newsics.com
ನವದೆಹಲಿ: ಮೊಬೈಲ್ ಬಳಕೆದಾರರ ಸುರಕ್ಷೆತೆಗೆ ಕ್ರಮ ತೆಗೆದುಕೊಂಡಿರುವ ಟ್ರಾಯ್, ಇಂದಿನಿಂದ ಮೊಬೈಲ್ ಸಿಮ್ ಪೋರ್ಟೆಬಿಲಿಟಿ ನಿಯಮ ಪರಿಷ್ಕರಣೆ ಜಾರಿಗೊಳಿಸಿದೆ. ಗ್ರಾಹಕರು ವಂಚನೆಗೆ ಒಳಗಾಗದಂತೆ ತಡೆಯಲು ನಿಯಮ ಪರಿಷ್ಕರಿಸಿರುವುದೇ ನಮ್ಮ ಉದ್ದೇಶ ಎಂದು ಸ್ಪಷ್ಟ ಪಡಿಸಿದೆ
ಮೊಬೈಲ್ ಸಿಮ್ ಸ್ವಾಪ್ ಮಾಡುವುದು, ರಿಪ್ಲೇಸ್ ಮಾಡಿ ಮೋಸ ಮಾಡುವ ಚಟುವಟಿಕೆಗಳನ್ನು ತಡೆಯುವ ಉದ್ದೇಶದಿಂದ ಪರಿಷ್ಕೃತ ಮೊಬೈಲ್ ನಂಬರ್ ಪೋರ್ಟೆಬಿಲಿಟಿ (ಎಂಎನ್ಪಿ) ನಿಯಮ ಇಂದಿನಿಂದ ಜಾರಿಗೆ ಬರಲಿದೆ. ಟೆಲಿಕಾಂ ನಿಯಂತ್ರಣ ಸಂಸ್ಥೆ ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (ಟ್ರಾಯ್) ಈ ವಿಚಾರವನ್ನು ಶುಕ್ರವಾರ (ಜೂನ್ 28) ದೃಢೀಕರಿಸಿದೆ.
ಮೊಬೈಲ್ ಸಿಮ್ ಸ್ವಾಪ್ ಮತ್ತು ಬದಲಾವಣೆ ಅಂದ್ರೇನು?:
ಮೊಬೈಲ್ ಸಿಮ್ ಸ್ವಾಪ್ ಅಥವಾ ಬದಲಾವಣೆ ಮಾಡುವುದು ಎಂದರೆ ಅಸ್ತಿತ್ವದಲ್ಲಿರುವ ಚಂದಾದಾರರ ಕಳೆದುಹೋದ ಅಥವಾ ಕೆಲಸ ಮಾಡದ ಸಿಮ್ ಕಾರ್ಡ್ ಬದಲಿಗೆ ಹೊಸ ಸಿಮ್ ಕಾರ್ಡ್ ಅನ್ನು ಒದಗಿಸುವ ಪ್ರಕ್ರಿಯೆ ಎಂದು ಟ್ರಾಯ್ ಸ್ಪಷ್ಟಪಡಿಸಿದೆ.
ಟ್ರಾಯ್ ನಿಯಮಗಳ ಪ್ರಕಾರ, ಬಳಕೆದಾರರು ಮೊಬೈಲ್ ನಂಬರ್ ಪೋರ್ಟೆಬಿಲಿಟಿ (ಎಂಎನ್ಪಿ) ಸೌಲಭ್ಯವನ್ನು ಸಹ ಆಯ್ಕೆ ಮಾಡಬಹುದು. ಮೊಬೈಲ್ ಬಳಕೆದಾರರು ತಮ್ಮ ಮೊಬೈಲ್ ಸಂಖ್ಯೆಯನ್ನು ಉಳಿಸಿಕೊಂಡೇ ಒಬ್ಬ ಟೆಲಿಕಾಂ ಸೇವಾ ಪೂರೈಕೆದಾರರೊಬ್ಬರನ್ನು ಬಿಟ್ಟು ಮತ್ತೊಬ್ಬರ ಸೇವೆ ಪಡೆದುಕೊಳ್ಳುವುದಕ್ಕೆ ಅವರ ನೆಟ್ವರ್ಕ್ಗೆ ಸೇರ್ಪಡೆಯಾಗಬಹುದು. ಅಂತಹ ಅವಕಾಶವನ್ನು ಇದು ಒದಗಿಸುತ್ತದೆ.
