newsics.com
ನವದೆಹಲಿ :ಗೊರಕೆ ದೊಡ್ಡ ಸಮಸ್ಯೆ ಆದ್ರೂ ಅದನ್ನು ನಿರ್ಲಕ್ಷ್ಯ ಮಾಡೋರೇ ಹೆಚ್ಚು. ಈ ಗೊರಕೆ ಬರೀ ನಿದ್ರೆ ಹಾಳು ಮಾಡೋದಿಲ್ಲ. ತಿಂಗಳಿಗೆ ನಿಮ್ಮ ಖಾತೆ ತುಂಬಿಸುವ ಕೆಲಸ ಕೂಡ ಮಾಡುತ್ತದೆ.
ಗೊರಕೆ ನಿಮ್ಮ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತಿದೆ ಅಂದ್ರೆ ನೀವು ಅದಕ್ಕೆ ಸೂಕ್ತ ಚಿಕಿತ್ಸೆ ಪಡೆಯಬೇಕಾಗುತ್ತದೆ. ಈ ಚಿಕಿತ್ಸೆಗೆ ಅಗತ್ಯವಿರುವ ಭತ್ಯೆಯನ್ನು ಬ್ರಿಟನ್ ನಲ್ಲಿ ಸರ್ಕಾರ ನೀಡುತ್ತದೆ. ಬ್ರಿಟನ್ನ ಕೆಲಸ ಮತ್ತು ರೋಗಿಗಳ ಇಲಾಖೆ (DWP) ಈ ಭತ್ಯೆಯನ್ನು ನೀಡುತ್ತದೆ. ದೀರ್ಘ ಕಾಲದಿಂದ ಮಾನಸಿಕ ಹಾಗೂ ದೈಹಿಕ ವಿಕಲಾಂಗತೆ ಇದ್ದರೆ, ಈ ಭತ್ಯೆ ನಿಮ್ಮ ಜೀವನ ನಿರ್ವಹಣೆಗೆ ನೆರವಾಗಲಿದೆ. ನೀವು ಕೆಲಸ ಮಾಡ್ತಿದ್ದರೂ, ಗೊರಕೆ ರೋಗದಿಂದ ಬಳಲುತ್ತಿದ್ದರೆ ಈ ಭತ್ಯೆಯನ್ನು ಪಡೆಯಬಹುದು. ಇದನ್ನು ವೈಯಕ್ತಿಕ ಸ್ವಾತಂತ್ರ್ಯ ಪಾವತಿ ಅಂದ್ರೆ ಪಿಐಪಿ ಎಂದು ಕರೆಯಲಾಗುತ್ತದೆ. ನಿಮ್ಮ ಬಳಿ ಚಿಕಿತ್ಸೆಗೆ ಸಾಕಷ್ಟು ಹಣವಿದ್ದರೂ ನೀವು ಈ ಪಿಐಪಿ ಪಡೆಯಬಹುದು. ವಿಶೇಷವೆಂದ್ರೆ ನೀವು ಪಡೆದ ಈ ಹಣಕ್ಕೆ ಯಾವುದೇ ತೆರಿಗೆ ಪಾವತಿ ಮಾಡಬೇಕಾಗಿಲ್ಲ. ನಿಮ್ಮ ಆದಾಯ ಹಾಗೂ ಸಂಪಾದನೆ ಮೇಲೆ ಇದು ಯಾವುದೇ ಪರಿಣಾಮ ಬೀರುವುದಿಲ್ಲ.
ನೀವೂ ಗೊರಕೆ ಹೊಡೆಯುವ ವ್ಯಕ್ತಿಯಾಗಿದ್ದರೆ ಪ್ರತಿ ತಿಂಗಳು 78 ಸಾವಿರ ರೂಪಾಯಿಯನ್ನು ಸರ್ಕಾರದಿಂದ ಪಡೆಯಬಹುದು. ಬ್ರಿಟನ್ ಸರ್ಕಾರ, ಅಲ್ಲಿನ ಜನರಿಗೆ ಈ ವ್ಯವಸ್ಥೆ ಮಾಡಿದೆ. ವ್ಯಕ್ತಿ ಯಾವುದೇ ಕೆಲಸದಲ್ಲಿರಲಿ ಇಲ್ಲ ನಿರುದ್ಯೋಗಿ ಆಗಿರಲಿ, ಷರತ್ತುಗಳನ್ನು ಪೂರ್ಣಗೊಳಿಸಿದ್ದರೆ ಆತ ತಿಂಗಳಿಗೆ 78 ಸಾವಿರ ರೂಪಾಯಿ ಪಡೆಯುತ್ತಾನೆ. ಯಾಕೆಂದ್ರೆ ಈ ದೇಶದಲ್ಲಿ ಗೊರಕೆಯನ್ನು ಒಂದು ಖಾಯಿಲೆ ಅಂತಾ ಪರಿಗಣಿಸಲಾಗುತ್ತದೆ.
ಕೆಲ ಷರತ್ತುಗಳನ್ನು ಪಾಲಿಸಬೇಕು. ಈ ಭತ್ಯೆ ಪಡೆಯುವ ವ್ಯಕ್ತಿ 16 ವರ್ಷ ಮೇಲ್ಪಟ್ಟಿರಬೇಕು. ದೀರ್ಘ ಕಾಲದಿಂದ ಮಾನಸಿಕ ಅಥವಾ ದೈಹಿಕ ವಿಕಲಾಂಗತೆ ಹೊಂದಿದ್ದು, ನಿತ್ಯದ ಕೆಲಸ ಮಾಡಲು ಸಮಸ್ಯೆ ಆಗ್ತಿದ್ದರೆ, ಕನಿಷ್ಠ ಕಳೆದ 12 ತಿಂಗಳಿಂದ ನೀವು ಗೊರಕೆ ಸಮಸ್ಯೆಯಿಂದ ಬಳಲುತ್ತಿರಬೇಕು. ಇಂಥವರು ಸರ್ಕಾರ ನೀಡುವ 78 ಸಾವಿರ ಭತ್ಯೆ ಹಣವನ್ನು ತಿಂಗಳು, ತಿಂಗಳು ಪಡೆಯಬಹುದು.
