newsics.com
ಕಣ್ಣಿನ ಸಮಸ್ಯೆಗೆ ಕನ್ನಡ ಬಳಸಲು ಇಷ್ಟಪಡದ ಜನರು ಕಾಂಟ್ಯಾಕ್ಟ್ ಲೆನ್ಸ್ ಗಳ ಮೊರೆ ಹೋಗ್ತಾರೆ. ಆದ್ರೆ ಈ ನಟಿಯ ಕಣ್ಣಿಗೆ ಕಾಂಟ್ಯಾಕ್ಟ್ ಲೆನ್ಸ್ ಅಪಾಯ ತಂದಿದೆ. ಏನು ಕಾಣ್ತಿಲ್ಲ ಎಂದು ನಟಿ ಕಂಗಲಾಗಿದ್ದಾರೆ.
ಅನೇಕ ಜನರು ದೃಷ್ಟಿ ಸಮಸ್ಯೆಗಳಿಗೆ ಪರಿಹಾರವಾಗಿ ಕನ್ನಡಕವನ್ನು ಬಳಸುತ್ತಾರೆ. ಆದ್ರೆ ಅನೇಕ ಜನರು ಕನ್ನಡಕವನ್ನು ಧರಿಸಲು ಇಷ್ಟಪಡುವುದಿಲ್ಲ. ಇವುಗಳ ಬದಲಿಗೆ ಇತ್ತೀಚಿನ ಟ್ರೆಂಡ್ ಕಾಂಟ್ಯಾಕ್ಟ್ ಲೆನ್ಸ್ ಬಳಸುತ್ತಾರೆ. ಆದ್ರೆ ಈ ಲೆನ್ಸ್ ಅನ್ನು ಸರಿಯಾಗಿ ಬಳಸದಿದ್ದರೆ ಕೆಲವೊಮ್ಮೆ ದೃಷ್ಟಿ ಕಳೆದುಕೊಳ್ಳುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ. ಇತ್ತೀಚೆಗಷ್ಟೇ ಬಾಲಿವುಡ್ ಯಂಗ್ ಹೀರೋಯಿನ್ ಗೆ ಇಂಥದ್ದೇ ಕಹಿ ಅನುಭವವಾಗಿದೆ.
ಹೌದು ಕಾಂಟ್ಯಾಕ್ಟ್ ಲೆನ್ಸ್ ಗಳ ಬಳಕೆಯಿಂದಾಗಿ ಜಾಸ್ಮಿನ್ ಬಾಸಿನ್ ಕಣ್ಣಿಗೆ ತೀವ್ರ ತೊಂದರೆ ಉಂಟಾಗಿದೆಯಂತೆ. ‘ಜುಲೈ 17ರಂದು ಮಹತ್ವದ ಕೆಲಸವೊಂದರ ನಿಮಿತ್ತ ದೆಹಲಿಯಲ್ಲಿದ್ದೆ. ಕಾರ್ಯಕ್ರಮಕ್ಕೆ ತಯಾರಾಗುತ್ತಿದ್ದಾಗ ಕಣ್ಣಿಗೆ ಲೆನ್ಸ್ ಹಾಕಿಕೊಂಡಾಗ ತುಂಬಾ ನೋವಾಯಿತು. ನಂತರ ನೋವು ತೀವ್ರಗೊಂಡಿದೆ. ಆ ಸಮಾರಂಭದಲ್ಲಿ ನಾನು ಹೇಗೋ ಸನ್ ಗ್ಲಾಸ್ ಹಾಕಿಕೊಂಡೆ. ಆದರೆ ಒಂದು ಹಂತದಲ್ಲಿ ನನಗೆ ಏನೂ ಕಾಣಿಸಲೇ ಇಲ್ಲ. ಅದು ತುಂಬಾ ಕತ್ತಲೆಯಾದಂತಿತ್ತು. ಹೇಗೋ ಕಷ್ಟಪಟ್ಟು ಕೆಲಸ ಮುಗಿಸಿ ವೈದ್ಯರ ಬಳಿ ಹೋದೆ. ನನ್ನ ಕಣ್ಣುಗಳಿಗೆ ಬ್ಯಾಂಡೇಜ್ ಹಾಕೋದಾಗಿ ವೈದ್ಯರು ಹೇಳಿದ್ರು ಎಂದು ನಟಿ ಹೇಳಿಕೊಂಡಿದ್ದಾರೆ.
ನಟಿ ಕಣ್ಣಿಗೆ ಬಿಳಿ ಬ್ಯಾಂಡೇಜ್ ಹಾಕಿಕೊಂಡಿದ್ದಾರೆ. ಈ ಫೋಟೋಗಳು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿವೆ. ಜಾಸ್ಮಿನ್ ಲೆನ್ಸ್ ಸರಿಯಾಗಿ ಬಳಸದ ಕಾರಣ ಈ ರೀತಿಯ ಸಮಸ್ಯೆ ಉಂಟಾಗಿರಬಹುದು ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.
ಬಾಲಿವುಡ್ ಚಿತ್ರರಂಗದ ಜಾಸ್ಮಿನ್ ಬಾಸಿನ್ ವಿವಿಧ ಭಾಷೆಗಳಲ್ಲೂ ಅಭಿನಯಿಸಿದ್ದಾರೆ. ಅಪಾರ ಅಭಿಮಾನಿಗಳನ್ನು ಕೂಡ ಹೊಂದಿದ್ದಾರೆ. ಈ ನಟಿ ತೆಲುಗಿನ ‘ದಿಲ್ಲುನ್ನೋಡು’, ‘ವೇಟಾ’ ಮತ್ತು ‘ಲೇಡೀಸ್ & ಜಂಟಲ್ ಮನ್’ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
