newsics.com
ನಿಮ್ಮ ಮನೆಯಲ್ಲೂ ಸ್ಮಾರ್ಟ್ ಟಿವಿ ಇದ್ದರೆ ಅದನ್ನು ಸ್ವಚ್ಛಗೊಳಿಸುವ ಮುನ್ನ ಕೆಲವೊಂದು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು.
ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್ ಟಿವಿಯನ್ನು ಬಹುತೇಕ ಮನೆಗಳಲ್ಲಿ ಬಳಸಲಾಗುತ್ತದೆ. ಹೌದು,
ಸಾಮಾನ್ಯ ಟಿವಿ ಅಥವಾ ಸ್ಮಾರ್ಟ್ ಟಿವಿ ಆಗಿರಲಿ, ಪರದೆಯು ಧೂಳು ಮತ್ತು ಫಿಂಗರ್ಪ್ರಿಂಟ್ಗಳಿರುವುದು ಸಹಜ. ನಿಮ್ನ ಎಲ್ ಇಡಿ ಟಿವಿ ಸ್ವಚ್ಛಗೊಳಿಸಲು ಈ ರೀತಿ ಮಾಡಿ
- ನಿಮ್ಮ ಟಿವಿ ಪರದೆಯನ್ನು ನೇರವಾಗಿ ಒದ್ದೆಯಾದ ಬಟ್ಟೆಯಿಂದ ಒರೆಸುವುದನ್ನು ತಪ್ಪಿಸಿ. ಇದು ವಿದ್ಯುತ್ ಆಘಾತಕ್ಕೆ ಕಾರಣವಾಗಬಹುದು. ಎಲ್ಇಡಿ ಸ್ಮಾರ್ಟ್ ಟಿವಿಯನ್ನು ಸ್ವಚ್ಛಗೊಳಿಸುವ ಮೊದಲು, ಟಿವಿಯನ್ನು ಸ್ವಿಚ್ ಆಫ್ ಮಾಡಿ. ಇದು ಪರದೆಯನ್ನು ಸ್ವಚ್ಛಗೊಳಿಸುವಾಗ ವಿದ್ಯುತ್ ಆಘಾತವನ್ನು ತಡೆಯುತ್ತದೆ.
- ಸ್ವಚ್ಛವಾದ ಒಣ ಬಟ್ಟೆಯನ್ನು ಬಳಸಿ ನಿಮ್ಮ ಎಲ್ಇಡಿ ಸ್ಮಾರ್ಟ್ ಟಿವಿಯಿಂದ ಧೂಳು ಮತ್ತು ಕೊಳೆಯನ್ನು ನಿಧಾನವಾಗಿ ಸ್ವಚ್ಛಗೊಳಿಸಿ. ಶುಚಿಗೊಳಿಸುವಾಗ ಹತ್ತಿ ಅಥವಾ ಪಾಲಿಯೆಸ್ಟರ್ ಬಟ್ಟೆ ಇತ್ಯಾದಿಗಳನ್ನು ಬಳಸುವುದರಿಂದ ಪರದೆಯು ಸ್ಕ್ರಾಚ್ ಆಗಬಹುದು. ಆದ್ದರಿಂದ, ಎಲ್ಇಡಿ, ಎಲ್ಸಿಡಿ ಟಿವಿ ಒರೆಸುವಾಗ ಮೈಕ್ರೋಫೈಬರ್ (ಗಟ್ ಕ್ಲಾತ್) ಬಳಸುವುದು ಉತ್ತಮ.
- ಪರದೆಯು ಕಲೆಗಳನ್ನು ಹೊಂದಿದ್ದರೆ, ಅದನ್ನು ಉಗುರುಗಳಿಂದ ಸ್ವಚ್ಛಗೊಳಿಸಬೇಡಿ. ಇದು ಪರದೆಯ ಮೇಲೆ ಗೀರುಗಳನ್ನು ಉಂಟುಮಾಡಬಹುದು
- ಕಲೆಗಳಿದ್ದರೆ ಸೋಪ್ ಅಥವಾ ಸೋಪ್ ಆಧಾರಿತ ದ್ರವಗಳನ್ನು, ಸ್ಯಾನಿಟೈಸರ್ ಕೂಡ ಬಳಸಬೇಡಿ . ಇದು ನಿಮ್ಮ ಪರದೆಯೊಳಗೆ ಸಮಸ್ಯೆಗಳನ್ನು ಉಂಟುಮಾಡಬಹುದು. ನೀವು ಹೀಗೆ ಮಾಡಿದರೆ, ಪರದೆಯು ಹಾನಿಗೊಳಗಾಗಬಹುದು ಮತ್ತು ಪರದೆಯ ಮೇಲೆ ಕಪ್ಪು ಕಲೆಗಳು ಕಾಣಿಸಿಕೊಳ್ಳಬಹುದು. ಹಾಗಾಗಿ ಟಿವಿ ಸ್ಕ್ರೀನ್ ಕ್ಲೀನ್ ಮಾಡುವಾಗ ಸ್ಕ್ರೀನ್ ಕ್ಲೀನರ್ ಬಳಸುವುದು ಉತ್ತಮ.
- ಎಲ್ಇಡಿ ಟಿವಿಯನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವುದು ಮುಖ್ಯ. ಬಟ್ಟೆಯನ್ನು ಒಮ್ಮೆ ಒರೆಸಿದ ನಂತರ ಇನ್ನೊಂದು ಬಟ್ಟೆಯನ್ನು ಬಳಸುವುದು ಉತ್ತಮ. ಅದೇ ಬಟ್ಟೆಯನ್ನು ಪದೇ ಪದೇ ಬಳಸುವುದರಿಂದ ಪರದೆಯ ಮೇಲೆ ಗೀರುಗಳು ಉಂಟಾಗಬಹುದು. ತಾಜಾ ಬಟ್ಟೆಗಳನ್ನು ಬಳಸುವುದರಿಂದ ಗೀರುಗಳು ಬೀಳದಂತೆ ತಡೆಯಬಹುದು.
