newsics.com
ನದಿಯಲ್ಲಿ ಸಿಲುಕಿಕೊಂಡಿದ್ದ ಟೊಯೋಟೊ ಫಾರ್ಚುನರ್ ಎಸ್ಯುವಿ ಕಾರನ್ನು ಕ್ಷಣ ಮಾತ್ರದಲ್ಲೇ ಆನೆಯು ಹೊರಗೆ ಎಳೆದಿರುವ ಘಟನೆ ಕೇರಳದ ಪಾಲಕ್ಕಾಡ್ ಜಿಲ್ಲೆಯ ಒಟ್ಟಪ್ಪಲಂ ಬಳಿ ನಡೆದಿದೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.ಈ ವಿಡಿಯೋದಲ್ಲಿ ತೋರಿಸಿರುವಂತೆ ಆಳವಿಲ್ಲದ ನದಿಯ ದಡದಲ್ಲಿ ಕಾರಿನ ಎಡಭಾಗದ ಗಾಲಿಗಳು ಮಾತ್ರ ಸಿಕ್ಕಿಕೊಂಡಿವೆ. ಮಾಲೀಕ, ಡ್ರೈವರ್ ಎಷ್ಟೇ ಪ್ರಯತ್ನ ಪಟ್ಟರೂ ಕಾರು ನದಿ ನೀರಿನಿಂದ ಹೊರಗಡೆ ಬರಲು ಆಗದೇ ಗಾಲಿಗಳು ಇನ್ನಷ್ಟು ಆಳಕ್ಕೆ ಹೋಗಿರುತ್ತವೆ. ಈ ಕಾರನ್ನು ಇಲ್ಲೊಂದು ವಾಹನಕ್ಕೆ ಕಟ್ಟಿ ಎಳೆಯಬೇಕು ಎಂದರೆ ಆ ಸ್ಥಳಕ್ಕೆ ಯಾವುದೇ ವಾಹನ ಹೋಗುವಂತೆ ಇರಲ್ಲ ಎಂದು ಹೇಳಲಾಗಿದೆ.
ವಾಹನ ಚಲಿಸದೇ ಇರುವ ಸ್ಥಳಕ್ಕೆ ಆನೆಯನ್ನು ಕರೆಸಿದರೆ ಟೊಯೋಟೊ ಫಾರ್ಚುನರ್ ಎಸ್ಯುವಿ ಕಾರನ್ನು ಹೊರ ತರಬಹುದೆಂದು ಮಾಲೀಕನಿಗೆ ಯೋಚನೆ ಬಂದಿದೆ.ಅದರಂತೆ ಕೇರಳದ ತಿರುವೇಗಪುರದಲ್ಲಿರುವ ತಿರುವೇಗಪುರ ಶಂಕರನಾರಾಯಣನ್ ಎನ್ನುವ ಆನೆಯ ಮಾಲೀಕನನ್ನು, ಕಾರಿನ ಓನರ್ ಸಂಪರ್ಕ ಮಾಡಿ ಮಾತನಾಡಿದ್ದಾರೆ. ಇದಕ್ಕೆ ಆನೆಯ ಮಾಲೀಕ ಒಪ್ಪಿಗೆ ಸೂಚಿಸಿದ್ದಾರೆ.ನದಿಯಲ್ಲಿ ಸಿಲುಕಿಕೊಂಡಿದ್ದ ಟೊಯೋಟೊ ಫಾರ್ಚುನರ್ ಎಸ್ಯುವಿ ಕಾರನ್ನು ಕ್ಷಣ ಮಾತ್ರದಲ್ಲೇ ಆನೆಯು ಹೊರಗೆ ಎಳೆದಿದೆ. ಮೊದಲು ಕಾರಿಗೆ ಹಗ್ಗವನ್ನು ಕಟ್ಟಲಾಗಿತ್ತು. ಹಗ್ಗವನ್ನು ಸೊಂಡಿಲಿನಲ್ಲಿ ಹಿಡಿದ ಆನೆ ಒಂದೇ ಬಾರಿಗೆ ಕಾರನ್ನು ಹೊರಗೆ ಎಳೆದು ತಂದಿದೆ.
https://www.instagram.com/reel/DJ6WPHOp9Ay/?igsh=ejAwYmtnZ3duOWh4
