newsics.com
ನವದೆಹಲಿ: ಜಿತಿಯ ವ್ರತ ಹಿನ್ನೆಲೆಯಲ್ಲಿ ಬಿಹಾರದಲ್ಲಿ ನಡೆದ 3 ದಿನಗಳ ಉತ್ಸವದಲ್ಲಿ ವಿವಿಧ ಜಲ ದುರಂತಗಳಲ್ಲಿ 40 ಕ್ಕೂ ಹೆಚ್ಚು ಮಂದಿ ಜಲಸಮಾಧಿಯಾಗಿದ್ದಾರೆ.
ಭಕ್ತರು ಗಂಗೆಯಲ್ಲಿ ಪವಿತ್ರ ಸ್ನಾನ ಮಾಡುವ ವೇಳೆ ಉಂಟಾದ ಅವಘಡಗಳಲ್ಲಿ ವಿಶೇಷವಾಗಿ ಬಿಹಾರದಲ್ಲೇ ಹಲವರು ಅಸುನೀಗಿದ್ದಾರೆ.
ಬಿಹಾರದ ವಿವಿಧೆಡೆ ಸಂಭವಿಸಿದ ಅಪಘಾತಗಳಲ್ಲಿ ಸುಮಾರು 40ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ. ಔರಂಗಾಬಾದ್ ಒಂದರಲ್ಲೇ 10 ಮಂದಿ ಕೊಳದಲ್ಲಿ ಸ್ನಾನ ಮಾಡುತ್ತಿದ್ದಾಗ ಮುಳುಗಿ ಮೃತಪಟ್ಟಿದ್ದಾರೆ. ಅಲ್ಲದೇ ಚಂಪಾರಣ್, ಸರನ್, ಸಿವಾನ್, ಪಾಟ್ನಾ, ರೋಹ್ತಾಸ್, ಅರ್ವಾಲ್, ಕೈಮೂರ್ನಲ್ಲೂ ಅಪಘಾತಗಳು ಸಂಭವಿಸಿವೆ.
ಔರಂಗಾಬಾದ್ನಲ್ಲಿ 8 ಮಕ್ಕಳು ನೀರಿನಲ್ಲಿ ಮುಳುಗಿ ಮುಳುಗಿ ಕೊನೆಯುಸಿರೆಳೆದಿದ್ದಾರೆ. ಜಿತಿಯ ಹೊಂಡದಲ್ಲಿ ಸ್ನಾನಕ್ಕೆ ಬಂದಿದ್ದ 8 ಮಂದಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ. ಮೃತರಲ್ಲಿ 2 ಮಹಿಳೆಯರು ಮತ್ತು 6 ಬಾಲಕಿಯರು ಸೇರಿದ್ದಾರೆ.
ಈ ದುರ್ಘಟನೆ ಬರುನ್ ನಗರದ ಇಥಾತ್ ಗ್ರಾಮ ಮತ್ತು ಮದನ್ಪುರ ನಗರದ ಕುಶಾ ಗ್ರಾಮದಲ್ಲಿ ನಡೆದಿದೆ. ಕುಶಾ ಗ್ರಾಮದ ಕೊಳ ಮತ್ತು ಇಂಥಾಟ್ ಗ್ರಾಮದ ಮೂಲಕ ಹಾದುಹೋಗುವ ಬಟಾನೆ ನದಿಯಲ್ಲಿ ತಲಾ 4 ಮಕ್ಕಳ ಮೃತ ದೇಹಗಳು ಪತ್ತೆಯಾಗಿವೆ.
ನಮ್ಮ ಮೆಟ್ರೋದಲ್ಲಿ ಭಾರೀ ಜನದಟ್ಟಣೆ: ಪ್ರಜ್ಞೆ ತಪ್ಪಿ ಬಿದ್ದ ಯುವತಿ, ಕರೆದರೂ ನೆರವಿಗೆ ಬಾರದ ಮೆಟ್ರೋ ಸಿಬ್ಬಂದಿ!
