newsics.com
ಮೆಸೇಜಿಂಗ್ ಆ್ಯಪ್ ಟೆಲಿಗ್ರಾಂನ ಸಿಇಒ ಪಾವೆಲ್ ಡುರೊವ್ ಅವರು ಇದೀಗ ಹೊಸದೊಂದು ವಿಷಯಕ್ಕೆ ಭಾರೀ ಚರ್ಚೆಯಲ್ಲಿದ್ದಾರೆ.
ಅತ್ಯಂತ ಪ್ರಸಿದ್ಧ ಮತ್ತು ಯಶಸ್ವಿ ಉದ್ಯಮಿಗಳಲ್ಲಿ ಒಬ್ಬರಾದ ಪಾವೆಲ್ ಡುರೊವ್ ಅವರ ವೀರ್ಯವನ್ನು ಬಳಸಿಕೊಂಡು ನಮ್ಮ ಕ್ಲಿನಿಕ್ನಲ್ಲಿ ನೀವು ಉಚಿತವಾಗಿ IVF ಗೆ ಒಳಗಾಗಬಹುದು ಎನ್ನುವ ಜಾಹೀರಾತೊಂದು ಇದೀಗ ಭಾರೀ ಸದ್ದು ಮಾಡುತ್ತಿದೆ.
ಪಾವೆಲ್ ಡುರೊವ್ ಈಗಾಗಲೇ 100 ಮಕ್ಕಳ ತಂದೆ! ಹೌದು, ಪಾವೆಲ್ ಡುರೊವ್ ವೀರ್ಯ ದಾನ ಮಾಡುವ ಮೂಲಕ ವಿಟ್ರೋ ಫರ್ಟಿಲೈಸೇಶನ್ ವಿಧಾನದಿಂದ (ಕೃತಕವಾಗಿ ತಾಯಿ ಆಗುವ ಅಥವಾ ಆರ್ಟಿಫಿಷಿಯಲ್ ವಿಧಾನ (ಲೈಂಗಿಕ ಸಂಪರ್ಕವಿಲ್ಲದೆ ಸಂತಾನ)ದ ಮೂಲಕ) ನೂರು ಮಕ್ಕಳಿಗೆ ಡುರೊವ್ ತಂದೆಯಾಗಿದ್ದಾರೆ.
ಟೆಲಿಗ್ರಾಮ್ ಸಿಇಒ ಮತ್ತು ರಷ್ಯಾದ ಬಿಲಿಯನೇರ್ (ಅಗರ್ಭ ಶ್ರೀಮಂತ) ಪಾವೆಲ್ ಡುರೊವ್ ಉಚಿತ ವೀರ್ಯ ದಾನ ಮಾಡುವುದು ಹಾಗೂ ವಿಟ್ರೋ ಫರ್ಟಿಲೈಸೇಶನ್ (IVF) ಮೂಲಕ ಮಕ್ಕಳನ್ನು ಪಡೆಯುವ ವಿಷಯವಾಗಿ ವಿಶ್ವದಾದ್ಯಂತ ಸುದ್ದಿಯಲ್ಲಿದ್ದಾರೆ.
ಯಾರು ಐವಿಎಫ್ನ ಮೂಲಕ ಮಕ್ಕಳನ್ನು ಪಡೆಯಲು ಇಚ್ಛಿಸುತ್ತಾರೋ ಅಂತಹ ಮಹಿಳೆಯರಿಗೆ ಪಾವೆಲ್ ಡುರೊವ್ ಈಗಾಗಲೇ ಉಚಿತವಾಗಿ ವೀರ್ಯ ನೀಡುತ್ತಿದ್ದಾನೆ. ಇದೀಗ ಚಿಕಿತ್ಸೆಯ ವೆಚ್ಚವನ್ನೂ ತಾನೇ ಭರಿಸುವುದಾಗಿ ಭರವಸೆ ನೀಡಿದ್ದಾನೆ.
ಇದೀಗ ಅಲ್ಟ್ರಾವಿಟಾ ಫರ್ಟಿಲಿಟಿ ಕ್ಲಿನಿಕ್ ಎನ್ನುವ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ಐವಿಎಫ್ ತಂತ್ರಾಂಶದ ಮೂಲಕ ಮಕ್ಕಳನ್ನು ಪಡೆಯಲು ಇಚ್ಛಿಸುವ ಮಹಿಳೆಯರಿಗೆ ಉಚಿತ ವೀರ್ಯ ಹಾಗೂ ಚಿಕಿತ್ಸೆ ವೆಚ್ಚವನ್ನೂ ಭರಿಸುವುದಾಗಿ ಪಾವೆಲ್ ಭರವಸೆ ನೀಡಿದ್ದಾನೆ. ಈ ಬಗ್ಗೆ ಆಸ್ಪತ್ರೆಯ ಅಧಿಕೃತ ವೆಬ್ಸೈಟ್ನಲ್ಲಿ ಜಾಹೀರಾತು ನೀಡಲಾಗಿದೆ.
ಪಾವೆಲ್ ಡುರೊವ್ನ (Biological parent) ಈಗಾಗಲೇ ವಿಶ್ವದ 12 ದೇಶಗಳಲ್ಲಿ 100 ಮಕ್ಕಳಿಗೆ ಪರೋಕ್ಷವಾಗಿ ತಂದೆಯಾಗಿದ್ದಾನೆ. ಈ ಮಕ್ಕಳು ಯಾರೂ ಸಹಜ ಲೈಂಗಿಕ ಕ್ರಿಯೆಯಿಂದ ಜನಿಸಿಲ್ಲ.
ನಾನು 15 ವರ್ಷಗಳ ಹಿಂದೆ ವೀರ್ಯ ದಾನ ಮಾಡಲು ಪ್ರಾರಂಭಿಸಿದ್ದೆ. ನನ್ನ ಗೆಳೆಯನೊಬ್ಬ ನನ್ನ ಬಳಿ ವಿಚಿತ್ರ ಸಹಾಯವೊಂದನ್ನು ಕೇಳಿದ್ದ. ಅವರ ಪತ್ನಿ ಫಲವತ್ತತ್ತೆ ಸಮಸ್ಯೆಯಿಂದ ಬಳಲುತ್ತಿದ್ದರು. ಜೈವಿಕ ತಂದೆಯಾಗಿ ನೀನು ವೀರ್ಯ ದಾನ ಮಾಡು ಅಂತ ಮನವಿ ಮಾಡು ಎಂದು ಕೇಳಿದ್ದರು. ಅಲ್ಲಿಂದ ನಾನು ವೀರ್ಯ ದಾನ ಮಾಡುತ್ತಿದ್ದೇನೆ ಎಂದು ಈಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಡುರೊವ್ ಬರೆದುಕೊಂಡಿದ್ದ.
ಇನ್ನು, ಟೆಲಿಗ್ರಾಂ ಆ್ಯಪ್ ಭಾರತ, ಉಕ್ರೇನ್, ರಷ್ಯಾ ಹಾಗೂ ಸೋವಿಯತ್ ಯುನಿಯನ್ ದೇಶಗಳಲ್ಲಿ ಅತಿ ಹೆಚ್ಚು ಬಳಕೆಯಲ್ಲಿದೆ. ಈ ಆ್ಯಪ್ನ್ನು ಶತಕೋಟಿಗೂ ಹೆಚ್ಚು ಜನ ಬಳಸುತ್ತಿದ್ದಾರೆ.
https://www.instagram.com/reel/C5dWF-2SFed/?igsh=MXkxbXJucnFtbnVwNw==
ಇನ್ಮುಂದೆ ವಾಟ್ಸಾಪ್ನಲ್ಲಿ ಪರ್ಸನಲ್ ಚಾಟ್ ಅನ್ನೂ ಲಾಕ್ ಮಾಡಿಟ್ಟುಕೊಳ್ಳಬಹುದು
