್ಜಾ ಭಟ್ಲಾ ಮತ್ತು ಸಂಶೋಧಕರಾದ ಜ್ಯೋತಿ ಮೀನಾ, ಶಿಖಾ ಚೌಧರಿ ಮತ್ತು ಪ್ರಣಯ್ ತನ್ವರ್ ಸೇರಿ ಈ ಕಿಟ್ ರೂಪಿಸಿದ್ದಾರೆ.
ಈ ಕಿಟ್ನ್ನು 400 ರೋಗಿಗಳ ಮೇಲೆ ಪರೀಕ್ಷಿಸಲಾಗಿದ್ದು, ಇದರಲ್ಲಿ 100% ನಿಖರತೆ ಕಂಡುಬಂದಿದೆ ಎಂದು ತಂಡ ತಿಳಿಸಿದೆ.
ಖಾಸಗಿ ಆಸ್ಪತ್ರೆಗಳಲ್ಲಿ ಈ ಪರೀಕ್ಷೆಗೆ ಸುಮಾರು 6,000 ರೂ. ವೆಚ್ಚವಾಗುತ್ತಿದ್ದು, ಏಮ್ಸ್ನಂತಹ ಸರ್ಕಾರಿ ಸಂಸ್ಥೆಯಲ್ಲಿಯೂ ಇದರ ವೆಚ್ಚ 2,000-3,000 ರೂ.ಗಳಷ್ಟಿತ್ತು. ಆದರೆ ಈಗ ಈ ಪರೀಕ್ಷೆಯನ್ನು ಕೇವಲ 100 ರೂ.ಗಳಿಗೆ ಮಾಡಲು ಸಾಧ್ಯವಾಗುತ್ತದೆ.
ಕಿಟ್ ಬಳಕೆ ತುಂಬಾ ಸುಲಭವಾಗಿದ್ದು, ಇದನ್ನು ವೈದ್ಯರು, ದಾದಿಯರು ಮತ್ತು ಆಶಾ ಕಾರ್ಯಕರ್ತರು ಬಳಸಬಹುದು. ಇದು ವಿಶೇಷವಾಗಿ ಗ್ರಾಮೀಣ ಪ್ರದೇಶದ ಮಹಿಳೆಯರಿಗೆ ಹೆಚ್ಚಿನ ಪರಿಹಾರವನ್ನು ನೀಡುತ್ತದೆ. ಆದರೂ, ಸ್ವಯಂ ಪರೀಕ್ಷೆಗೆ ಈ ಕಿಟ್ ಇನ್ನೂ ಲಭ್ಯವಿಲ್ಲ.
Health Tips ಟೀ ಜತೆ ಸಿಗರೇಟ್ ಸೇದುತ್ತೀರಾ? ಇನ್ಮುಂದೆ ಈ ತಪ್ಪು ಮಾಡ್ಲೇಬೇಡಿ…
