newsics.com
ಪರಸ್ಪರ ತಿಳುವಳಿಕೆಯುಳ್ಳ ಉತ್ತಮ ಲೈಂಗಿಕ ಜೀವನವು ಸಂತೋಷದ ದಾಂಪತ್ಯಕ್ಕೆ ಕಾರಣವಾಗುತ್ತದೆ. ಲೈಂಗಿಕ ಜೀವನವು ನೀರಸವಾದಾಗ, ದಂಪತಿಗಳ ಸಂಬಂಧವು ಸಹ ದುರ್ಬಲಗೊಳ್ಳುತ್ತದೆ. ಕೆಲವೊಮ್ಮೆ ದಂಪತಿಗಳ ನಡುವಿನ ಸಂಬಂಧವು ಮುರಿದುಹೋಗುತ್ತದೆ.
ಅಂದಹಾಗೆ ಲೈಂಗಿಕ ಜೀವನ ನೀರಸವಾಗಲು ಹಲವು ಕಾರಣಗಳಿವೆ.ಆದರೆ, ದೈನಂದಿನ ಜೀವನದಲ್ಲಿ ಮಾಡುವ ಕೆಲವೊಂದು ತಪ್ಪುಗಳು ಈ ಸಮಸ್ಯೆಯನ್ನು ಇನ್ನಷ್ಟು ಹೆಚ್ಚಿಸುತ್ತವೆ.
* ಪತಿ-ಪತ್ನಿಯರ ನಡುವಿನ ಜಗಳಗಳು ಹೆಚ್ಚಾಗಿ ಅವರ ಸಂಬಂಧವನ್ನು ಮುರಿಯುತ್ತವೆ. ಜಗಳದಿಂದ ಇಬ್ಬರ ನಡುವೆ ಅಂತರ ಶುರುವಾಗಿ ಕ್ರಮೇಣ ಇಬ್ಬರ ನಡುವೆ ಪ್ರೀತಿ ಮಾಯವಾಗುತ್ತದೆ. ನಿಮ್ಮ ಸಂಗಾತಿಯೊಂದಿಗೆ ಉತ್ತಮ ಲೈಂಗಿಕ ಜೀವನವನ್ನು ಆನಂದಿಸಲು ನೀವು ಬಯಸಿದರೆ, ಸಣ್ಣ ವಿಷಯಗಳಿಗೆ ಕೋಪಗೊಳ್ಳುವ ಬದಲು ಪರಸ್ಪರ ಮಾತನಾಡುವ ಮೂಲಕ ನಿಮ್ಮ ಕೋಪವನ್ನು ತಣ್ಣಗಾಗಿಸಿಕೊಳ್ಳಿ.
* ಕೆಲವೊಮ್ಮೆ ಅಸಮತೋಲನದ ಹಾರ್ಮೋನುಗಳು ದಂಪತಿಗಳ ಲೈಂಗಿಕ ಜೀವನವನ್ನು ಅಡ್ಡಿಪಡಿಸಬಹುದು. ನೀವು ಕೂಡ ಈ ರೀತಿ ಭಾವಿಸಿದರೆ, ತಡಮಾಡದೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
* ನಿದ್ರೆಯ ಕೊರತೆಯು ಲೈಂಗಿಕ ಜೀವನದ ಮೇಲೆ ಅನೇಕ ರೀತಿಯಲ್ಲಿ ಪರಿಣಾಮ ಬೀರುತ್ತದೆ. ನಿದ್ರೆಯ ಕೊರತೆಯಿಂದ ದೇಹದಲ್ಲಿ ಕಾರ್ಟಿಸೋಲ್ ಎಂಬ ಹಾರ್ಮೋನ್ ಉತ್ಪಾದನೆಯಾಗುತ್ತದೆ. ಇದು ಟೆಸ್ಟೋಸ್ಟೆರಾನ್ ಮತ್ತು ಈಸ್ಟ್ರೊಜೆನ್ ಹಾರ್ಮೋನುಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಮತ್ತು ಹಾರ್ಮೋನ್ ಅಸಮತೋಲನಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಉತ್ತಮ ನಿದ್ರೆ ಅವಶ್ಯಕ.
* ಒಬ್ಬ ವ್ಯಕ್ತಿಯು ಆರೋಗ್ಯಕರ ಲೈಂಗಿಕ ಜೀವನಕ್ಕಾಗಿ ಉತ್ತಮ ಮಾನಸಿಕ ಆರೋಗ್ಯವನ್ನು ಹೊಂದಿರುವುದು ಬಹಳ ಮುಖ್ಯ. ಉತ್ತಮ ಲೈಂಗಿಕ ಜೀವನವು ಪುರುಷರು ಮತ್ತು ಮಹಿಳೆಯರಿಗೆ ಧನಾತ್ಮಕ ಶಕ್ತಿಯನ್ನು ನೀಡುತ್ತದೆ. ಅಲ್ಲದೆ, ಮೆದುಳಿನಲ್ಲಿ ಸಂತೋಷದ ಹಾರ್ಮೋನ್ಗಳ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಮಾನಸಿಕವಾಗಿ ಆರೋಗ್ಯವಂತ ವ್ಯಕ್ತಿಯು ಒತ್ತಡವನ್ನು ಚೆನ್ನಾಗಿ ನಿಭಾಯಿಸಬಲ್ಲನು. ಇದು ದಂಪತಿಗಳ ಮಿಲನದ ಸಮಯದಲ್ಲಿ ಏಕಾಗ್ರತೆ ಮತ್ತು ಆನಂದವನ್ನು ಹೆಚ್ಚಿಸುತ್ತದೆ. ಹೀಗಾಗಿ ಒತ್ತಡದಿಂದ ದೂರವಿರಲು ಪ್ರಯತ್ನಿಸಿ.
* ನಿಮ್ಮ ದೈಹಿಕ ಆರೋಗ್ಯವು ನಿಮ್ಮ ಲೈಂಗಿಕ ಜೀವನದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಅನಾರೋಗ್ಯವು ನಿಮ್ಮ ಲೈಂಗಿಕ ಕಾರ್ಯಕ್ಷಮತೆಯನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ಆರೋಗ್ಯ ಕಾಪಾಡಿಕೊಳ್ಳಿ
