newsics.com
ನ್ಯೂಯಾರ್ಕ್ನಿಂದ ಸರಸೋಟಾಗೆ ಹೊರಟಿದ್ದ ಜೆಟ್ಬ್ಲು ವಿಮಾನದಲ್ಲಿ ಮಕ್ಕಳ ಎದುರೇ ಸೀಟಿನಲ್ಲಿ ಲೈಂಗಿಕ ಕೃತ್ಯ ಎಸಗಿದ ಆರೋಪದ ಮೇಲೆ ದಂಪತಿಯನ್ನು ಬಂಧಿಸಲಾಗಿದೆ.
ಕನೆಕ್ಟಿಕಟ್ನ 43 ವರ್ಷದ ಟ್ರಿಸ್ಟಾ ಎಲ್. ರಿಲೀ ಮತ್ತು 42 ವರ್ಷದ ಕ್ರಿಸ್ಟೋಫರ್ ಡ್ರೂ ಆರ್ನಾಲ್ಡ್ ಬಂಧಿತ ಆರೋಪಿಗಳು.
ಸರಸೋಟಾ ಕೌಂಟಿಯಲ್ಲಿ ಸಲ್ಲಿಸಲಾದ ಕೋರ್ಟ್ ದಾಖಲೆಗಳ ಪ್ರಕಾರ, ಜುಲೈ 19ರಂದು ಬೆಳಗ್ಗೆ 10:30ರ ಸುಮಾರಿಗೆ, ತನ್ನ ಇಬ್ಬರು ಮಕ್ಕಳೊಂದಿಗೆ ಪ್ರಯಾಣಿಸುತ್ತಿದ್ದ ಮಹಿಳೆಯೊಬ್ಬರು ಫ್ಲೈಟ್ ಸಿಬ್ಬಂದಿಗೆ ದೂರು ನೀಡಿದ್ದಾರೆ.
ತಮ್ಮ ಮಕ್ಕಳು, ಇಬ್ಬರು ವಯಸ್ಕರು ಅಸಭ್ಯ ಕೃತ್ಯಗಳಲ್ಲಿ ತೊಡಗಿಕೊಂಡಿರುವುದನ್ನು ನೋಡಿದ್ದಾರೆ ಎಂದು ದೂರಿದ್ದಾರೆ.
ಫ್ಲೈಟ್ ಸಿಬ್ಬಂದಿ ದಂಪತಿಯನ್ನು ಪರಿಶೀಲಿಸಿದಾಗ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿರುವುದು ಕಂಡುಬಂದಿದೆ ಎಂದು ಆರೋಪಿಸಲಾಗಿದೆ. ಈ ಹೇಳಿಕೆಯನ್ನು ಇಬ್ಬರು ಅಪ್ರಾಪ್ತ ಪ್ರಯಾಣಿಕರೂ ದೃಢಪಡಿಸಿದ್ದು, ತಾವು ನೇರವಾಗಿ ಲೈಂಗಿಕ ಕೃತ್ಯಗಳನ್ನು ನೋಡಿದ್ದೇವೆ ಎಂದು ತಿಳಿಸಿದ್ದಾರೆ.
ಸುಮಾರು 11:30 ರ ಸುಮಾರಿಗೆ ಸರಸೋಟಾ-ಬ್ರಾಡೆಂಟನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನ ಇಳಿದ ನಂತರ, ಸ್ಥಳೀಯ ಅಧಿಕಾರಿಗಳು ರಿಲೀ ಮತ್ತು ಆರ್ನಾಲ್ಡ್ ಅವರನ್ನು ಬಂಧಿಸಿದ್ದಾರೆ.
ಮಕ್ಕಳ ಸಮ್ಮುಖದಲ್ಲಿ ಅಸಭ್ಯ ಅಥವಾ ಕಾಮಪ್ರಚೋದಕ ಪ್ರದರ್ಶನ ನೀಡಿದ ಆರೋಪದ ಮೇಲೆ ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
